ປະຈຳວັນທີ 24 ມິຖຸນາ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ໂຄງການພັດທະນາທ້ອງຖີ່ນລາວ 030 ມອບເຄື່ອງຊ່ວຍເຫຼືອໃຫ້ 15 ບ້ານເປົ້າໝາຍຢູ່ເມືອງປາກທາ
ທ່ານ ບຸນມີ ຈັນທະວົງ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທືນເມືອງປາກທາ ພ້ອມດ້ວຍທີມງານ ໄດ້ລົງມອບເຄື່ອງບັນເທົາທຸກໃຫ້ກັບຄອບຄົວທຸກຍາກ ແລະ ນ້ອງນັກຮຽນ ໃນ 15 ບ້ານເປົ້າໝາຍຂອງແຜນພັດທະນາທ້ອງຖີ່ນລາວ 030 ຂອງເມືອງປາກທາ ແຂວງບໍ່ແກ້ວ
ສຳລັບເຄື່ອງທີນຳມາມອບໃນຄັ້ງນີ້ປະກອບມີ: ເຂົ້າສານ 2,250 ກິໂລກຼາມ, ຜ້າຫົ່ມໂຕໂຕ່ 166 ຜືນ, ຖັງຢາງດຳ 100 ລີດ 75 ຖັງ, ຜ້າເຊື່ອປູນອນ 48 ຜືນ, ມຸ້ງ 3 ຟຸດ 166 ດາງ, ໜອນ 166 ໜ່ວຍ, ແນວພັນສາລີ 450 ກິໂລກຼາມ, ຢາສີແຂ້ວຄອນເກດ ( ຂະໜາດກາງ ) 1,438 ຫຼອດ, ແປງສີຟັນ ຄອນເກດ (ໃຫຍ່) 1,438 ອັນ, ສະບູລັກ 1,438 ກ້ອນ, ເຈວລ້າງມື 350 ມລ 238 ກ້ອງ, ເຄື່ອງວັດແທກອຸນຫະພູມ 34 ເຄື່ອງ, ຜ້າອັດປາກ 102 ກັບ, ກ່ອງປະຖົມພະຍາບານ 34 ກ່ອງ,ສຳລັບສະບູ, ຢາສີຟັນ ແລະ ແປງສີຟັນ ແມ່ນມອບໃຫ້ນ້ອງນ້ອຍນັກຮຽນແຕ່ ປ 1 ຫາ ປ 5…ອ່ານຕໍ່
ເມືອງທຸລະຄົມຝຶກອົບຮົມສ້າງຄວາມເຂັ້ມແຂງການຄຸ້ມຄອງໂຄງການລົງທຶນຂອງລັດ
ທີ່ສະໂມສອນເມືອງທຸລະຄົມ ແຂວງວຽງຈັນ, ຈຸດປະສົງ ແລະ ເປົ້າໝາຍຕົ້ນຕໍຂອງການຈັດຝຶກອົບຮົມນີ້ຂຶ້ນ ເພື່ອເປັນການສ້າງຄວາມເຂັ້ມແຂງດ້ານບຸກຄະລາກອນ ໃຫ້ບັນດາຫ້ອງການຢູ່ພາຍໃນເມືອງ ທີ່ຕິດພັນກັບເປົ້າໝາຍມີໂຄງການລົງທຶນ
ພະແນກແຜນການ ແລະ ການລົງທຶນ ແຂວງວຽງຈັນ ຮ່ວມກັບເມືອງທຸລະຄົມ ກໍໄດ້ຈັດກອງປະຊຸມເພື່ອປັບປຸງແຜນພັດທະນາເສດຖະກິດສັງຄົມ 5 ປີຂອງເມືອງ ຂຶ້ນ ເພື່ອດັດແກ້, ປັບປຸງຕົວເລກຂອງບັນດາໂຄງການ, ຕົວເລກແຜນການທີ່ໄດ້ຮັບຮອງຢູ່ຂັ້ນເມືອງໃນປີຜ່ານມາ ກ່ອນມີການລະບາດຂອງພະຍາດໂຄວິດ 19 ແລະ ຄັດຈ້ອນໂຄງການລົງທຶນຂອງລັດໃຫ້ສົມຄູ່ກັບສະພາບຕົວຈິງ…ອ່ານຕໍ່
6 ເດືອນຕົ້ນປີ ເສດຖະກິດເມືອງລະມາມ ຂະຫຍາຍຕົວໃນລະດັບ 3,45%
ທ່ານ ແສງອາທິດ ພັນທຸວົງ ກຳມະການພັກ ຫົວໜ້າຫ້ອງການແຜນການ ແລະການລົງທຶນເມືອງລະມາມ ແຂວງເຊກອງ ໄດ້ໃຫ້ຮູ້ວ່າໃນ 6 ເດືອນຕົ້ນປີ 2021 ອັດຕາການຂະຫຍາຍຕົວທາງດ້ານເສດຖະກິດ ແມ່ນພົບຄວາມຫຍຸ້ງຍາກສົມຄວນ ເນື່ອງຈາກບັນຫາການແຜ່ລະບາດຂອງພະຍາດໂຄວິດ-19
ເຮັດໃຫ້ຈັງຫວະການເຕີບໂຕຂອງເສດຖະກິດພາຍໃນເມືອງ ຂະຫຍາຍຕົວຢູ່ໃນລະດັບ 3,45%, ລວມຍອດຜົນຜະລິດພາຍໃນປະຕິບັດໄດ້ 612,01 ຕື້ກີບ ທຽບໃສ່ປະຊາກອນ ບັນລຸໄດ້ 17,03 ລ້ານກີບ/ຄົນ…ອ່ານຕໍ່
ພິທີປາຖະກະຖາປະຫວັດວັນແພດລາວ ຄົບຮອບ 56 ປີ ທີ່ໂຮງໝໍ ແຂວງໄຊສົມບູນ
ໂດຍການປະຖະກະຖາ ຂອງ ທ່ານ ດຣ ຢ່າງຮື ຊາວາ ຜູ້ອໍາ ນວຍການໂຮງໝໍ ແຂວງໄຊສົມບູນ ພະແນກສາທາລະນະສຸກສູນກາງ ໄດ້ພ້ອມກັນເຫັນດີກໍານົດ ແນວທາງ ດ້ານສາທາ ລະນະສຸກ ອອກເປັນ 5 ວຽກງານໃຫຍ່ຄື: ເອົາວຽກງານກັນພະຍາດເປັນຕົ້ນຕໍ, ກໍານົດຫຼັກການອານາໄມ ສາມສະອາດຄື: ກິນສະອາດ, ດື່ມສະອາດ ແລະ ຢູ່ສະອາດ
ຮັບເອົາວຽກງານປິ່ນປົວເປັນສໍາຄັນໃນການໝູນໃຫ້ການກັນພະຍາດ, ສົມທົບແພດທັນສະໄໝ ແລະ ແພດ ພຶ້ນເມືອງ, ສົມທົບການປິ່ນປົວດ້ວຍຢາຫຼວງ ແລະ ຢາພຶ້ນເມືອງ ແລະ ຫັນເອົາວຽກງານສາທາລະນະສຸກ ໃຫ້ເປັນຂອງທົ່ວປວງຊົນ…ອ່ານຕໍ່
