ເຮືອນ General ກອງບັນຊາການທະຫານ ແຂວງຊຽງຂວາງ ແຮກສ່ຽວທະຫານ ແຂວງເຊິນລາ ສສ ຫວຽດນາມ

ກອງບັນຊາການທະຫານ ແຂວງຊຽງຂວາງ ແຮກສ່ຽວທະຫານ ແຂວງເຊິນລາ ສສ ຫວຽດນາມ

0
ຂໍຂອບໃຈນຳຜູ້ສະໜັບສະໜູນ

ເພື່ອເປັນການຮັດແໜ້ນຄວາມ ສາມັກຄີການພົວພັນຮ່ວມມືຮອບ ດ້ານລະຫວ່າງກອງບັນຊາການ ທະຫານແຂວງຊຽງຂວາງ ແລະ ກອງບັນຊາການທະຫານ ແຂວງ ເຊີນລາ ສສ ຫວຽດນາມໄດ້ຈັດ ພິທີແຮກສ່ຽວໃນຢູ່ທີ່ກອງ ບັນຊາການທະຫານແຂວງເຊິນລາ ສສ ຫວຽດນາມ, ຝ່າຍກອງບັນຊາການທະຫານແຂວງຊຽງຂວາງ ນຳໂດຍສະຫາຍ ພັນເອກ ບຸນຊູ ໄຊລາສີ ກຳມະການຄະ ນະປະຈຳພັກແຂວງ, ຫົວໜ້າ ການທະຫານກອງບັນຊາການທະຫານແຂວງ ພ້ອມດ້ວຍຄະນະ

ຝ່າຍກອງບັນຊາການທະຫານແຂວງເຊິນລາ ສສ ຫວຽດນາມ ນຳໂດຍສະຫາຍ ພັນເອກ ຮວ່າງດີງເຕືອງ ຫົວໜ້າການເມືອງກອງບັນຊາການທະຫານ ແຂວງເຊິນລາ ພ້ອມຄະນະ.

ຂໍຂອບໃຈນຳຜູ້ສະໜັບສະໜູນ

ໃນພິທີ ສະຫາຍ ພັນໂທ ເລຮົ່ງ ເຊິນ ຫົວໜ້າຫ້ອງການກອງບັນຊາການທະຫານແຂວງເຊິນລາ ແລະ ສະຫາຍ ພັນໂທ ທອງສີ ໄຊຍະລາດ ຫົວໜ້າຫ້ອງການກອງບັນຊາການທະຫານແຂວງຊຽງຂວາງ ໄດ້ຂຶ້ນຜ່ານກົດລະ ບຽບແຮກສ່ຽວລະຫວ່າງກອງບັນຊາການທະຫານແຂວງເຊິນລາ ທະຫານເຂດ 2 ກອງທັບປະຊາຊົນຫວຽດນາມກັບກອງບັນຊາການທະຫານແຂວງຊຽງຂວາງກອງທັບປະຊາຊົນລາວ

ປະກອບມີ 4 ພາກ 13 ມາດຕາ ເຊິ່ງຈະເພີ່ມທະວີສາຍພົວພັນ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ, ວຽກງານປະສານສົມທົບໂຄສະນາສຶກສາອົບຮົມຕໍ່ກຳລັງປະກອບອາວຸດ ແລະ ປະຊາຊົນສອງແຂວງ, ເພີ່ມທະວີແລກປ່ຽນຂໍ້ມູນກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບ, ປະສານສົມທົບໃນວຽກ ງານກໍ່ສ້າງກຳລັງປະກອບອາວຸດ, ວຽກງານຮ່ວມມື, ຊ່ວຍເຫຼືອໃນວຽກງານພະລາທິການ-ເຕັກນິກ.

ຈາກນັ້ນຜູ້ແທນທັງສອງຝ່າຍກໍໄດ້ແລກປ່ຽນ ຄຳຄິດຄຳເຫັນເຊິ່ງກັນ ແລະ ກັນ ຢ່າງກົງໄປກົງມາ ເພື່ອຄວາມເປັນເອກະພາບກັນ.

ໃນພິທີດັ່ງກ່າວຄະນະຜູ້ແທນທັງສອງຝ່າຍກໍໄດ້ເຊັນສັນຍາກົດລະບຽບການເຄື່ອນໄຫວແຮກສ່ຽວ ຝ່າຍລາວເຊັນ ໂດຍ ສະຫາຍ ພັນເອກ ບຸນຊູ ໄຊລາສີ ຫົວໜ້າການທະຫານ ກອງບັນຊາການທະຫານແຂວງ ຊຽງຂວາງ ແລະ ສະຫາຍ ພັນເອກ ຮວ່າງດີງເຕືອງ ຫົວໜ້າການເມືອງກອງບັນຊາການທະຫານແຂວງເຊິນລາ ໂດຍການ ເຂົ້າ ຮ່ວມເປັນສັກຂີພະຍານຂອງ ຄະນະທັງສອງຝ່າຍ.

ແຫຼ່ງຂໍ້ມູນ: ໂດຍ: ສົມຮັກ ຈັນທະວົງສາ Laos Army

ບໍ່​ມີ​ຄໍາ​ເຫັນ

Exit mobile version