ທ່ານ ເຈດສະດາ ແສນອຸດົມໂຊກ ໄດ້ບັນຍາຍໃນງານ ແລກປ່ຽນທັກສະຄວາມຮູ້ດ້ານສື່ສຳລັບຊາວໜຸ່ມ ປະຈຳປີ 2021
ໄຂຂຶ້ນຢ່າງເປັນທາງການແລ້ວ! ສຳລັບງານແລກປ່ຽນທັກສະຄວາມຮູ້ດ້ານສື່ສຳລັບຊາວໜຸ່ມ
ໂດຍພາຍໃນງານ ໄດ້ລວມບຸກຄົນທີ່ມີປະສົບການຫຼາກຫຼາຍ, ທີ່ຈະມາບອກເຖິງເຄັດລັບ, ຄວາມຮູ້ ແລະ ເທັກນິກຕ່າງໆ ໃນການເຮັດວຽກດ້ານສື່
ທ່ານ ເຈດສະດາ ແສນອຸດົມໂຊກ ໄດ້ບັນຍາຍໃນງານ ແລກປ່ຽນທັກສະຄວາມຮູ້ດ້ານສື່ສຳລັບຊາວໜຸ່ມ ປະຈຳປີ 2021
ໃນນັ້ນ, ມີ “ທ່ານ ເຈດສະດາ ແສນອຸດົມໂຊກ” ທີີ່ປຶກສາ ເວັບໄຊ ອິນໄຊລາວ ໄດ້ມາບັນຍາຍໃນຫົວຂໍ້ “5 ວິທີງ່າຍໆ ໃນການກວດສອບຂ່າວປອມ”
ເຊິ່ງເພິ່ນໄດ້ແນະນຳໃຫ້ເຮົາຜູ້ທີ່ເສບຂ່າວ ຄວນສັງເກດ 5 ຢ່າງງ່າຍໆກ່ອນແຊຣຂ່າວເຊັ່ນ: ຕັ້ງຄຳຖາມ ວ່າຂ່າວນັ້ນເປັນຂ່າວແທ້ ຫຼື ຂ່າວປອມ, ຊອກຫາຕົ້ນຕໍຂອງຂ່າວນັ້ນໆ ວ່າມາແຕ່ໃສ, ລໍຖ້າເບິ່ງກະແສຂອງຂ່າວ ເພາະວ່າສິ່ງທີ່ເຮົາແຊຣໄປອາດເປັນຂ່າວປອມ ມັນຈະເຮັດໃຫ້ເປັນຄົນທີ່ບໍ່ໜ້າເຊື່ອຖືໄດ້, ການຫາແຫຼ່ງຂ່າວທີ່ເຊື່ອຖືໄດ້ ເພາະບາງຄັ້ງຄົນຂຽນຂ່າວກໍ່ມີຈຸດປະສົງແຕກຕ່າງກັນ ຫວັງໃນສິ່ງທີ່ອາດຈະດີ ຫຼື ບໍ່ດີກໍໄດ້, ເລືອກໃຊ້ເຄື່ອງມື ເຊັ່ນ Google, Facebook ເພາະຂໍ້ມູນສ່ວນຫຼາຍມາຈາກສື່ອອນລາຍເຫລົ່ານີ້
ສຳລັບງານແມ່ນຈັດ ທີ່ ສູນກາງຊາວໜຸ່ມປະຕິວັດລາວ ບ້ານໂພນທັນ ວັນທີ 13-14 ມີນາ 2021 ບຸກຄົນໃດທີ່ສົນໃຈເຂົ້າຮ່ວມ ສາມາດສະໝັກ ແລະ ເຂົ້າຮ່ວມໄດ້ຟຣີ!