ຂ່າວເດັ່ນ ສຳນັກຂ່າວມີເດຍລາວ

ປະຈຳວັນທີ ⠚ 10 ມີນາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:

ສືບຕໍ່ກໍ່ສ້າງອາຄານ ແລະ ສ້າງພະແນກຍຸຕິທຳ ມູນຄ່າຫຼາຍກວ່າ 5 ຕື້ກີບ

ໂຄງການສືບຕໍ່ກໍ່ສ້າງອາຄານ ແລະ ສ້າງພະແນກຍຸຕິທໍາແຂວງ ຕັ້ງຢູ່ບ້ານຫົງໄຊ ເມືອງປາກຊັນ ແຂວງບໍລິຄຳໄຊ ເປັນອາຄານ 2 ຊັ້ນ ຂະໜາດ 45×16 ແມັດ ໃນນັ້ນ ປະກອບມີສາງເກັບມ້ຽນຂອງກາງຄະດີ ຂະໜາດ 6×12 ແມັດ ຊັ້ນດຽວ ແລະ ປະກອບເຄື່ອງເຟີນີເຈີຮັບໃຊ້ຫ້ອງການ ລວມມູນຄ່າທັງໝົດ 5.770.729.000 ກີບ

ເຊິ່ງການຮັບເໝົາກໍ່ສ້າງໂຄງການສືບຕໍ່ກໍ່ສ້າງອາຄານ ແລະ ສາງພະແນກຍຸຕິທໍາແຂວງບໍລິຄໍາໄຊ ທີ່ຫ້ອງປະຊຸມພະແນກຍຸຕິທໍາແຂວງ…ອ່ານຕໍ່

ນິພົນໂຮ່ຈິມິນ ຈະເປັນຂໍ້ມູນສຳຄັນໃຫ້ແກ່ນັກສຶກສາລະດັບມະຫາໄລທົ່ວປະເທດ

ໂຄງການນີ້ ເພື່ອເປັນເອກະສານສະໜອງຂໍ້ມູນວິທະຍາສາດ ຮັບໃຊ້ໃຫ້ແກ່ການກໍ່ສ້າງພະນັກງານ, ການຄົ້ນຄວ້າ ວິທະຍາສາດສັງຄົມ ຢູ່ສະຖາບັນການເມືອງ – ການປົກຄອງແຫ່ງຊາດ ແລະ ບັນດາສະຖາບັນການສຶກສາລະດັບມະຫາວິທະຍາໄລໃນທົ່ວປະເທດ ແນໃສ່ຂຸດຄົ້ນ-ນໍາໃຊ້ຂໍ້ມູນ ດ້ານແນວຄິດທິດສະດີ ທີ່ເປັນວິທະຍາສາດມານໍາໃຊ້ ແກ້ໄຂບັນຫາທີ່ຕັ້ງຂຶ້ນຢູ່ປະເທດລາວ

ນິພົນໂຮ່ຈິມິນ ຄົບຊຸດມີຈໍານວນ 15ເຫຼັ້ມ ແລະ ວັດຈະນານຸກົມແປສັບມີ 1ເຫຼັ້ມ ລວມມີ 16ເຫຼັ້ມ, ມີຫຼາຍກວ່າ 10ພັນໜ້າ ຈາກພາສາຫວຽດນາມ ມາເປັນພາສາລາວ ເຊິ່ງໂຄງການນີ້ແມ່ນທຶນຊ່ວຍເຫຼືອຂອງຫວຽດນາມ ແລະ ທຶນສົມທົບຂອງຝ່າຍລາວ…ອ່ານຕໍ່

ເຈົ້າແຂວງຄຳມ່ວນ ເດີນທາງສຳຫຼວດເສັ້ນທາງໃນເມືອງ ເຊບັ້ງໄຟ

ເຈົ້າແຂວງໆຄໍາມ່ວນ ພ້ອມດ້ວຍພາກວ່ວນທີ່ກ່ຽວຂ້ອງ ໄດ້ລົງສຳຫຼວດເສັ້ນທາງພາຍໃນເມືອງເຊບັ້ງໄຟ ເຊິ່ງການເດີນທາງໃນຄັ້ງນີ້ແມ່ນໄປທາງບ້ານ ມະນີລາດ ເມືອງໄຊບູລີ ແຂວງສະຫວັນນະເຂດ ອອກໄປທາງ ບ້ານ ດົງໝາກໄຟ ແລ້ວໄປຂ້າມທ່າບັກ ບ້ານເຊນ້ອຍ ເພື່ອເຂົ້າສູ່ເຂດເຊື່ອມຕໍ່ເມືອງເຊບັ້ງໄຟອີກເທື່ອໜຶ່ງ, ຕໍ່ຈາກ ບ້ານ ປາກເຊນ້ອຍ ປະມານ 10ກິໂລແມັດ

ເຊິ່ງໃນມື້ດຽວກັນ ໄດ້ສ້ອມແປງເສັ້ນທາງປູເບຕົ່ງ ຈຳນວນ 1 ຈຸດ ບ່ອນທີ່ທຸລະກັນດານເປັນໄລຍະທາງຍາວ 50 ແມັດ, ນໍາໃຊ້ຊີມັງ ຈຳນວນ 3 ໂຕນ…ອ່ານຕໍ່

ຄະນະນຳເມືອງບາຈຽງ ລົງຢ້ຽມຢາມ 6 ຄອບຄົວປະຕິວັດ

ຄະນະນໍາຂັ້ນເມືອງບາຈຽງຈະເລີນສຸກພ້ອມຄະນະພົບປະຢ້ຽມຢາມ 6 ຄອບຄົວປະຕິວັດ ແລະ ນໍາເອົາເຂົ້າສານອາຫານແຫ້ງຈໍານວນໜື່ງມອບໃຫ້ຄອບຄົວວິລະຊົນປະຕິວັດເພື່ອເປັນການກຳລັງໃຈແລະສະແດງຄວາມເປັນຫ່ວງເປັນໄຍທັງຍົກສູງຄວາມອົງອາດກ້າຫານໃນການຕໍ່ສູ້ກັບສັດຕູໃນເມື່ອກ່ອນ

ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ນໍາໂດຍທ່ານ ສົມລິດ ປັນທະບົວສີ ກຳມະການພັກແຂວງ ເລຂາພັກເມືອງ ເຈົ້າເມືອງບາຈຽງຈະເລີນສຸກ…ອ່ານຕໍ່

ປະຊາຊົນບ້ານໜອງບົວຫຼວງ ລົງສ້ອມແປງເສັ້ນທາງເພື່ອຄວາມສະດວກໃນລະດູແລ້ງ

ພໍ່ແມ່ປະຊາຊົນພາຍໃນບ້ານໜອງບົວຫຼວງ ເມືອງຊົນນະບູລີ ແຂວງສະຫວັນຍະເຂດ ຈໍານວນ 150 ຄົນ ຍິງ 25 ຄົນເຂົ້າຮ່ວມຂະບວນການອອກແຮງງານ ໃນການສ້ອມແປງເສັ້ນທາງໃນຄັ້ງນີ້ ມີຄວາມຍາວ 3 ກິໂລແມັດ, ກວ້າງ 3 ແມັດ

ເຊິ່ງໄດ້ນໍາໃຊ້ລົດຟ໋ອດດຸດບາງຈຸດທີ່ເປັນຂຸມເລິກ ເພື່ອປັບໜ້າທາງ ແລະ ອີກສ່ວນໜຶ່ງແມ່ນໄດ້ນໍາໃຊ້ແຮງງານປະຊາຊົນພາຍໃນບ້ານໂດຍການໃຊ້ຈົກ, ສຽມ, ພ້າຂອງໃຜລາວ ຕັດ, ຖາງປ່າໃນລະຫວ່າງສອງຂ້າງທາງ, ຂະຫຍາຍໃຫ້ມີຄວາມກວ້າງອອກເພື່ອເຮັດໃຫ້ມີຄວາມສະດວກສະບາຍໃນການສັນຈອນ…ອ່ານຕໍ່

ຜົນສຳເລັດ 5 ປີ ວຽກງານໂຍທາທິການ ແລະ ຂົນສົ່ງ

ບັນດາໂຄງການກໍ່ສ້າງ ທີ່ຂຶ້ນກັບພະແນກ ຍທຂ ໄດ້ສະແດງໃຫ້ເຫັນເຖິງຄວາມສຳເລັດດັ່ງນີ້: ໂຄງການກໍ່ສ້າງສ້ອມແປງທາງໄດ້ ຈຳນວນ 31 ຄັ້ງ, ໂຄງການປ້ອງກັນຕະຝັງເຈື່ອນ 04 ຄັ້ງ, ໂຄງການກໍ່ສ້າງນໍ້າປະປາ 07 ຄັ້ງ, ເຂົ້າຮ່ວມເປັນຄະນະກໍາມະການກວດກາ ຮ່ວມກັບຄະນະກວດກາຂັ້ນແຂວງ, ຄະນະກວດກາລັດຖະບານ ແລະ ກວດກາສູນກາງ 06 ຄັ້ງ 266 ໂຄງການ, ໃນນັ້ນ ເປັນໂຄງການໃນຄວາມຮັບຜິດຊອບຂອງພະແນກ ຍທຂ 80 ໂຄງການ.

ປະຈຸບັນ ມີເສັ້ນທາງເຂົ້າເຖິງ 291 ບ້ານ ເຊິ່ງແມ່ນປະຊາຊົນໄດ້ເປັນເຈົ້າການປະກອບທຶນ ແລະ ແຮງງານ ເພື່ອກໍ່ສ້າງທາງຄອນກຼີດເຂົ້າບ້ານຂອງຕົນ ສັງລວມທົ່ວແຂວງປະຊາຊົນປະກອບສ່ວນສ້າງທາງຄອນກຼີດເປັນມູນຄ່າ 3 ຕື້ກ່ວາກີບ, ປະກອບສ່ວນແຮງງານ ແລະ ເງິນສ້າງຂົວເບຕົງຂ້າມນໍ້າພາວມູນຄ່າ 200 ລ້ານກີບ, ປະຊາຊົນເມືອງໄຊຈໍາພອນປະກອບສ່ວນແຮງງານ ແລະ ເງິນ ໃນການສົມທົບສ້າງຂົວອູ່ມູນຄ່າ 48 ລ້ານກີບ…ອ່ານຕໍ່

ສຶກສາຄວາມເປັນນໄປໄດ້ໃນການພັດທະນາເສດຖະກິດ ລະຫວ່າງລາວກັບປະເທດໃກ້ຄຽງ

ໂຄງການດັ່ງກ່າວ ແມ່ນສຶກສາກ່ຽວກັບຄວາມເປັນໄປໄດ້ໃນການານພັດທະນາທາງດ້ານເສດຖະກິດ, ການສຶກສາ, ສາທາລະນະສຸກ ແລະ ແລວທາງເສດຖະກິດ ລະຫວ່າງລາວ ກັບປະເທດໃກ້ຄຽງ, ສຶກສາກ່ຽວກັບເເລວທາງເລກ 2w ທີ່ເປັນທ່າແຮງຂອງແຂວງ ທີ່ຈະສາມາດເຊື່ອມຕໍ່ກັບຕ່າງປະເທດ

ເຊິ່ງບັນດາໂຄງການດັ່ງກ່າວທາງທະນາຄານໂລກແມ່ນມີທຶນທີ່ຈະສະໜັບສະໜູນ ສ່ວນການຕັດສິນໃຈເອົາທຶນແມ່ນຂຶ້ນກັບລັດຖະບານລາວ ແລະ ການນຳຂັ້ນແຂວງ ເຊີ່ງປະຈຸບັນມີຫຼາຍໂຄງການທີ່ທະນາຄານໂລກໃຫ້ການສະໜັບສະໜູນໃນປະເທດລາວ ລວມປະມານ 800 ລ້ານກ່ວາໂດລາສະຫະລັດ…ອ່ານຕໍ່