ກຸ່ມທະນາຄານພົງສະຫວັນຈໍາກັດ ຊື້ກິດຈະການການບິນ Lao Capricorn Air ເຊິ່ງລວມເຖິງລິຂະສິດຈາກເອກກະຊົນຕ່າງປະເທດທີ່ມາເຮັດການບິນຢູ່ລາວ ,ທີ່ເປັນບໍລິສັດນ້ອຍ ໆ ມີຍົນເກົ່າ 1ລຳ ,ຫຼັງຈາກນັ້ນຈື່ງໄດ້ປ່ຽນຊື່ມາເປັນພົງສະຫວັນແອຣ໌ລາຍ.
ພັກ-ລັດຖະບານ ເວລານັ້ນ ກໍ່ຢາກສະໜັບສະໜູນການໃນປະເທດເລັງເຫັນຄວາມສໍາຄັນ ແລະ ສາຍພົວພັນລະຫວ່າງລາວ-ລັດເຊຍ ເພື່ອໃຫ້ໄດ້ຊື່ເປັນໜ້າຕາຂອງປະເທດຊາດ ,ຄະນະບໍລິຫານສາຍການບິນຈຶ່ງປັບປຸງ rebrand ສາຍການບິນ Phongsavanh Airlines ມາເປັນ Lao Central Airlines
ຈຸດປະສົງຫຼັກ ໆຂອງບໍລິສັດນີ້ແມ່ນ ຈະຊື້ເຮືອບິນ ໃໝ່ SuKhoi Super Jet 100 ທີ່ສຸດທັນສະໄໝຈາກລັດເຊຍເພື່ອຈະນຳໃຊ້ບິນເປັນຫຼັກ, “ເບື້ອງຕົ້ນບໍລິສັດໄດ້ປະກາດເປັນທາງການວ່າໃນປີ2011 ໄດ້ສັ່ງຊື້ຍົນSukhoi ເປັນຈຳນວນ 6ລຳ “ໃນສັນຍາໄດ້ຕົກລົງກັນວ່າຮອດປີ 2015 ບໍລິສັດຈະຊື້ແລະໄດ້ຮັບຍົນ Sukhoiທັງໝົດເປັນຈຳນວນ 9 ລຳ ໃນຊ່ວງໄລຍະເວລາທີ່ລໍຖ້າຍົນຜະລິດໃໝ່ອ່ຽມຢູ່ນັ້ນ.
ບໍລິສັດໄດ້ຕັດສິນໃຈຄັ້ງສໍາຄັນທີ່ຈະເຮັດໃຫ້ສາຍການບິນນີ້ປ່ຽນໄປຕະຫຼອດການ ,ກໍ່ຄືການຊື້ເຮືອບິນ Boeing 737-400 ສອງລຳທີ່ເກົ່າ ແລະ ຫຼາຍສ່ວນປະກອບຂອງເຮືອບິນກໍ່ໃກ້ຈະໝົດອາຍຸການໃຊ້ງານ ມາບິນພາຍໃນເປັນ( ການຊົ່ວຄາວ ) ເຊິ່ງນີ້ແມ່ນຈຸດເລີ່ມຕົ້ນຂອງການຫັນປ່ຽນທິດຂອງບໍລິສັດເອງ
ມາຮອດ ປີ 2015 ເຮືອບິນ Sukhoi ທີ່ໄດ້ສັ່ງຊື້ ໃດ້ມາບິນໃນບໍລິສັດພຽງ 1ລຳ ຈາກທີ່ສັ່ງ9ລຳ ເຮືອບິນ Boeing 737-400 ທີ່ມີແຜນການຈະບິນພາຍໃນຊົ່ວຄາວ ໃດ້ກາຍເປັນຍົນທີ່ບິນຫຼັກໆໃຫ້ບໍລິສັດ.
ເຮືອບິນ Sukhoi Super jet 100 ,ລໍາທໍາອິດ ຕອ້ງຈອດໄວ້ເພຶ່ອລໍຖ້າບໍລິສັດແມ່ຄືລັດເຊຍ ມາເກັບຄືນ ຍ້ອນຫຼາຍຂໍ້ບໍ່ໄດ້ເປັນໄປຕາມທີ່ຕົກລົງກັນໄວ້…
ສ່ວນ Boeing 737 ສອງລຳກໍຕ້ອງໄດ້ລໍຖ້າເພຶ່ອຮັບການສ້ອມແປງໃຫ່ຍ……ຖ້າບໍ່ດັ່ງນັ້ນກໍ່ຕ້ອງໃດ້ຂາຍເປັນເຫຼັກເສດ ຖ້າຫາກບໍລິສັດຈະຟື້ນຟູການບິນຄືນ ຕ້ອງໃດ້ຟື້ນຄືນເອກກະສານພາຍໃນຫຼາຍອັນທີ່ສຸດ “ເຊີ່ງຍາກກົ່ວການສ້າງຕັ້ງບໍລິສັດໃໝ່ເສຍອີກ….”
ຫັວງຢ່າງຍິ່ງວ່າ ສາຍການບິນຈະກັບມາອີກຄັ້ງເພາະຄົນຮັກການບິນຍັງຄິດເຖິງ ແລະ ພ້ອມທີ່ຈະສະໜັບສະໜູນອຸດສາຫະກໍາການບິນລາວ ໃຫ້ມີຫຼາຍສີສັນ ….
ແຫຼ່ງຂໍ້ມູນ: AeroLaos
