ສັງລວມໝົດປີ 2019 ນັກສະແດງໄທ ທີ່ເດີນທາງມາທ່ຽວ ສປປ ລາວ

ເຮົາມັກຈະເຫັນນັກທ່ອງທ່ຽວຕ່າງປະເທດ ເດີນທາງມາທ່ຽວປະເທດລາວຢ່າງຫຼວງຫຼາຍ ແລະ ໃນນັ້ນກໍ່ມີບັນດານັກສະແດງຈາກປະເທດໄທ ທີ່ເດີນທາງມາພັກຜ່ອນທີ່ປະເທດລາວ ໃນຕະຫຼອດປີ 2019 ມີດາລາຈາກປະເທດໄທເດີນທາງມາທ່ອງທ່ຽວເປັນຈໍານວນບໍ່ໜ່ອຍ ຈະມີໃຜແນ່ ແລະ ຂະເຈົ້າໄປທ່ຽວໃສແນ່ ມາເບິ່ງນໍາກັນ.​

• ວູ້ດດີ້ ວຸດທິທອນ ມິລິນທະຈິນດາ ເລີ່ມຕົ້ນປີ 2019 ກັບ ໜຸ່ມ ວູ້ດດີ້ ທີ່ໄດ້ມາເຮັດບຸນຕອນຮັບປີ 2019 ທີ່ ຫຼວງພະບາງ ແລະ ຍັງໄດ້ເດີນທາງມາ ສປປ ລາວຮອບ 2 ເພື່ອມາຮ່ວມງານ Top Thai Brands ທີ່ ນະຄອນຫຼວງວຽງຈັນ ພ້ອມກັບຮ່ວມສົນທະນາຫົວຂໍ້ ຊີວິດ ມຸມມອງ ທຸລະກິດ ແລະ ເປົ້າໝາຍ

• ໄມ ພິລົມພອນ ແລະ ໃບເຕີຍ ອາສະຫຍາມ ທີ່ໄດ້ມາຫຼີ້ນຄອນເສີດ ແລະ ຮ່ວມສົນທະນາແລກປ່ຽນເລື່ອງທຸລະກິດ ໃນງານ Top Thai Brands 2019

• ຕ່າຍ ອໍລະໄທ ນັກຮ້ອງລູກທົ່ງສຽງຫວານ ໂດຍປີ 2019 ປີນີ້,​ ຕ່າຍ​ ອໍລະໄທ​ ກໍມີ​ Series ທ່ອງທ່ຽວ​ ປະເທດລາວ​ ແຕ່ພາກເໜືອຮອດພາກໃຕ້ ແລະ​ ໄດ້ປ່ອຍໃຫ້ແຟນໆຊາວລາວໄດ້ເບິ່ງນໍາກັນແລ້ວ ໂດຍໄດ້ແບ່ງເປັນຕອນໆ ເປັນຕົ້ນແມ່ນ​: EP1 ຮຸ່ງອາລຸນແຫ່ງສັດທາ,​ EP2 ເລື່ອງເລົ່າຈາກຜືນຜ້າ,​ EP3 ສະບາຍດີຄົນແປກໜ້າ ແລະ ອື່ນໆ. ຖືໄດ້ວ່າປີດຽວ ຕ່າຍ ອໍລະໄທ ໄດ້ເດີນທາງທ່ຽວເກືອບທົ່ວ ສປປ ລາວເລີຍກໍ່ວ່າໄດ້.​

• ສຸລິວິພາ ກຸລັງວັດທະນາ ຫຼື ໜູແໝ່ມ ພິທີກອນອາລົມດີ ການມາປະເທດລາວຄັ້ງນີ້ ແມ່ນໄດ້ມາກັບສາມີ ບ໊ອບ ໂດຍມາຖ່າຍລາຍງານແໝ່ມ-ບ໊ອບ Let’s go ທັງສອງ ໄດ້ເດີນທາງມາຖ່າຍທຳຢູ່ ນະຄອນຫຼວງວຽງຈັນ ເຊິ່ງໄດ້ໄປທ່ອງທ່ຽວຫຼາຍໆບ່ອນ ເປັນຕົ້ນແມ່ນ ປະຕູໄຊ ແລະ ທາດຫຼວງ ນອກຈາກນີ້ຍັງໄດ້ ນຸ່ງຊຸດລາວ ໃສ່ບາດເຂົ້າໜ້ຽວຕາມປະເພນິລາວອີກດ້ວຍ.

• ຊາຣ່າ​ ນະລິນ ໂຮເລີ ນັກຮ້ອງ, ນັກສະແດງ​ ແລະ​ ພິທີກອນ​ອາລົມດີ ໂດຍໄດ້ບິນມາຖ່າຍທຳລາຍການ “ຖ້າໄດ້ມາ”​ ທີ່ປະເທດລາວ​ ໂດຍໄດ້ໄປຖ່າຍທໍາຢູ່ ແຂວງ​ ອຸດົມໄຊເຊິ່ງເປັນສະຖານທີ່ທ່ອງທຽວທາງທຳມະຊາດອັນອຸດົມສົມບູນແຫ່ງໜື່ງຂອງລາວເລີຍກໍ່ວ່າໄດ້.

• ໜຸ່ມ ສອນລາມ ເຊິ່ງການມາຂອງໜຸ່ມ ແມ່ນເພື່ອມາເຕະບານນັດພິເສດ ລະຫວ່າງ FRIENDLY FOOTBALL MATCH ພົບກັບ VIP INTRA (LANEXANG) ທີ່ ສະໜາມກິລາ ລ້ານຊ້າງ ບ້ານໜອງໄຮ ເມືອງ ຫາດຊາຍຟອງ ນະຄອນຫຼວງວຽງຈັນ. ໂດຍທິມ FRIENDLY FOOTBALL MATCH ນໍາທິມໂດຍ: ພໍ່ເຈ ຊະນະທິບ ແລະ ອ້າຍໜຸ່ມ ສອນລາມ ນັກສະແດງໄທ. ສ່ວນຝ່າຍ VIP INTRA (LANEXANG) ນໍາໂດຍ: ທ່ານ ພັນທະຈິດ ອິນທິລາດ ປະທານບໍລິສັດອິນທາ

• ເກັ່ງ ທະຊະຍະ ຫຼື ເກັ່ງ The voice ເຈົ້າຂອງຜົນງານເພງ ຫົວໃຈທົດສະກັນ ບີນກົງຈາກປະເທດໄທ ເພື່ອມາຮ່ວມງານເທດສະການກິນເຈ ທີ່ ນະຄອນຫຼວງວຽງຈັນ ແລະ ໄດ້ສະແດງມິນິຄອນເສີດທີ່ສູນການຄ້າວຽງຈັນເຊັນເຕີ້

• ກັນ​ ກັນຕະຖາວອນ ແລະ​ ເສນາ​ລີງ​ ສົມກຽດ ພິທີກອນຄູ່ຫູ​ ເຊິ່ງ​ທັງສອງ​ ກໍໄດ້ຂ້າມ​ນໍ້າ​ຂອງ​ ມາເຮັດບຸນ ທີ່​ວັດສີເມືອງ ນະຄອນຫຼວງ​ວຽງຈັນ​ ເຊິ່ງເປັນວັດເກົ່າແກ່​ ແລະ​ ມີສີລະປະກໍາທີ່ງົດງາມຂອງປະເທດລາວເຮົາ​ ພ້ອມທັງໄປ ຢ້ຽມຊົມວັດໂຊກໃຫ່ຍ ເຊິ່ງເປັນວັດບ້ານເກີດຂອງແມ່ສີເມືອງ

• ລົດເມ ຄະນຶງນິດ ດາລາ ພິທີກອນອາລົມດີ ໄດ້ມາຖ່າຍທໍາລາຍການ Follow Meພ້ອມກັບທ່ຽວນະຄອນຫຼວງວຽງຈັນ. ໂດຍມາຮອດທໍາອິດ ສາວລົດເມ ກໍໄດ້ນຸ່ງສິ້ນໄໝລາວ ພ້ອມກັບໄປເຊັກອິນທີ່ປະຕູໄຊ ເຊິ່ງເປັນແລນມາກທີ່ສໍາຄັນຂອງ ປະເທດລາວເຮົາ ຫຼັງຈາກນັ້ນກໍໄດ້ໄປທ່ຽວຊົມພຣະທາດຫຼວງວຽງຈັນ ຈຸດລວມໃຈຂອງຄົນລາວທັງຊາດ

• ໃໝ່ ຈະເລີນປຸຣະ ໄດ້ມີໂອກາດ​ມາຫລີ້ນຄອນເສີດທີ່​ ສປປ​ ລາວ ໃນເດືອນ ຕຸລາ 2019 ທີ່ ສູນກິລາ ລາວ-ຍີ່ປຸ່ນ (Lao – Japan Budo Center) ທີ່ຈັດໂດຍ: ບໍລິສັດ BROTHER COMMERCIAL (THAILAND) LTD ໃນຄອນເສີດທີ່ມີຊື່ວ່າ ສຸໂກ້ຍ ອິນລາວ​ ແລະ​ ໄດ້ຮັບການຕອນຮັບຢ່າງຟົດຟື້ນ ຈາກແຟນໆຊາວລາວ.​ ຫຼັງຈາກນັ້ນ,​ ໃໝ່​ ຍັງມີໂອກາດໄດ້​ເຂົ້າກຣາບຂໍພອນທີ່ ພຣະທາດຫຼວງ, ວັດສີເມືອງ ແລະ ຫໍຫຼັກເມືອງວຽງຈັນ ເຊິ່ງເປັນສະຖານທີ່ສັກສິດ ແລະ ເກົ່າແກ່ຂອງປະເທດລາວອີກດ້ວຍ

• ມາລີໂອ້ ເມົາເລີ້ ໄດ້ນໍາທີມນັກສະແດງຈາກຮູບເງົາ ຂຸນແຜນ​ຟ້າຟື້ນ​ ເປັນຕົ້ນ: ຟ້າ​ ຍົງວະຣີ (ນາງເອກ),​ ນ້ອງລົດບັດ ພາພົນ ແລະ​ ນັກສະແດງສົມທົບອີກຫຼາກຫຼາຍ ມາເປີດໂຕຮູບເງົາ, ສ້າງສີສັນ ແລະ​ ຄວາມມ່ວນຊືນໃຫ້ແຟນໆຊາວລາວ.

• . ຕັ້ກ ສີລິພອນ, ຮາຍ ອາພາພອນ ນະຄອນສະຫວັນ ແລະ ສຸນາລີ ລາດສະສີມາ ສາມນັກຮ້ອງສາຍອາລົມດີ ທີ່ລວມໂຕກັນມື້ໃດແມ່ນມີສຽງຫົວຕະຫຼອດ ແລະ ທັງສາມຄົນແມ່ນໄດ້ມາທ່ຽວນະຄອນຫຼວງວຽງຈັນ ພ້ອມກັບໄດ້ນຸ່ງຊຸດໄໝລາວ ໃສ່ບາດເຂົ້າໜ້ຽວຕາມປະເພນີລາວ ນອກຈາກນີ້ແລ້ວ, ສຸນາລີ ລາດສະສີມາ ຍັງໄດ້ບິນກັບມາຮອບ 2ໂດຍໄດ້ພາແມ່ຍ່າ ແລະ ສາມີ ມາທ່ຽວເມືອງຫຼວງພະບາງອິກດ້ວຍ.

• ແອນ​ ທອງປຣະສົມ​ ຜູ້ຈັດ ແລະ​ ນາງເອກສາວ ​ໄດ້ເດີນທາງມາທ່ຽວ​ພັກຜ່ອນ​ສຸດແສນສະບາຍ ທີ່​ເມືອງມໍລະດົກໂລກ ຫຼວງ​ພຣະ​ບາງ.​ ໃຊ້ຊີວິດສະບາຍສະບາຍ​ ແບບ​ວິຖີ​ຊີວິດຂອງຊາວບ້ານ​

• ພູຣິ​ ຫິລັນພຶກ​ ນັກສະແດງ ແລະ ພິທີກອນ​ ທີ່ໄດ້ມາທ່ຽວເມືອງງອຍ​ ແຂວງຫຼວງພະບາງ ທີ່ຍັງ​ເຕັມ​ໄປດ້ວຍທຳມະຊາດອັນອຸດົມສົມບູນ. ນອກຈາກນີ້, ພູຣິໄດ້ສຳພັດກັບ ວິຖີ​ຊີວິດຂອງ​ຊາວບ້ານ​ ໂດຍສະເພາະ​ວັດທະນະທຳ​ການໃສ່ບາດຂອງຄົນລາວ ເຊິ່ງພູຣິໄດ້ບັນຍາຍກ່ຽວກັບວັດທະນະທຳ​ນີ້​ ຜ່ານໄອຈີວ່າ: “ເຮັດດ້ວຍສັດທາ ແລະ​ ເຮັດທຸກມື້​ ຊາວບ້ານທີ່ເມືອງງອຍຈະອອກມາໃສ່ບາດຕາມທຳນຽມຂອງຂະເຈົ້າທຸກມື້,​ ເປັນການຕັກບາດເຂົ້າໜຽວ ທຸກຄົນຕ້ອງມີຜ້າບ່ຽງ​ ຜູ້ຊາຍຍືນຕັກບາດໄດ້ ຜູ້ຍີງຕ້ອງນັ່ງກັບພື້ນ ເປັນພາບທີ່ງົດງາມ ບໍ່ຮູ້ວ່າຈະເປັນພາບແບບນີ້ໄດ້ອີກດົນປ່ານໃດ”

• ແກ້ວ ເຟຟາງແກ້ວ ແລະ ໂທນີ້ ລາກແກ່ນ ທັງສອງກໍ່ໄດ້ມາທ່ຽວເມືອງມໍລະດົກໂລກຫຼວງພະບາງ ແລະ ກໍ່ໄດ້ແຕ່ງໂຕຫຼາກຫຼາຍແບບ ໂດຍສະເພາະຊຸດຊົນເຜົ່າທາງພາກເໜືອຂອງລາວ ແລະ ຍັງໄດ້ເກັບພາບມຸມຕ່າງໆໃນຫຼວງພະບາງ ການຕັກບາດຕອນເຊົ້າ

• ອ໋ອບ ປອງສັກ​ ບໍ່ໄດ້ມາຄົນດຽວເດະ ແຕ່ໄດ້ຄວງແຂນແຟນ “ພູມ”  ທ່ຽວເມືອງມໍລະດົກໂລກຫຼວງພະບາງ ພ້ອມກັບເຮັດລາຍການທ່ອງທ່ຽວ​ “2gether”​ ໃຫ້ແຟນ​ໆ​ຊາວລາວ​ ແລະ​ ຊາວໄທ​ ໄດ້ຕິດຕາມກັນ ຜ່ານຊ່ອງຢູທູບ NextCompany official ໂດຍຈະມີທັງຫມົດ 8​EP ແລະ​ ພິເສດ​ສຸດ,​ EP7 ກໍ່ໄດ້ມາຖ່າຍທຳທີ່ເມືອງມໍລະດົກໂລກ ຫຼວງພະບາງ​ ກັບພາລະກິດ ສະໂລໄລ ຕັກບາດເຂົ້າໜຽວ​ ເບິ່ງຕະເວັນຕົກທີ່ແຄມແມ່ນໍ້າຂອງ

• ໝໍໂອ໊ດ-ໂອປໍ ທັງ 2 ກໍ່ໄດ້ພາລູກແຝດສອງຄົນ ມາທ່ຽວເມືອງມໍລະດົກໂລກຫຼວງພະບາງ ແລະ ໄດ້ນຸ່ງຊຸດລາວ ໄຫວ້ພຣະຂໍພອນຕ້ອນຮັບປີໃໝ່, ທ່ຽວຊົມທໍາມະຊາດ, ລ່ອງເຮືອກິນເຂົ້າຊົມທໍາມະຊາດສອງຝັ່ງແມ່ນໍ້າ ແລະ ຍັງໄດ້ພາລູກນ້ອງເລາະຕະຫຼາດເຊົ້າອີກດ້ວຍ.

• ໂມສ ວິສະໂມສ  ໜຸ່ມໂມສກໍໄດ້ເດີນທາງມາທ່ອງທ່ຽວຫຼວງພະບາງ ມາທ່ຽວຄົນດຽວແບບຊິວໆ ຖ່າຍຮູບຄູ່ກັບສະຖານທີ່ງາມໆຫຼາຍແຫ່ງ ແລະ ຍັງໄດ້ລົງຮູບພ້ອມກັບແຄັບຊັ່ນວ່າ “ບໍ່ເມືອໄດ້ບໍ່” ເຮັດໃຫ້ສາວລາວກົດໃຈໃຫ້ແບບລົວໆເລີຍ

• ໝາກ ປຣິ່ນ ພະເອກນັກສະແດງຊ່ອງ 3 ກໍ່ໄດ້ມາສໍາຜັດຄວາມສູງ ທ້າທາຍທີ່ສະຖານທີ່ທ່ອງທ່ຽວ “ພູຜາມ່ານ” ແຂວງຄໍາມ່ວນ

ທັງໝົດນີ້ ແມ່ນດາລານັກສະແດງຈາກປະເທດໄທ ທີ່ໄດ້ເດີນທາງມາເຮັດວຽກ ແລະ ທ່ອງທ່ຽວທີ່ປະເທດລາວ ແລະ ແອັດມິນເຊື່ອວ່າ ຍັງມີອີກຫຼາຍໆຄົນທີ່ມາທ່ຽວໂດຍທີ່ເຮົາບໍ່ຮູ້.

Hits: 5