ຈາກສະຖານນະການການລະບາດຂອງພະຍາດໂຄວິດ-19 ທີ່ຮຸນແຮງ ແລະ ຂະຫຍາຍເປັນວົງກວ້າງກວ່າ ເຊິ່ງຈັງຫວັດອຸບົນລາດຊະທານີເປັນຈັງຫວັດທີມີຊາຍແດນຕິດກັບ ສປປ ລາວ ເຮົາ 9 ອຳເພີ ແລະ ຈຸດຜ່ອນຜັນເພື່ອການຄ້າການທ່ອງທ່ຽວ ຈຳນວນ 5 ແຫ່ງ ແລະ ມີຊາຍແດນຕິດກັບປະເທດກຳປູເຈຍ 2 ອໍາເພີ ຈຸດຜ່ອນຜັນການຄ້າ ຈໍານວນ 1 ແຫ່ງ
ດັ່ງນັ້ນ, ຈັງຫວັດອຸບົນລາດຊະທານີໄດ້ປະເມີນສະຖານະການດັ່ງກ່າວ, ຕາມມະຕິປະຊຸມໜ່ວຍງານຄວາມໝັ້ນຄົງ ແລະ ອຳເພີຊາຍແດນໃນພື້ນທີ່ ຄັ້ງທີ່ 1 ໃນວັນທີ 18 ມີນາ 2020 ເພື່ອເປັນການຄວບຄຸມພາວະການລະບາດ ບໍ່ໃຫ້ລຸກລາມ ແລະ ຢຸດລົງໂດຍໄວ ຈຶ່ງອອກປະກາດລະງັບການເປີດ- ປິດ ຈຸດຜ່ອນຜັນທາງການຄ້າ ແລະ ຊ່ອງທາງອື່ນໆ ເປັນການຊົ່ວຄາວຈົນກວ່າສະຖານະການຈະດີຂື້ນດັ່ງນີ້:
ໃນສ່ວນຊາຍແດນກັບ ສປປ ລາວ
1. ຈຸດຜ່ອນຜັນການຄ້າໜ້າທີ່ວ່າການອໍາເພີເຂມລາດ (ຫຼັ່ງເກົ່າ) ອໍາເພີເຂັມລາດ ກົງກັນຂ້າມກັບ ດ່ານປະເພນີບ້ານທ່າປະຊຸມ ເມືອງສອງຄອນ ແຂວງສະຫວັນນະເຂດ
2. ຈຸດຜ່ອນຜັນການຄ້າບ້ານສອງຄອນ ໝູ່ 2 ຕໍາບົນສອງຄອນ ອໍາເພີໂພໄທ ກົງກັນຂ້າມກັບ ດ່ານປະເພນີບ້ານໜອງແສງ, ບ້ານດອນໝາກເດື່ອ ເມືອງລະຄອນເພັງ ແຂວງສາລະວັນ
3. ຈຸດຜ່ອນຜັນການຄ້າບ້ານດ່ານເກົ່າ ໝູ່ 1 ຕໍາບົນໂຂງຈຽມ ອໍາເພີຂົງຂຽມ ກົງກັນຂ້າມກັບ ບ້ານສິງສຳພັນ ເມືອງຊະນະສົມບູນ ແຂວງຈໍາປາສັກ
4. ຈຸດຜ່ອນຜັນການຄ້າບ້ານຄັນທ່າກຽນ ໝູ່ 3 ຕໍາບົນນາໂພກາງ ອໍາເພີ ໂຂງຈຽມ ກົງກັນຂ້າມກັບ ບ້ານຄັນທຸງໄຊ ເມືອງຄົງເຊໂດນ ແຂວງ ສາລະວັນ
5. ຈຸດຜ່ອນຜັນການຄ້າ ຊ່ອງຕາອູ່ ບ້ານໜອງແສງ ໝູ່ 3 ຕໍາບົນນາໂພນງາມ ອໍາເພີບຸນທະລິກ ກົງກັນຂ້າມກັບ ຊ່ອງຕາອູ ບ້ານຫຽງ ເມືອງສຸຂຸມາ ແຂວງຈຳປາສັກ
ໃນສວ່ນຊາຍແດນກັບກໍາປູເຈຍ
1. ຈຸດຜ່ອນຜັນການຄ້າຊ່ອງອານມ້າ ບ້ານອານມ້າ ມູ່ 6 ຕໍາບົນໂຊງ ອໍາເພີນໍ້າຢືນ ກົງກັນຂ້າມບ້ານອານແຊະ ອຳເພີຈອມກະສານ ຈັງຫວັດພະວິຫານ
Hits: 6
