ສະຫາຍ ໄມສຸກ ໄຊສົມແພງ ເກີດເມື່ອວັນທີ 6/2/1925 ທີ່ບ້ານຊ່ອນເໜືອ, ເມືອງຊ່ອນ, ແຂວງ ຫົວພັນ. ເປັນບຸດຂອງ ທ່ານ ໄຊ ແລະ ນາງ ແພງສີ; ສະຫາຍໄດ້ສ້າງຄອບຄົວກັບ ນາງ ຄຳຫຼ້າ ໄຊສົມແພງ, ມີລູກນຳກັນ 05 ຄົນ, ຊາຍ 1 ຄົນ ແລະ ຍິງ 4 ຄົນ.
ປະຈຸບັນຢູ່ບ້ານສະພານທອງກາງ, ເມືອງສີສັດຕະນາກ, ນະຄອນຫລວງວຽງຈັນ.
ການເຄື່ອນໄຫວປະຕິວັດແຕ່ລະໄລຍະ ໂດຍຫຍໍ້ ດັ່ງນີ້:
– ປີ 1941 ຫາ 1942 ເປັນພະນັກງານສະໝຽນ ຢູ່ແຂວງຫົວພັນ;
– ປີ 1943 ຫາ 1945 ເປັນຫົວໜ້າຂົວທາງເລກ 6;
– ປີ 1945 ຫາ 1947 ເປັນຮອງຫົວໜ້າຫ້ອງວ່າການ ແຂວງຫົວພັນ;
– ປີ 1947 ຫາ 1950 ເປັນຫົວໜ້າຫ້ອງວ່າການເມືອງຊ່ອນ;
– ປີ 1950 ຫາ 1953 ເປັນເຈົ້າເມືອງ ເມືອງຊ່ອນ ແຂວງຫົວພັນ;
– ປີ 1953 ຫາ 1960 ເປັນກຳມະການປະຈຳພັກແຂວງ ຮອງເຈົ້າແຂວງ ຫົວພັນ;
– ປີ 1960 ຫາ 1968 ເປັນຫົວໜ້າຫ້ອງການພົວພັນຕ່າງປະເທດເສດຖະກິດ ຢູ່ ສສ ຫວຽດນາມ;
– ປີ 1968 ຫາ 1972 ເປັນຮອງເຈົ້າແຂວງຫົວພັນ ;
– ປີ 1972 ເປັນກຳມະການສູນກາງພັກ ສະໄໝທີ II;
– ປີ 1972 ຫາ 1975 ເປັນຮອງຜູ້ທີ່ 1 ຂອງຄະນະເສດຖະກິດ-ການເມືອງສູນກາງ;
– ປີ 1975 ຫາ 1986 ເປັນລັດຖະມົນຕີ ກະຊວງອຸດສາຫະກຳ-ການຄ້າ, ປ່າໄມ້, ຫັດຖະກໍາ (2ສະໄໝ);
– ປີ 1982 ເປັນກຳມະການສູນກາງພັກ ສະໄໝທີ III
– ປີ 1986 ຫາ 1988 ເປັນຫົວໜ້າຄະນະຮັບຜິດຊອບປັບປຸງຟື້ນຟູແຂວງຮອບດ້ານ;
– ປີ 1986 ເປັນກຳມະການສູນກາງພັກ ສະໄໝທີ IV
– ປີ 1988 ຫາ 1991 ເປັນຫົວໜ້າຫ້ອງວ່າການສູງກາງພັກ, ຫົວໜ້າຫ້ອງວ່າການສະພາລັດຖະມົນ;
– ປີ 1991 ຫາ 1996 ເປັນກຳມະການສູນກາງພັກ ສະໄໝທີ V, ເປັນປະທານສູນກາງແນວລາວສ້າງຊາດ;
ມາຮອດປີ 1996 ຍ້ອນສຸຂະພາບ ແລະ ອາຍຸກະສຽນ ສະຫາຍຈຶ່ງໄດ້ຂໍອອກພັກການ-ຮັບເບ້ຍບຳນານ ຕາມນະໂຍບາຍຂອງພັກ ແລະລັດ.
ສະຫາຍ ໄມສຸກ ໄຊສົມແພງ ໄດ້ເຖິງແກ່ມໍລະນະກຳລົງ ໃນວັນທີ 29 ກຸມພາ 2020.
ສົບຂອງເພິ່ນແມ່ນບຳເພັນກູສົນທີ່ເຮືອນຂອງເພິ່ນເອງ ຢູ່ບ້ານສະພານທອງກາງ ເມືອງສີສັດຕະນາກ.
ສົ່ງສະການວັນທີ 5 ມີນາ 2020 ທີ່ວັດເທບນິມິດ ທາດຝຸ່ນ ເວລາ 13:00.
_ ວັນທີ 7 ມີນາ ຕັ້ງກອງບຸນ.
_ ວັນທີ 8 ມີນາ ໃສ່ບາດຖະຫວາຍສັງຄະທານພະສົງ 11 ອົງ.
ແຫຼ່ງຂໍ້ມູນ: ກົມໂຄສະນາ-ອົບຮົມ ສນຊ
