ຕະຫຼາດນັດສັດນ້ຳ ໄດ້ຈັດຂຶ້ນທີ່ສູນການຄ້າລາວ-ໄອເຕັກ ໃນລະຫວ່າງວັນທີ 30 ພະຈິກ ຫາ 8 ທັນວາ 2019, ງານນີ້ໄດ້ນຳເອົາປາສວຍງາມເປັນຕົ້ນແມ່ນ: ປາກັດປ່າ,ປາຄຣາບ, ປາຄຳ,ປາຫາງນົກຍຸງ ແລະ ປາກັດແຟນຊີ ມາວາງສະແດງ ແລະ ຈໍາໜ່າຍ. ນອກຈາກນີ້, ຍັງມີການສາທິດການຈັດສວນຕູ້ປາ, ການປະກວດຕູ້ຕົ້ນໄມ້ນໍ້າ ແລະ ການປະກວດປາສວຍງາມ
ພາຍໃນງານ, ຍັງມີບັນດາຜູ້ທີ່ຊ່ຽວຊານໃນການລ້ຽງປາສວຍງາມມາໃຫ້ຄວາມຮູ້ກັບຜູ້ທີ່ກຳລັງຈະເລີ່ມລ້ຽງປາ ຕັ້ງແຕ່ຂັ້ນຕອນການເລືອກຕູ້ປາ ຕົບແຕ່ງຕູ້ປາ ການໃຫ້ອາຫານປາ ແລະ ການເບິ່ງແຍງປາໃນຊ່ວງຍາມໜາວ
ອ້າຍຍົດ ຈາກຟຣາມລ້ຽງປາ Guppy Fish-ປາຫາງຍຸງ ໄດ້ເຜີຍເຄັດບໍ່ລັບໃນການເບິ່ງແຍງປາຫາງຍຸງໃນຍາມໜາວວ່າ: ສໍາລັບໃນຍາມໜາວແມ່ນຕ້ອງໄດ້ໃສ່ໃຈເລື່ອງຂອງນໍ້າເປັນພິເສດ ເພາະໃນຍາມໜາວຈະເຮັດໃຫ້ນໍ້າຂຸ້ນໄວ ແລະ ຕ້ອງໄດ້ໃຫ້ອາຫານມື້ລະ 1 ເທື່ອ ເພື່ອປ້ອງກັນບໍ່ໃຫ້ນໍ້າຂຸ້ນ ແລະ ຕ້ອງໄດ້ປ່ຽນນໍ້າທຸກໆອາທິດ ແຕ່ໃນການປ່ຽນນໍ້າ ກໍ່ຕ້ອງປ່ຽນໃນຕອນຄໍ່າ ຫຼື ຕອນເຊົ້າເທົ່ານັ້ນ ເພາະຖ້າປ່ຽນຕອນກາງເວັນ ປາຈະປັບໂຕກັບອຸນຫະພູມນໍ້າບໍ່ໄດ້ ແລະ ອາດເຮັດໃຫ້ປານ໋ອກນໍ້າໄດ້.
Hits: 3
