ປະຈຸບັນນີ້ ສິ່ງທີ່ຫຼາຍໆຄົນໃຫ້ຄວາມສົນໃຈ ແລະ ປ້ອງກັນຕົນເອງຢ່າງຫຼາຍ ແມ່ນສະຖານະການການແຜ່ລະບາດຂອງ ພະຍາດໂຄວິດ-19 ທີ່ຕິດຕໍ່ກັນໄດ້ຈາກການໄອ ຫຼື ຈາມຂອງຜູ້ຕິດເຊື້ອໃນໄລຍະ 1 ແມັດ
ນອກຈາກນີ້ແລ້ວ ຍັງສາມາດຕິດຕໍ່ກັນໄດ້ໂດຍການສໍາພັດນໍ້າມູກ ນໍ້າລາຍ ເສມຫະ ຂອງຜູ້ຕິດເຊື້ອແລ້ວນໍາມືໄປສໍາພັດຕາ ດັງ ປາກ ຈຶ່ງບໍ່ແປກທີ່ປະຈຸບັນເພື່ອການປ້ອງກັນຕົນເອງໃຫ້ປອດໄພຈາກພະຍາດນີ້ ມີ 2 ຢ່າງທີ່ຂາດບໍ່ໄດ້ໃນຊ່ວງນີ້ແມ່ນ ໜ້າກາກອະນາໄມ ແລະ ແອວກໍຮໍລ້າງມື
ເຈວລ້າງມືທີ່ມີສ່ວນປະສົມຂອງແອວກໍຮໍ ເປັນຜະລິດຕະພັນທາງເລືອກໜຶ່ງໃນການໃຊ້ທຳຄວາມສະອາດມື ເພື່ອສຸຂະອະນາໄມທີ່ດີໃນການປ້ອງກັນເຊື້ອໄວຣັດໂຄວິດ-19 ໂດຍໄດ້ມີການປະກາດຈາກທາງກະຊວງທາລະນະສຸກຂອງຕ່າງປະເທດ ເລື່ອງກຳນົດລັກສະນະຂອງເຄື່ອງສຳອາງທີ່ມີສ່ວນປະສົມຂອງແອວກໍຮໍເພື່ອສຸຂະອະນາໄມສຳລັບມື ຕ້ອງມີຄວາມເຂັ້ມຂຸ້ນຂອງປະລິມານແອວກໍຮໍບໍ່ໃຫ້ຫຼຸດ 70% ເນື່ອງຈາກວ່າ ຫາກປະລິມານແອວກໍຮໍນ້ອຍກວ່າ 70% ຈະບໍ່ສາມາດຂ້າເຊື້ອໄດ້.
ແອລກໍຮໍທີ່ປະສົມໃນຜະລິດຕະພັນເຈວລ້າງມືຈະເປັນປະເພດ: ເອທິລແອລກໍຮໍ ຫຼື ເອທານນໍ (Ethyl alcohol ຫຼື Ethanol), ໄອໂຊໂພຣພິລແອລກໍຮໍ ຫຼື ໄອໂຊໂພພານໍ (isopropyl alcohol ຫຼື isopropanol), ເອັນ-ໂພຣພິລແອລກໍຮໍ ຫຼື ເອັນ-ໂພຣພານໍ (n-propyl alcohol ຫຼື n-propanol) ໂດຍອາດເປັນພຽງສານດຽວ ຫຼື ປະສົມລວມກັນຢູ່ຕັ້ງແຕ່ 70% ຂຶ້ນໄປ. ການນໍາເອົາເຈວລ້າງມືໄປລ້າງໜ້າ ເປັນສິ່ງທີ່ບໍ່ຄວນເຮັດ ເພາະຈະສົ່ງຜົນໃຫ້ເກີດການລະຄາຍເຄື້ອງ ແລະ ເປັນອັນຕະລາຍຕໍ່ເຊວຜິວໃບໜ້າ
ການໃຊ້ແອວກໍຮໍແບບ ສະເປ ເພື່ອຂ້າເຊື້ອໃນມືຕະຫຼອດ ຈະເຮັດໃຫ້ຜິວແຫ້ງ ເນື່ອງຈາກການອອກລິດຂອງແອວກໍຮໍຈະມີການລະເຫີຍ ໂດຍຂະນະທີ່ລະເຫີຍຈະມີການດືງນໍ້າບໍລິເວນໃຕ້ຜິວ ໜັງ ແລະ ຈະເຮັດໃຫ້ຜິວຊຸ່ມຊືນຖຶກດືງອອກໄປ ສະນັ້ນ ຫຼັງຈາກສິດສະເປແອວກໍຮໍແລ້ວຄວນໃຊ້ໂລຊັ່ນທາມືນໍາ
ສະນັ້ນ, ການເລືອກຊື້ຜະລິດຕະພັນເຈວລ້າງມືເພື່ອໃຊ້ສຳລັບຂ້າເຊື້ອໄວຣັດໂຄວິດ-19 ໄດ້ແທ້ນັ້ນ, ທ່ານຄວນກວດສອບສ່ວນປະສົມໃຫ້ດີກ່ອນ ແລະ ກວດສອບເລກທະບຽນທີ່ຈົດແຈ້ງເຈວລ້າງມືໃຫ້ດີກ່ອນ ເພື່ອສ້າງຄວາມໝັ້ນໃຈວ່າຜະລິດຕະພັນມີສ່ວນປະສົມຂອງແອວກໍຮໍ 70% ຂຶ້ນໄປ.
Hits: 6
