ປະຈຳວັນທີ ⠚ 10 ມີນາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ແຂວງສາລະວັນ ເລີ່ມສັກວັກຊິນປ້ອງກັນພະຍາດໂຄວິດ-19 ໃຫ້ກຸ່ມທີ່ມີຄວາມສ່ຽງ 9.600 ໂດສ
ແຂວງສາລະວັນ ໄດ້ເລີ່ມພິທີສັກວັກຊິນປ້ອງກັນພະຍາດໂຄວິດ-19 ເປັນທາງການ ໃຫ້ກັບກຸ່ມເປົ້າໝາຍທີ່ມີຄວາມສ່ຽງ ພາຍຫຼັງໄດ້ຮັບການແບ່ງປັນວັກຊິນ ຈາກລັດຖະບານ ກໍ່ຄືກະຊວງສາທາລະນະສຸກ ຈຳນວນ 9.600 ໂດສ
ເນັ້ນໃສ່ສັກວັກຊິນໃຫ້ກັບກຸ່ມເປົ້າໝາຍທີ່ມີຄວາມສ່ຽງເຊັ່ນ: ພະນັກງານແພດໝໍ, ພະນັກງານທີ່ປະຕິບັດໜ້າທີ່ຕາມຈຸດຜ່ານແດນສາກົນຕ່າງໆ ແລະ ກຸ່ມຄົນທີ່ເຮັດວຽກຢູ່ສູນຈຳກັດບໍລິເວນ, ປະຊາຊົນທີ່ຢູ່ໃນກຸ່ມສ່ຽງຕ່າງໆ…ອ່ານຕໍ່
ແຂວງຫຼວງນໍ້າທາ ເລີ່ມສັກຢາວັກຊີນປ້ອງກັນພະຍາດໂຄວິດ – 19 ເຂັມທໍາອິດ
ທ່ານ ດຣ ແກ້ວ ອິນທະວົງ ຫົວໜ້າພະແນກສາທາລະນະສຸກແຂວງຫຼວງນໍ້າທາ ໄດ້ລາຍງານວ່າ: ການສັກວັກຊີນປ້ອງກັນພະຍາດໂຄວິດ-19 ໄດ້ແບ່ງອອກເປັນ 3 ກຸ່ມເປົ້າໝາຍ ເຊີ່ງກຸ່ມທີ ແມ່ນກຸ່ມຄະນະນໍາຂອງແຂວງ, ເມືອງ, ພະນັກງານແພດ-ໝໍ, ບັນດາຜູ້ໃຫ້ບໍລິການນັກທ່ອງທ່ຽວເຈົ້າຂອງເຮືອນ ພັກ, ໂຮງ ແຮມ, ຮ້ານອາຫານ, ກຸ່ມຄົນທີ່ປະຕິບັດໜ້າທີ່ຕາມຈຸດຜ່ານດ່ານສາກົນຕ່າງໆ
ກຸ່ມທີ 2 ແມ່ນພາກສ່ວນທີ່ຢູ່ໃນຂອບເຂດທີ່ມີຄວາມສຽ່ງໜ້ອຍ ແລະ ຈະເລີ່ມຈັດຕັ້ງປະຕິບັດສັກວັກຊິນໃນວັນທີ 15 ມີນາ 2021…ອ່ານຕໍ່
ກຽມພົບກັບ ງານວາງສະແດງເຟີນີເຈີໄມ້ໃນຮູບແບບເຄື່ອງເຮືອນລາວທີ່ຫຼາກຫຼາຍ
ຈຸດປະສົງຂອງການຈັດງານໃນຄັ້ງນີ້ ກໍເພື່ອນຳໃຊ້ໄມ້ໃຫ້ເກີດປະໂຫຍດສູງສຸດ ໂດຍການປຸງແຕ່ງເປັນຜະລິດຕະພັນສຳເລັດຮູບ ນຳໃຊ້ເຕັກນິກ-ເຕັກໂນໂລຊີທີ່ທັນສະໄໝໃນການອອກແບບ ແລະ ຜະລິດ ເພື່ອສ້າງມູນຄ່າເພີ່ມໃຫ້ໄມ້ລາວ ເປັນທີ່ຕ້ອງການຂອງຕະຫຼາດພາຍໃນ ແລະ ຕ່າງປະເທດ
ນອກນີ້ ຍັງເປັນການສົ່ງເສີມ ແລະ ສ້າງຄວາມເຂັ້ມແຂງໃຫ້ຫົວໜ່ວຍທຸລະກິດເຟີນີເຈີລາວ ບັນດາຜູ້ປະກອບການດ້ານຜະລິດຕະພັນເຟີນີເຈີຕ່າງກໍກະກຽມຜະລິດຕະພັນເຟີນີເຈີທີ່ເປັນເອກະລັກສະເພາະຂອງຕົນທີ່ມີຫຼາກຫຼາຍສີສັນ, ຫຼາຍຮູບແບບ ແລະ ສວຍງາມເພື່ອມາວາງສະແດງ ແລະ ຂາຍ ທີ່ງານວາງສະແດງເຟີນີເຈີວຽງຈັນ ຄັ້ງທີ 5 ທີ່ສູນການຄ້າລາວ-ໄອເຕັກນະຄອນຫຼວງວຽງຈັນ…ອ່ານຕໍ່