ນັກສຶກສາລາວ-ໄທ ຫຼາຍກວ່າ 100 ຄົນ ຈາກ 13 ສະຖາບັນລົງພື້ນທີ່ ຫຼວງພະບາງ ຜະລິດຮູບເງົາສັ້ນ “ອ້ອມກອດຫຼວງພະບາງ” ສ້າງສັນສິລະປະ ແລະ ວັດທະນະທຳສອງຝັ່ງຂອງ ເຜີຍແຜ່ວັດທະນະທຳ ແລະ ຮັດແໜ້ນຄວາມສຳພັນ ລະຫວ່າງປະເທດ ຄົນບັນເທິງ ດາລາ ຜູ້ກຳກັບ ຮູບເງົາລາວ-ໄທ
ວັນທີ 21 ທັນວາ 2019, ທີ່ ມະຫາວິທະຍາໄລສຸພານຸວົງ ໄດ້ຈັດໂຄງການສຳມະນາພາກປະຕິບັດ ການຜະລິດຮູບເງົາສັ້ນ ສ້າງສັນສິລະປະ ແລະ ວັດທະນະທຳສອງຝັ່ງຂອງ ຄັ້ງທີ 5 “ອ້ອມກອດຫຼວງພະບາງ” ໂດຍການເຂົ້າຮ່ວມຂອງ
ທ່ານ ກິດສະຍະພົງ ສິຣິ ປະລັດກະຊວງວັດທະນະທໍາ (ປະເທດໄທ), ທ່ານ ຮສ. ວິໄຊ ຈັນສະຫວ່າງ ອະທິການບໍດີ ມະຫາວິທະຍາໄລສຸພານຸວົງ, ທ່ານ ວິທູນ ສູນດາລາ ຫົວໜ້າກົມຮູບເງົາ, ທ່ານ ຄຳສຸກ ແກ້ວວົງຊາຍ ຮອງຜູ້ອຳນວຍການ ສະຖາບັນວິຈິດສິນຊາດ, ທ່ານ ບຸຣິນ ເປັ່ງດີສະກຸນ ຄະນະບໍດີ ຄະນະສິລະປະສາດ ມະຫາວິທະຍາໄລຂອນແກ່ນ
ເຊິ່ງໂຄງການດັ່ງກ່າວຈະໄດ້ນຳເອົານັກສຶກສາ ຈາກ 13 ສະຖາບັນໃນລ່ອງແມ່ນໍ້າຂອງ ເຂົ້າຮ່ວມ ແລະ ມີທີມຜະລິດຮູບເງົາຈາກ ສປປ ລາວ ຮ່ວມອົບຮົມ ຫຼາຍກວ່າ 100 ຄົນ
ນອກຈາກນີ້, ນັກສຶກສາແຕ່ລະມະຫາວິທະຍາໄລ ຜະລິດຮູບເງົາສັ້ນ ໃນເມືອງຫຼວງພະບາງ ຈຳນວນ 3 ມື້ ລະຫວ່າງວັນທີ 20-23 ທັນວາ 2019 ໂດຍມີນັກສະແດງຈາກຝັ່ງລາວ ແລະ ໄທ ເປັນນັກສະແດງຮັບເຊີນໃຫ້ແຕ່ລະທີມ ເຊັ່ນ: ແມ່ແດງ ບຸນສິຣິ, ມ່ອນ ຈັນທະຈອນ, ນ້ອງ ພຸດທະສອນ ສີດາວັນ ແລະ ອື່ນໆ ໂດຍຈະສາຍຮູບເງົາ ກາງແປງ ທີ່ເມືອງຫຼວງພະບາງ ໃນວັນທີ 23 ທັນວາ 2019 ນີ້
ຂໍ້ມູນ ແລະ ຮູບພາບ: ເວັບໄຊ ມະຫາວິທະຍາໄລຂອນແກ່ນ
Hits: 6
