ເຮືອນ General ຂ່າວເດັ່ນ ສຳນັກຂ່າວມີເດຍລາວ

ຂ່າວເດັ່ນ ສຳນັກຂ່າວມີເດຍລາວ

0
ຂໍຂອບໃຈນຳຜູ້ສະໜັບສະໜູນ

ປະຈຳວັນທີ ⠚ 12 ມີນາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:

ນະຄອນ ໄກສອນ ພົມວິຫານ ເປີດໃຫ້ວັກຊີນກັນພະຍາດໂຄວິດ-19 ໃຫ້ກຸ່ມສ່ຽງ ຮອບທີ 1



ນະຄອນໄກສອນ ພົມວິຫານ ເປັນນະຄອນໜຶ່ງ ຊຶ່ງມີທີຊາຍແດນຕິດກັບປະເທດໄທ ປັດຈຸບັນກໍ່ໄດ້ມີແຮງງານລາວກັບມາໃນແຕ່ລະວັນເປັນຈຳນວນຫຼາຍ 100 ຄົນ, ສະນັ້ນເພື່ອເປັນການປ້ອງກັນຕໍ່ການແຜ່ລະບາດຂອງພະຍາດດັ່ງກ່າວ ທາງນະຄອນຈຶ່ງໄດ້ຈັດວັກຊີນໃຫ້ກັບຫ້ອງການສາທາລະນະສຸກນະຄອນ ໄກສອນ ພົມວິຫານເພື່ອນຳມາສັກໃຫ້ກັບກຸ່ມທີ່ມີສ່ຽງສູງໃນຮອບທີ 1 ຈຳນວນ 103ໂດສ

ໂດຍຈະຊັກໃຫ້ສະເພາະກຸ່ມທີ່ມີຄວາມສ່ຽງຕໍ່ການແຜ່ເຊື້ອ ເປັນຕົ້ນແມ່ນ ພະນັກງານແພດໝໍທີ່ເຮັດໜ້າທີ່ປີ່ນປົວຄົນເຈັບ, ເຈົ້າໜ້າທີ່ຢູ່ສູນຈໍາກັດບໍລິເວນ, ເຈົ້າໜ້າທີ່ ເຮັດໜ້າທີ່ກວດກາຄົນເຂົ້າ-ອອກເມືອງຕາມດ່ານຕ່າງໆ ແລະ ຄະນະສະເພາະກິດແຕ່ລະຂັ້ນ,ພະນັກງານອະນາໄມຕາມໂຮງໝໍ,ພະນັກງານສະຖານີລົດໂດຍສານ,ພະນັກງານບໍລິການຕາມຮ້ານອາຫານ,ຮ້ານບັນເທີງ ລວມທັງຮ້ານຂາຍຢາເອກະຊົນບ່ອນທີ່ມີຄວາມສ່ຽງ…ອ່ານຕໍ່

ເມືອງໂຂງ ແຂວງຈຳປາສັກ ເລີ່ມສັກວັກຊີນປ້ອງກັນພະຍາດໂຄວິດ-19 ຮອບທຳອິດ


ເມືອງ ໂຂງ ແຂວງຈຳປາສັກ ໄດ້ມີພິທີສັກວັກຊີນປ້ອງກັນພະຍາດ ໂຄວິດ -19 ຮອບທີ 1 ເຊິ່ງໄດ້ຮັບວັກຊີນກັນພະຍາດໂຄວິດ-19 ຄັ້ງນີ້ທັງໝົດ 2.007 ໂດສ ຈາກຈີນ ເຊິ່ງແມ່ນວັກຊີນ ຊີໂນຟຣາມ (Sinopharm Vaccine)

ເຊິ່ງສັກກຸ່ມທໍາອິດໃຫ້ກັບກຸ່ມທີ່ມີຄວາມສ່ຽງສູງ ເປັນຕົ້ນ: ການນຳຂັ້ນເມືອງ, ພະນັກງານຫ້ອງການອ້ອມຂ້າງເມືອງ ຫຼື ຜູ້ທີ່ເປັນດ່ານຫນ້າທີ່ມີຄວາມສ່ຽງຕໍ່ຕິດເຊື້ອຈາກການລະບາດຂອງພະຍາດໂຄວິດ-19…ອ່ານຕໍ່

ຫົວໜ້າພະແນກແຜນການ ແລະ ການລົງທຶນ ແຂວງໄຊສົມບູນ ລົງຕິດຕາມໂຄງການລົງທຶນຂອງລັດ

ຂໍຂອບໃຈນຳຜູ້ສະໜັບສະໜູນ



ເຊິ່ງຈະມີໂຄງການກໍ່ສ້າງເສັ້ນທາງປູຢາງ 2 ຊັ້ນ ແຕ່ເທດສະບານເມືອງອະນຸວົງ ຫາ ບ້ານວຽງທອງ ເມືອງທ່າໂທມ, ໂຄງການກໍ່ສ້າງເສັ້ນທາງປູຢາງ 2 ຊັ້ນ ແຕ່ເທດສະບານເມືອງອະນຸວົງ ຫາ ບ້ານອ່າວໄຕ້ ເມືອງອະນຸວົງ, ໂຄງການກໍ່ສ້າງເສັ້ນທາງເບຕົງ ຖະໜົນເພຍຫຼວງ, ຖະໜົນໄຊຊະນະ ແລະ ຖະໜົນອະນຸວົງ, ໂຄງການກໍ່ສ້າງປ້ອງກັນຕາຝັ່ງເຈື່ອນແຄມນໍ້າຈັ້ງ ຊ່ວງທີ 1, ຊ່ວງທີ 2 ແລະ ໂຄງການກໍ່ສ້າງຕຶກອາຄານຫ້ອງວ່າການ ແຂວງໄຊສົມບູນ

ນຳໂດຍ ທ່ານ ໄຊຍະເດດ ວົງສາຣະວັນ ຫົວໜ້າພະແນກແຜນການ ແລະ ການລົງທຶນ ແຂວງ ພ້ອມດ້ວຍພະແນກການທີ່ກ່ຽວຂ້ອງ ລົງຊຸກຍູ້ແລະຕິດຕາມໂຄງການລົງທຶນຂອງລັດໃນຄັ້ງນີ້
ອ່ານຕໍ່

ແຂວງຄໍາມ່ວນ ເລີ່ມສັກວັກຊີນໂຄວິດ-19 ໃຫ້ 3 ກຸ່ມສ່ຽງ



ແຂວງຄໍາມ່ວນ ໄດ້ຮັບວັກຊີນປ້ອງກັນການນຕິດເຊື້ອພະຍາດໂຄວິດ-19 ຈຳນວນ 13.600 ໂດສ, ສາມາດສັກໄດ້ທັງໝົດ 6.800 ຄົນ ເຊິ່ງໃນການສັກວັກຊີນ ແຕ່ລະຄົນ ແມ່ນຈະໄດ້ສັກຈໍານວນ 2 ເຂັມ ເຊິ່ງການສັກເຂັມທີ 2 ແມ່ນມີໄລຍະຫ່າງ 28 ວັນ

ເຊິ່ງໃນຊຸດທໍາອິດແມ່ນຈະເລີ່ມສັກໃຫ້ແກ່ 03 ກຸ່ມເປົ້າໝາຍທີ່ມີຄວາມສ່ຽງສູງຕໍ່ການຕິດເຊື້ອເປັນຕົ້ນແມ່ນ: ບັນດາເຈົ້າໜ້າທີ່ ແລະ ພະນັກງານທີ່ປະຈຳຢູ່ແຕ່ລະດ່ານ, ພະນັກງານທີ່ປະຕິບັດໜ້າທີ່ຢູ່ບັນດາສູນກັກກັນ ແລະ ພະນັກງານ ແພດ-ໝໍ ທີ່ເຮັດໜ້າທີ່ປິ່ນປົວທີ່ໄດ້ສຳພັດກັບຄົນເຈັບ…ອ່ານຕໍ່

ເມືອງທ່າແຕງ ໄດ້ເປີດຂະບວນການສັກຢາວັກຊິນປ້ອງກັນພະຍາດໂຄວິດ – 19 ເຂັມທໍາອິດ



ເມືອງທ່າແຕງ ແຂວງເຊກອງ ໄດ້ຮັບວັກຊິນກັນພະຍາດໂຄວິດ-19 ທັງໝົດ 900 ໂດຼສ ເປັນວັກຊິນທີ່ລັດຖະບານລາວຊ່ວຍເຫຼືອ

ເຊິ່ງຮອບທຳອິດໄດ້ສັກຢາວັກຊີນ ໃຫ້ກຸ່ມທີ່ມີຄວາມສ່ຽງສູງ 450 ຄົນ ເຊິ່ງຈະມີຄະນະນໍາຂອງເມືອງ, ພະນັກງານພະນັກງານແພດ-ໝໍ, ບັນດາຜູ້ໃຫ້ບໍລິການນັກທ່ອງທ່ຽວ, ເຈົ້າຂອງເຮືອນພັກ, ໂຮງແຮມ, ກຸ່ມຄົນທີ່ປະຕິບັດໜ້າທີ່ຕາມຈຸດຜ່ານດ່ານເຂົ້າ-ອອກເມືອງ…ອ່ານຕໍ່

ເມືອງທ່າປາງທອງ ເລີ່ມໄດ້ຮັບການສັກວັກຊີນປ້ອງກັນພະຍາດໂຄວິດ-19



ເມືອງທ່າປາງທອງ ແຂວງສະຫວັນນະເຂດ ໄດ້ຮັບການແບ່ງປັນວັກຊິນ ຈາກພະແນກສາທາລະນະສຸກແຂວງ ຈຳນວນ 88 ໂດສ ແລະ ໄດ້ເລີ່ມ ສັກວັກຊິນ ໃຫ້ກັບກຸ່ມເປົ້າໝາຍທີ່ມີຄວາມສ່ຽງ ເຊິ່ງການສັກວັກຊິນແມ່ນຈະໄດ້ປະຕິບັດ 2 ໄລຍະຄື: ໄລຍະທີ່ 1 ຈະສັກທັງໝົດ 88 ໂດສ ແລະ ໄລຍະທີ່ 2 ຈະສັກຕື່ມໃນວັນທີ 8 ເມສາ 2021, ເມືອງທ່າປາງທອງແມ່ນໄດ້ກຳນົດເອົາ ໂຮງໝໍເມືອງເປັນບ່ອນສັກວັກຊິນ…ອ່ານຕໍ່

ເມືອງເຊໂປນເລີ່ມ ເປີດການສັກຢາວັກຊິນປ້ອງກັນໂຄວິດ 19 ຮອບທີ່ 1



ທ່ານ ດຣ ຄໍາຕູ່ນ ອຸານລຽນວົງສັກ ຫົວໜ້າຫ້ອງການສາທາລະນະສຸກເມືອງ ກໍ່ໄດ້ໃຫ້ຮູ້ວ່າ: ເມືອງເຊໂປນ ເປັນເມືອງທີ່ມີຊາຍແດນຕິດກັບປະເທດຫວຽດນາມສະນັ້ນຈຶ່ງມີຄວາມຈໍາເປັນທີ່ສຸດຕໍ່ການປ້ອງກັນໂຄວິດ19 ໃຫ້ບຸກຄະລາກອນ ແລະ ບຸກຄົນທີ່ມີຄວາມສ່ຽງສູງກ່ອນ

ເຊິ່ງຈະມີ ພະນັກງານແພດໝໍ ແລະ ພະນັກງານປະຈໍາຢູ່ດ່ານສາກົນລາວ-ຫວຽດນາມ,ທະຫານ,ຕຳຫຼວດ ແລະ ຄະນະສະເພາະກິດ ເພື່ອປ້ອງກັນ-ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19…ອ່ານຕໍ່

ໂຮງຮຽນ 46 ແຫ່ງ ໃນເມືອງອຸທຸມພອນໄດ້ຮັບອຸປະກອນການຮຽນ,ເຄື່ອງນຸ່ງຫົ່ມ ຈາກອົງການຊ່ວຍເຫຼືອເດັກສາກົນ



ທ່ານ ນາງ Deborah Leaver ຫົວໜ້າອົງການຊ່ວຍເຫຼືອເດັກສາກົນ ປະຈໍາລາວ ແລະ ພາກສ່ວນທີ່ກ່ຽວຂ້ອງ ໄດ້ຊ່ວຍເຫຼືອທັງໝົດ 46 ແຫ່ງ ເພື່ອຟື້ນຟູການສຶກສາທີ່ໄດ້ຮັບຜົນກະທົບຈາກໂຄວິດ-19 ໂດຍຈະເນັ້ນໃສ່ໃຫ້ການຊ່ວຍເຫຼືອທາງດ້ານເຄື່ອງນຸ່ງຫົ່ມ,ອຸປະກອນການຮຽນສໍາລັບນັກຮຽນ,ອຸປະກອນຮັກສາສຸຂະອະນາໄມ ແລະ ແນະແນວຮັກສາສຸຂະອະນາໄມໃຫ້ແກ່ໂຮງຮຽນ

ນອກຈາກນີ້ ກໍ່ຍັງຝຶກອົບຮົມໃຫ້ແກ່ ພໍ່ແມ່ຜູ້ປົກຄອງເດັກ ກ່ຽວກັບການປ້ອງກັນການໃຊ້ຄວາມຮຸນແຮງພາຍໃນຄອບຄົວ…ອ່ານຕໍ່

ບໍ່​ມີ​ຄໍາ​ເຫັນ

Exit mobile version