ຂ່າວເດັ່ນ ສຳນັກຂ່າວມີເດຍລາວ

ປະຈຳວັນທີ ⠚ 4 ມີນາ2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:

ລາວ ມີຜູ້ຫວ່າງງານຫຼາຍກວ່າ 63.000 ຄົນ

ຜ່ານການເກັບກຳຂໍ້ມູນໃນຂອບເຂດທົ່ວປະເທດ ເຫັນວ່າຜູ້ຫວ່າງງານທີ່ກັບຈາກຕ່າງປະເທດ ແລະ ຫວ່າງງານພາຍໃນປະເທດ ມີຫລາຍກວ່າ 63.000 ຄົນ

ໃນໄລຍະການແຜ່ລະບາດຂອງພະຍາດໂຄວິດ-19 ສຳລັບ ສປປ ລາວ ຫົວໜ່ວຍແຮງງານ, ໂຄງການ ແລະ ໂຮງຈັກໂຮງງານຫລາຍແຫ່ງໄດ້ມີການໂຈະ ແລະ ປິດກິດຈະການຊຶ່ງຜູ້ອອກແຮງງານໃນລະບົບ-ນອກລະບົບ ລວມເຖິງຜູ້ປະກອບອາຊີບອິດສະຫລະ ກໍ່ໄດ້ຮັບຜົນກະທົບຫລາຍສົມຄວນ, ຊຶ່ງຄາດຄະເນອັດຕາການຫວ່າງງານຈະເພີ່ມຂຶ້ນປະມານ 20%…ອ່ານຕໍ່

ສະຫຼຸບວຽກງານ ປະຈໍາປີ 2020 ວາງທິດທາງແຜນການປີ 2021 ຂອງອົງການກາແດງແຂວງໄຊຍະບູລີ

ໃນປີ 2020 ອົງການກາແດງແຂວງໄຊຍະບູລີ ໄດ້ປຸກລະດົມການບໍລິຈາກເລືອດໄດ້ທັງໝົດ 2.740 ຖົງ, ໄດ້ໂຄສະນາຂົນຂວາຍແຫຼ່ງທຶນທັງພາຍໃນ ແລະ ຕ່າງປະເທດ ໄດ້ 1 ຕື້ 344 ລ້ານກວ່າກີບ, ໄດ້ເປີດບໍລິການຮັບສົ່ງຈົດໝາຍກາແດງ ແລະ ວຽກສືບທາວຫາຍາດພີ່ນ້ອງ ໃນທົ່ວແຂວງມີ 9 ເມືອງ ແລະ ລົງຊ່ວຍເຫຼືອຄອບຄົວຜູ້ທຸກຍາກ ໂດຍສ້າງກອງທຶນງົວ

ປີ 2021 ນີ້ອົງການກາແດງແຂວງໄຊຍະບູລີ ຕັ້ງເປົ້າຈະປຸກລະດົມໂຄສະນາຂົນຂວາຍບໍລິຈາກເລືອດໃຫ້ໄດ້ 2.700 ຖົງ ຈາກສັງຄົມທຸກພາກສ່ວນ…ອ່ານຕໍ່

ທະຫານ ແລະ ປະຊາຊົນ ສາມັກຄີກັນສ້າງທາງເບຕົງ ບ້ານອຸດົມມີໄຊ

ຊາວໜຸ່ມກອງບັນຊາການທະຫານເມືອງອຸທຸມພອນ ແຂວງສະຫວັນນະເຂດ ຈໍານວນ 20 ກວ່າສະຫາຍ ໄດ້ອອກແຮງງານສ້າງທາງເບຕົງຊ່ວຍປະຊາຊົນບ້ານອຸດົມມີໄຊ ແຕ່ທາງເລກທີ 9 ເຂົ້າຫາ ໂຮງຮຽນປະຖົມຈອມເພັດ ເຊິ່ງມີຄວາມຍາວ 130 ແມັດ ພ້ອມທັງໄດ້ປະກອບສ່ວນຊີມັງອີກຈໍານວນ 1 ໂຕນ

ທຶນທີ່ນໍາໃຊ້ເຂົ້າໃນການກໍ່ສ້າງເສັ້ນທາງສ່ວນຫຼາຍແມ່ນໄດ້ມາຈາກການປະກອບສ່ວນຂອງປະຊາຊົນພາຍໃນບ້ານ,ນັກທຸລະກິດ,ຫ້າງຮ້ານ ແລະ ພາກສ່ວນທີ່ກ່ຽວຂ້ອງ…ອ່ານຕໍ່

ມຊ ຈັດເທດສະການປຶ້ມອ່ານຂຶ້ນ ເພື່ອສົ່ງເສີມການອ່ານ ແລະ ໃຫ້ຄົນລາວເປີດກວ້າງການສຶກສາ

ເພື່ອຈະເປັນສ່ວນໜຶ່ງໃນການປູກຝັງນິໄສມັກອ່ານ, ມັກຂຽນ, ໃຫ້ແກ່ໄວໜຸ່ມລາວ ເພື່ອພວກເຂົາໄດ້ເຕີບໃຫຍ່ພ້ອມກັບຄວາມຮູ້ທີ່ກວ້າງຂວາງ ແລະ ຍັງເປັນການສະເຫລີມສະຫລອງວັນອ່ານໂລກ 4 ມີນາ ແລະ ສ້າງຂະບວນການສະເຫລີມສະຫລອງວັນແມ່ຍິງສາກົນ 8 ມີນາ ຄົບຮອບ 111 ປີ

ເຊິ້ງງານຄັ້ງນີ້ ຍັງເປັນການສ້າງເວທີສະແດງຜົນງານຂອງບັນດາພາກສ່ວນຕ່າງໆ ທັງພາກລັດ ແລະ ເອກະຊົນ ໂດຍສະເພາະແມ່ນ ປຶ້ມ, ສຳນັກພິມ, ວາລະສານຕ່າງໆ ເພື່ອຈໍາໜ່າຍສິນຄ້າຂອງຕົນເອງ…ອ່ານຕໍ່

ລັດຖະບານຍີ່ປຸ່ນ ໄດ້ໃຫ້ການຊ່ວຍເຫລືອເປັນມູນຄ່າປະມານ 1.8 ລ້ານໂດລາສະຫະລັດ ໃຫ້ອົງການຈັດຕັ້ງທີ່ບໍ່ຂຶ້ນກັບລັດຖະບານ

ເພື່ອຈັດຕັ້ງປະຕິບັດວຽກງານຂອງ 5 ໂຄງການ ທີບໍ່ຂຶ້ນກັບລັດຖະບານ ເຊິ່ງມີໂຄງການເກັບກູ້ລະເບີດບໍ່ທັນແຕກທີ່ແຂວງຊຽງຂວາງ, 2 ໂຄງການສຶກສາທີ່ແຂວງສະຫວັນນະເຂດ ແລະ ວຽງຈັນ, ໂຄງການທັນຕະແພດທີ່ນະຄອນຫລວງວຽງຈັນ, ແຂວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ ແລະ ໂຄງການຝຶກອົບຮົມວິຊາຊີບ ທີ່ນະຄອນຫລວງວຽງຈັນ.

ທ່ານ ເຄອິຈິ ອິວາໂມໂຕະ ອັກຄະຣາຊະທູດຍີ່ປຸ່ນປະຈໍາ ສປປ ລາວ ແລະ ບັນດາຕົວແທນຈາກອົງການຈັດຕັ້ງທີ່ບໍ່ຂຶ້ນກັບລັດຖະບານ ໄດ້ເຂົ້າຮ່ວມ ແລະ ມອບເງິນຈຳນວນ 1,8 ລ້ານໂດລາສະຫະລັດ…ອ່ານຕໍ່