ອີງຕາມໜັງສືແຈ້ງການຂອງຄະນະກຳມະການສະເພາະກິດເພື່່ອປ້ອງກັນ ແລະ ແກ້ໄຂການລະບາດຕິດເຊື້ອພະ ຍາດອັກເສບປອດຈາກເຊື້ອຈຸລາໂລກສາຍພັນໃໝ່ ຫືລໂຄວິດ19ສະບັບເລກທີ005/ສພກ ລົງວັນທີ 2 ມີນາ 2020
ເລື່ອງພິຈາລະນາໂຈະຫລືເລື່ອນງານຊົ່ວຄາວຈໍາກັດຜູ້ເຂົ້າຮ່ວມການຈັດງານປະເພນີ,ງານສ້າງສັນແລະກິດຈະກຳຕ່າງໆທີ່ມີຜູ້ຄົນເຂົ້າຮ່ວມຢ່າງຫລວງຫລາຍອີງຕາມທິດຊີ້ນຳຂອງການນຳແຂວງໄຊຍະບູລີຄັ້ງວັນທີ3ມີນາ 2020.
ດັ່ງນັ້ນມາໃນວັນທີສາມ ມີນາ 2020 ປະທານຈັດງານບຸນເທດສະກາຜີໂຂນປະຈໍາປີ 2020 ທີ່ເມືອງປາກລາຍ ແຂວງໄຊຍະບູລີຈິ່ງໄດ້ມີແຈ້ງການເຖີງບັນດາຫົວໜ້າຫ້ອງການ,ອົງການ,ກົມກອງ,ລັດວິສາຫະກິດ,ນາຍບ້ານ 69 ນັກທຸລະກິດ,ຜູ້ປະກອບການພໍ່ຄ້າຊາວຂາຍ,ນັກຮຽນນັກສຶກສາຕະຫລອດເຖິງພໍ່ແມ່ປະຊາຊົນ,ນັກທ່ອງ ທ່ຽວທັງພາຍໃນ ແລະ ຕ່າງປະເທດທີ່ຈະເດີນທາງມາຮ່ວມງານເທດສະການຜີໂຂນຄັ້ງນີ້ວ່າ:
ເພື່ອຮັບປະກັນການແຜ່ລະບາດຕິດເຊື້ອພະຍາດອັກເສບປອດຈາກເຊື້ອຈຸລາໂລກສາຍພັນໃໝ່ ຫືລໂຄວິດ19ນີ້ປະທານຈັດງານບຸນດັ່ງກ່າວຈຶ່ງໄດ້ແຈ້ງການໂຈະການຈັດງານເທດສະການບຸນດັ່ງກ່າວ,
ເພື່ອເຮັດໃຫ້ແຈ້ງການສະບັບເລກທີ005/ສພກ ລົງວັນທີ 2 ມີນາ 2020ໃຫ້ໄດ້ຈັດຕັ້ງຢ່າງເຂັ້ມງວດ,ດັ່ງນັ້ນຈິງແຈ້ງການມາຍັງບັນດາທ່ານເພື່ອຊາບ,ສ່ວນຂ່າວລືຂອງກຸ່ມຄົນບໍ່ດີໄດ້ລົງເຟສໄປວ່າ:
ມີພໍ່ຄ້າຊາວຂາຍສັນຊາດໄທທີ່ມາວາງສະແດງຂາຍເຄື່ອງໃນງານຕະຫລາດນັດຢູ່ໃນງານເທດສະການຜີໂຂນນັ້ນໄດ້ຕິດເຊື້ອພະຍາດອັກເສບປອດຈາກເຊື້ອຈຸລາໂລກສາຍພັນໃໝ່ ຫືລໂຄວິດ19ແລ້ວເສຍຊີວິດຢູ່ໂຮງໝໍເມືອງປາກລາຍນັ້ນ,ແມ່ນບໍ່ມີຄວາມຈິ່ງຈາກການຢັ້ງຢືນຂອງຜູ້ອຳນວຍການໂຮງໝໍເມືອງປາກລາຍ,
ດັ່ງນັ້ນຈິງແຈ້ງມາຍັງທຸກພາກສ່ວນຂອງສັງຄົມທີ່ເສບຂ່າວທາງສື່ອອນລາຍຈົ່ງມີສະຕິໃນການບໍລິໂພກຂໍ້ມູນຂ່າວສານທີ່ບໍ່ມີມູນຄວາມຈິງ,ສ່ວນກຸ່ມຄົນບໍ່ດີໄດ້ປ່ອຍຂ່າວລົງທາງເຟສບຸກສື່ອອນລາຍທີ່ບໍ່ມີມູນຄວາມຈິງອອກໄປນັ້ນ,ປະຈຸບັນທາງເຈົ້າໜ້າທີ່ກໍາລັງນຳໂຕມາສຶກສາອົບຮົມແລະດໍາເນີນຄະດີໄປຕາມກົດໜາຍ.
ແຫຼ່ງຂໍ້ມູນ: ສະຖານີວິທະຍຸ FM98,00 ເມືອງປາກລາຍຂ່າວສານ ແລະ ບັນເທີງ
