ປະຊາກອນເຄິ່ງໜຶ່ງຂອງໂລກແມ່ນແມ່ຍິງ ເຊິ່ງໝາຍຄວາມວ່າຈະເປັນທ່າແຮງໃນການພັດທະນາຈະເຕີບໃຫຍ່ ແລະ ແກ້ໄຂຄວາມທຸກຍາກ ຈາກການຄົ້ນຄວ້າຫຼາຍຄັ້ງສະແດງໃຫ້ເຫັນວ່າ ແມ່ຍິງມີຄວາມສາມາດໃນຫຼາຍດ້ານ ແລະ ຖ້າຫາກວ່າປຽບທຽບເລື່ອງເຮັດວຽກ ແມ່ຍິງຈະເອົາລາຍໄດ້ເຂົ້າຄອບຄົວຫຼາຍກວ່າຜູ້ຊາຍ
ນາງ ຈັນດາລີ ສິດພະໄຊ ເປັນທີ່ຮູ້ຈັກກັນດີໃນນາມ “ໝໍແນ່ງ” ເຊິ່ງເປັນທີ່ຮັບຮູ້ດ້ານການຊ່ວຍເຫຼືອຜູ້ຄົນທີ່ຂາດແຄນ ຫຼື ປະສົບໄພພິບັດ ລາວໄດ້ການປຸກລະດົມຄົນລາວໂດຍຜ່ານ Facebook ເພື່ອລວມທຶນຊ່ວຍເຫຼືອໃຫ້ແກ່ ຜູ້ຖືກກະທົບຈາກເຫດການເຂື່ອນແຕກທີ່ ແຂວງ ອັດຕະປື ແລະ ໃນໄລຍະໂຄວິດ-19 ນີ້ອີກດ້ວຍ
ໜຶ່ງໃນຫຼາຍໂຄງການທີ່ໝໍແນ່ງ ໄດ້ມີສ່ວນຮ່ວມກໍແມ່ນ ໂຄງການຂອງ UNFPA (ກອງທຶນສະຫະປະຊາຊາດເພື່ອກິດຈະກຳປະຊາກອນ) ທີ່ມີຊື່ວ່າ ໂຄງການ “ນາງນ້ອຍ” ເພື່ອລົບລ້າງການກົດຂີ່ຂູດຮີດເພດຍິງ ແລະ ຍົກສູງສະຖານະໃນສັງຄົມ ເພື່ອສົ່ງເສີມຄວາມສະເໝີພາບຍິງຊາຍ
ການສື່ສານຜ່ານ Facebook ຈະເປັນສິ່ງທີ່ສຳຄັນຫຼາຍໃນການຂະຫຍາຍການເຜີຍແຜ່ ແລະ ຜົນກະທົບຂອງໂຄງການດັ່ງກ່າວ ເຊິ່ງເປັນວິທີເຜີຍແຜ່ທີ່ສາມາດເຂົ້າກຸ່ມຄົນໄດ້ຫຼາຍທີ່ສຸດໃນສັງຄົມລາວໃນຍຸກປັດຈຸບັນ
ໝໍແນ່ງກຳລັງຕໍ່ສູ້ເພື່ອການສ້າງຄວາມກ້າວໜ້າໃຫ້ແມ່ຍິງມີສິດທິເທົ່າທຽມກັນ ຫຼັກຖານທົ່ວໂລກໄດ້ສະແດງໃຫ້ເຫັນວ່າ ວິກິດການຕ່າງໆອາດຈະເຮັດໃຫ້ແມ່ຍິງໄດ້ພົບກັບຄວາມຮຸນແຮງ ເພາະມາດຕະການທີ່ວາງອອກເພື່ອຫຼຸດຜ່ອນການແຜ່ລະບາດຂອງ ໂຄວິດ-19 ເຊັ່ນ: ການກຳນົດບໍລິເວນຢູ່ໃນບ້ານ
ແມ່ຍິງຈະໄດ້ຮັບການສຶກສາໃນລະດັບສູງ ແລະ ມີຄວາມຄ່ອງແຄ້ວດ້ານດິຈິຕອນ ມີການເຂົ້າເຖິງການສະໜອງທຶນ ແລະ ທຸລະກິດຢ່າງເທົ່າທຽມ ເຊິ່ງໄດ້ມີການຮັບຮອງຈາກ Facebook’s Future of Business study ທີ່ໄດ້ເຮັດກັບ ທະນາຄານໂລກ ແລະ OECD ໂດຍຜ່ານຊ່ອງທາງ ດິຈິຕອນເຊັ່ນ Facebook ແລະ Instagram
ສະນັ້ນ, ການສ້າງຄວາມກ້າວໜ້າໃຫ້ແກ່ແມ່ຍິງໂດຍຜ່ານສື່ສັງຄົມອອນລາຍແມ່ນ ເປັນວິທີທີ່ຈະໄປສູ່ໂລກທີ່ຈະເລີນຮຸ່ງເຮືອງ ແລະ ພັດທະນາ
