ຂໍຂອບໃຈນຳຜູ້ສະໜັບສະໜູນ

ຄະນະສະເພາະກິດ ເມືອງສີໂຄດຕະບອງແລະ ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ອອກແຈ້ງການ 3 ສະບັບ ໂດຍມີເນື້ອໃນເພື່ອຂໍຄວາມຮ່ວມມືໃຫ້ໂຈະຊົ່ວຄາວບັນດາຕະຫຼາດທີ່ມີຜູ້ຕິດເຊື້ອພະຍາດໂຄວິດ-19 ເດີນທາງໄປໃນໄລຍະຜ່ານມາ

ໃນນີ້, ປະກອບມີ: ຕະຫຼາດສີໄຄ, ຕະຫຼາດເກົ້າລ້ຽວ, ຕະຫຼາດຈັນສະຫວ່າງ ແລະ ສູນການຄ້າຊັງຈຽງ

ເນື່ອງຈາກວ່າບັນດາຕະຫຼາດຂ້າງເທິງນີ້ໄດ້ມີຄວາມສ່ຽງ ອີງຕາມການຖະແຫຼງຂ່າວຂອງຄະນະເພາະກິດຂັ້ນສູນກາງ ຄັ້ງວັນທີ 14 ມິຖຸນາ 2011 ເພື່ອປ້ອງກັນ, ຄວບຄຸມການແຜ່ລະບາດ ເຊື້ອພະຍາດ ແລະ ເພື່ອຫຼີກເວັ້ນຄວາມສ່ຽງການຕິດເຊື້ອດັ່ງກ່າວ ຢູ່ໃນເມືອງສີໂຄດຕະບອງ ກໍ່ຄືໃນນະຄອນຫຼວງວຽງຈັນ, ຄະນສະເພາະກິດຂອງເມືອງສີໂຄດຕະບອງ ຂໍຄວາມຮ່ວມມືໃຫ້ນຳທຸກພາກສ່ວນ

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໂດຍໃນເນື້ອໃນບາງຕອນແມ່ນ: ໃຫ້ໂຈະຊົ່ວຄາວການເປີດບໍລິການນັບແຕ່ວັນທີ 15 ຫາ 16 ມິຖຸນາ 2021, ເພື່ອດຳເນີນການສີດຢາຂ້າເຊື້ອ ແລະ ເຮັດອານາໄມຄວາມສະອາດໃນທົ່ວບໍລິເວນຕະຫຼາດ ແລະ ຈຸດຂາຍສິນຄ້າຕາມມາດຕະການທີ່ຄະນະສະເພາະກິດວາງອອກ, ໃຫ້ຊາວຄ້າຂາຍທັງໝົດຢູ່ໃນຕະຫຼາດ ແລະ ຈຸດຂາຍສິນຄ້າໄປກວດຫາເຊື້ອຕາມຈຸດທີ່ທາງການກຳນົດໄວ້ ແລະ ໃຫ້ເຈົ້າຂອງຕະຫຼາດໂຄສະນາເຜີຍແຜ່ ແລະ ແຈ້ງໃຫ້ຊາວຄ້າຂາຍ, ພະນັກງານຂອງຕົນບໍ່ໃຫ້ແຕກຕື່ນ ແລະ ຕິດຕາມອາການຂອງຕົນເອງຢູ່ບ້ານ (ໃນໄລຍະນີ້ຫ້າມບໍ່ໃຫ້ຊາວຄ້າຂາຍດັ່ງກ່າວໄປຂາຍຢູ່ຈຸດອື່ນໆອີກ ເນື່ອງຈາກຈະເປັນການແຜ່ເຊື້ອ) ໃນກໍລະນີຢາກອອກຈາກບ້ານ ຕ້ອງຂໍອະນຸຍາດນໍາອຳນາດການປົກຄອງບ້ານຕາມລະບຽບການ

Hits: 0

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້