ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂພະຍາດ COVID-19 ໄດ້ ປ່ຽນນິຍາມເພຶ່ອສ້າງເງື່ອນໄຂໃຫ້ທຸກຄົນສາມາດເຂົ້າການກວດເລືອດເພື່ຶອຊອກຫາເຊື້ອ ໂດຍບໍ່ເສຍຄ່າເພື່ອຫຼຸດຜ່ອນການແຜ່ລະບາດ ແລະ ໄພຂົ່ມຂູ່ຈາກພະຍາດດັ່ງກ່າວ.
ການປ່ຽນແປງຄຳນິຍາມທີ່ໃຊ້ໃນການກຳນົດຜູ້ທີ່ມີສິດໄດ້ຮັບການກວດເລືອດເພື່ອຊອກຫາເຊື້ອພະ ຍາດ COVID-19 ແມ່ນແນໃສ່ຮັບປະກັນວ່າ ທຸກຄົນສາມາດເຂົ້າເຖິງການບໍລິການດ້ານສຸຂະພາບ ສຳລັບການກວດເລືອດ ແລະ ປິ່ນປົວ.
ພາຍໃຕ້ຄຳນິຍາມໃໝ່, ແພດໝໍຈະຕ້ອງໄດ້ ກວດເລືອດສຳລັບ COVID-19 ໂດຍບໍ່ເສຍຄ່າໃຫ້ທຸກໆກໍລະນີ, ເຖິງແມ່ນວ່າພວກເຂົາຈະມີພຽງແຕ່ໜຶ່ງອາການຕາມຄຳນິຍາມກ່ຽວກັບເງື່ອນໄຂການຕິດເຊື້ອກໍ່ຕາມ ເຊັ່ນ ມີອາການໃນລະບົບທາງເດີນຫາຍໃຈ, ຫລື ໄອ ຍ້ອນວ່າມີການຕິດເຊື້ອ.
ໃນປະເທດທຸກຄົນມີຄວາມສ່ຽງ ສະນັ້ນການກວດເລືອດແມ່ນມີຄວາມຈຳເປັນເພື່ອຊອກຫາເຊື້ອ ແລະ ສະກັດກັ້ນການແຜ່ລະບາດຂອງພະຍາດ.
ດຣ ພອນປະດິດ ສັງໄຊຍະລາດ ຜູ້ອໍານວຍການສູນວິເຄາະ ແລະ ລະບາດວິທະຍາ ແຫ່ງຊາດ ໄດ້ກ່າວ ເມື່ອບໍ່ດົນມານີ້ໃນກອງປະຊຸມຖະແຫຼງຂ່າວວ່າ ໄລຍະຜ່ານມາ ອີງຕາມຄຳນິຍາມເກົ່າ, ທ່ານ ໝໍ ໄດ້ ກຳນົດວ່າຜູ້ປ່ວຍຕ້ອງມີປະຫວັດຂອງການເດີນທາງໄປສະຖານທີ່ມີຄວາມສ່ຽງຈາກການຕິດເຊື້ອພະຍາດ ເຊັ່ນຜູ້ທີ່ເດີນທາງໄປເຂດທີ່ເຄີຍມີການລະບາດ ແລະ ມີອາການຄ້າຍຄືກັບໄຂ້ຫວັດໃຫຍ່ ພາຍຫລັງກັບມາຈາກເຂດດັ່ງກ່າວ ແລະ ເຂົ້າມາປະເທດລາວ ແລະ ມີອາການໃນລະບົບທາງເດີນຫາຍໃຈ, ໄຂ້, ໄອ, ຫາຍໃຈຍາກ ຈະຕ້ອງໄດ້ສົ່ງໄປກວດເລືອດເພື່ອຊອກຫາ COVID-19.
ນິຍາມເກົ່າແມ່ນບໍ່ສາມາດໃຊ້ໄດ້ສະຖານະການໃນປະບັນຈຸບັນ ເພາະພວກເຮົາໄດ້ພົບບາງກໍລະນີຜຸ້ຕິດເຊື້ອໃນລາວ ແມ່ນບໍ່ສະແດງອາການ ເຊັ່ນ ບໍ່ມີອາການໄຂ້ ແລະ ໄອ, ມີພຽງອາການຫາຍໃຈຍາກ ແຕ່ເມື່ອລາວໄດ້ໄປກວດເລືອດ ແລະ ພົບເຊື້ອ COVID-19.
ກະຊວງສາທາລະນະສຸກໄດ້ສ້າງຕັ້ງໜ່ວຍງານ ປະສານງານ ເພື່ອປ້ອງກັນພະຍາດ COVID-19 ຢູ່ບັນດາໂຮງໝໍ ໃນທົ່ວປະເທດ ເພື່ອຊ່ວຍຕິດຕາມ ແລະ ປ້ອງກັນການແຜ່ລະບາດຂອງພະຍາດດັ່ງກ່າວ.
ແຫຼ່ງຂໍ້ມູນ: ຂ່າວ-ພາບ: ເພັດໂພໄຊ, ວຽງຈັນທາມ
