ແຈ້ງການ ເຖິງ: ບັນດາຫ້ອງ,ກອງພັນ,ຄ້າຍຄຸມຂັງ-ດສ້າງ ແລະ ບັນດາກອງບັນຊາການ ປກສ ເມືອງ. ເລື່ອງ : ໃຫ້ເອົາໃຈໃສ່ຕິດຕາມ,ກວດກາ ການລັກລອບຂ້າມໄປ – ມາ ລຽບຕາມສາຍແດນ ຂອງປະຊາຊົນລາວ ແລະ ຊາວຕ່າງປະເທດ.
– ອີງຕາມ ກ່າເຫັນຊີ້ນໍາຂອງທ່ານ ຮອງເຈົ້າຄອງນະຄອນຫຼວງວຽງຈັນ ຄັ້ງວັນທີ 23 ມີນາ 2020.
ກອງບັນຊາການ ປກສ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງບັນດາຫ້ອງ,ກອງພັນ,ຄ້າຍຄຸມ ຂັງ-ດ້ດສ້າງ ແລະ ບັນດາກອງບັນຊາການ ປກສ ເມືອງ ໂດຍສະເພາະແມ່ນ ຫ້ອງສັນຕິບານ,ບັນດາ ປກສ ເມືອງ ທີ່ຢູ່ລຽບຕາມຊາຍແດນ ລາວ-ໄທ ໃຫ້ເອົາໃຈໃສ່ຕິດຕາມ,ກວດກາ ແລະ ປ້ອງກັນສະກັດກັ້ນການແຜ່ລະບາດຂອງ ພະຍາດອັກເສບປອດສາຍພັນໃຫມ່ (ໂຄວິດ-19) ມີດັ່ງນີ້:
1. ໃຫ້ປະສານສົມທົບກັບອໍານາດການປົກຄອງ,ຕິດຕາມ,ກວດກາຢ່າງເຂັ້ມງວດ ໃນການລັກລອບຂ້າມໄປ-ມາ ລຽບຕາມຊາຍແດນ ຂອງປະຊາຊົນລາວ ແລະ ຊາວຕ່າງປະເທດ, ຖ້າວ່າ ພົບເຫັນແມ່ນໃຫ້ສົມທົບກັບຄະນະ ຮັບຜິດຊອບຂັ້ນເມືອງ ກວດກາສຸຂະພາບ ແລະ ນໍາຕົວໄປກັກບໍລິເວນຢູ່ຕາມຈຸດທີ່ໄດ້ກໍານົດ ດັ່ງນີ້:
• ເມືອງປາກງື່ມ ( ມສ ຫມາກນາວ).
– ເມືອງຫາດຊາຍຟອງ ( ມໍຕົ້ນ ດອນສະຫ່ວາງ).
• ເມືອງ ສີສັດຕະນາກ ( ໂຮງຮຽນ ປະຖົມດອນກອຍ).
• ເມືອງຈັນທະບູລີ ( ມໍປາຍ ອຸດົມເລກ 9 ).
• ເມືອງສີໂຄດຕະບອງ ( ໂຮງຮຽນປະຖົມ ບ້ານໃຫມ່).
• ເມືອງສັງທອງ ( ມສ ນໍາສັງ ).
2. ໃຫ້ກອງບັນຊາການ ປກສ ເມືອງ 6 ເມືອງລຽບຕາມຊາຍແດນ ແຕ່ງຕັ້ງພະນັກງານເຂົ້າຮ່ວມປ້ອງກັນຢູ່ຕາມ ສະຖານທີ່ກັກບໍລິເວນ ທີ່ໄດ້ກໍານົດ,
3, ໃຫ້ຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ບັນດາກອງບັນຊາການ ປກສ ເມືອງ 09 ຕົວເມືອງ ຊີ້ນໍາ ປກສ ກຸ່ມບ້ານ ໃຫ້ເອົາໃຈໃສ່ຕິດຕາມ,ກວດກາ ສະພາບການຫນັງຕີງ,ການພັກເຊົາ ແລະ ການເຈັບເປັນ ຖ້າມີກໍລະນີສົງໃສຕິດເຊື້ອພະຍາດ ໂຄວິຕ-19 ຢູ່ແຕ່ລະບ້ານ ແມ່ນໃຫ້ສົມທົບກັບຄະນະຮັບຜິດຊອບຂັ້ນເມືອງ ຕິດຕາມ,ກວດກາສຸຂະພາບ ໃຫ້ທັນເວລາ.
4. ໃຫ້ບັນດາ ປກສ ເມືອງ ເອົາໃຈໃສ່ ເກັບກໍາສະພາບ ການລັກລອບຂ້າມໄປ-ມາ ລຽບຕາມຊາຍແດນ ແລະ ຖ້າມີກໍລະນິສົ່ງໃສຕິດເຊື້ອພະຍາດ ໂຄວິດ-19 ແມ່ນໃຫ້ ເອົາເຂົ້າໃນບົດລາຍງານສະພາບປະຈໍາວັນສົ່ງໃຫ້ຫ້ອງການ ກອງບັນຊາການ ປກສ ນະຄອນຫຼວງວຽງຈັນ ເປັນປົກກະຕິ.
ດັ່ງນັ້ນ ; ຈິ່ງແຈ້ງມາຍັງບັນດາທ່ານ ຊາບ ແລະ ພ້ອມກັນຈັດຕັ້ງປະຕິບັດຢ່າງເຂັ້ມງວດ.