ໃນວັນທີ 18 ເມສາ 2020 ທ່ານ ຮສ. ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈຳການຄະນະສະເພາະກິດ ໄດ້ຊີ້ແຈງຕໍ່ສື່ມວນຊົນ ແລະສັງຄົມ ໃນການຖະແຫຼງຂ່າວວ່າ:
ຂໍແກ້ຂ່າວໃນການຖະແຫຼງກ່ຽວກັບການຊ່ວຍເຫຼືອຈາກຕ່າງປະເທດ ໂດຍສະເພາະປະເທດ ອາເມລິກາ ເຊິ່ງໄດ້ຊ່ວຍເຫຼືອ 02 ຄັ້ງ ຄື
ຄັ້ງທີ 1 ແມ່ນຊ່ວຍເຫຼືອອຸປະກອນການແພດມີມູນ ຄ່າ 9,980 ໂດລາ.
ຄັ້ງທີ 2 ແມ່ນຊ່ວຍງົບປະມານ ມູນຄ່າ 1,9 ລ້ານໂດລາ ໃຫ້ອົງການອະນາໄມໂລກ, ຢູນີເຊັບ ແລະ ອົງການຊ່ວຍ ເຫຼືອເດັກສາກົນປະຈໍາ ສປປ ລາວ ເຊິ່ງບໍ່ແມ່ນຈໍານວນເງີນ 100 ລ້ານໂດລາຕາມທີ່ເປັນຂ່າວລື.
ຂໍຮຽກຮ້ອງມາຍັງບັນດາທ່ານຈົ່ງພ້ອມກັນປ້ອງກັນຕົນເອງ, ປ້ອງກັນຄອບຄົວ ແລະ ຜູ້ທີ່ຮັກແພງ ໃກ້ຊິດກັບບັນດາທ່ານຈາກການຕິດເຊື້ອພະຍາດ ໂຄວິດ 19 ຖືວ່າ ແມ່ນພັນທະ ແລະ ຄວາມຮັບຜິດຊອບຂອງບັນດາທ່ານ ແລະ ເປັນການປະກອບສ່ວນອັນສໍາຄັນໃຫ້ແກ່ປະເທດຊາດເພື່ອຜ່ານວິກິດຂອງການລະບາດພະຍາດໂຄວິດ 19.