ປະຈຳວັນທີ 5 ສິງຫາ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ລັດຖະບານສຸມແກ້ໄຂ 2 ບັນຫາ ດ້ານເສດຖະກິດການເງິນແລະບັນຫາຢາເສບຕິດ
ລັດຖະບານສະເໜີວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດໂດຍຫຍໍ້ຕໍ່ກອງປະຊຸມສະໄໝວິສາມັນເທື່ອທີ 1 ຂອງສະພາແຫ່ງຊາດ ຊຸດທີ IX
ໂດຍມີຈຸດປະສົງເພື່ອສຸມໃສ່ແກ້ໄຂ 2 ບັນຫາດັ່ງກ່າວໃຫ້ຜ່ອນຄາຍລົງຢ່າງຈະແຈ້ງ ດ້ວຍການປັບປຸງນະໂຍບາຍກໍຄືກົນໄກຄຸ້ມຄອງໃນບາງດ້ານທີ່ມີລັກສະນະບຸກທະລຸ ແນໃສ່ສ້າງຄວາມເຂັ້ມແຂງໃນດ້ານເສດຖະກິດ-ການເງິນ ແລະ ຄວາມສະຫງົບໃນສັງຄົມ…ອ່ານຕໍ່
ທະຫານ ລົງກວດກາພື້ນທີ່ຜົນກະທົບໄພນ້ຳຖ້ວມ 3 ຕົວເມືອງ
ອະນຸກຳມະການ ກອງພັນໃຫຍ່ 401 ທີ່ຂຶ້ນກັບກອງພົນທະຫານຮາບທີ 4 ໄດ້ລົງເຄື່ອນໄຫວກວດກາພື້ນທີ່ຖືກຜົນກະທົບຈາກໄພພິນ້ຳຖ້ວມຕາມຂອບເຂດຮັບຜິດຊອບຂອງກົມກອງ
ພື້ນທີ່ຖືກຜົນກະທົບທາງໄພພິບັດນ້ຳຖ້ວມລວມມີ 3 ຕົວເມືອງຄື: ເມືອງໄຊບູລີ ແຂວງສະຫວັນນະເຂດ, ເມືອງເຊບັງໄຟ ແລະ ເມືອງໜອງບົກ ແຂວງຄຳມ່ວນ ໃນ 3 ຕົວເມືອງນີ້ແມ່ນຖືກຜົນກະທົບຈາກນ້ຳປ່າໄຫຼຫຼາກຈາກເຊບັ້ງໄຟທີ່ດັນຍູ້ຈາກແມ່ນ້ຳຂອງເຊີ່ງເຮັດໃຫ້ປະລິມານນ້ຳເພີ່ມຂຶ້ນຢ່າງໄວວາຈົນໄຫຼເຂົ້າຖ້ວມບ້ານເຮືອນປະຊາຊົນ…ອ່ານຕໍ່
ຈັບໄດ້ແລ້ວ! ຄົນລັກຕັດສາຍໄຟຟ້າ ຢູ່ອຸໂມງທາງດ່ວນ
ເຈົ້າໜ້າທີ່ສາມາດກັກຕົວເປົ້າໝາຍໄດ້ 3 ຄົນ ປະຊາຊົນບ້ານຄໍາຮຸ່ງ ເມືອງໄຊທານີ ນະຄອນຫຼວຽງຈັນ ມາທໍາການສຶບສວນ-ສອບສວນ ຍ້ອນການຕັດສາຍໄຟຟ້າ ຢູ່ອຸໂມງທາງດ່ວນ
ຜ່ານການສຶບສວນ-ສອບສວນ ຂອງເຈົ້າໜ້າທີ່ຕໍາຫຼວດວິຊາສະເພາະຄະດີອາຍາ-ເສດຖະກິດ ກອງບັນຊາການ ປກສ ເມືອງໂພນໂຮງ ວ່າ: ທ້າວ ລຳພົງ, ທ້າວ ຕີໃຫຍ່ ແລະ ທ້າວ ອີນທະສອນ ແມ່ນເຈດຕະນາໃນການລັກຊັບ ປະເພດສາຍໄຟຢູ່ອຸມົງທາງດ່ວນຢ່າງແທ້ຈີງ ເຊີ່ງການກະທຳດັ່ງກ່າວນັ້ນໄດ້ສ້າງຄວາມເສຍຫາຍໃຫ້ແກ່ຊັບສີນຂອງລັດ ແລະ ເຮັດໃຫ້ສັງຄົມບໍ່ມີຄວາມລະບຽບຮຽບຮ້ອຍ…ອ່ານຕໍ່
ເມືອງສະໜາມໄຊ ຖືເອົາການຜະລິດກະສິກໍາ ເປັນພື້ນຖານຂອງການສ້າງລາຍຮັບໃຫ້ປະຊາຊົນ
ທ່ານ ຄູນສະໄໝ ວຽງພະຈັນ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງສະໜາມໄຊ ໃຫ້ຮູ້ຕື່ມວ່າ: ການແກ້ໄຂຄວາມທຸກຍາກຜ່ານມາຢູ່ເມືອງ ສະໜາມໄຊ ໄດ້ພົບບັນຫາຫຼາຍຢ່າງທີ່ເປັນສິ່ງທ້າທາຍໂດຍສະເພາະ ປະຊາຊົນຍັງຖືເບົາຕໍ່ການທໍາການຜະລິດ, ຂາດການນໍາໃຊ້ດ້ານເຕັກນິກ
ເມືອງສະໜາມໄຊ ແຂວງອັດຕະປື ຈຶ່ງໄດ້ກໍານົດເອົາວຽກງານກະສິກໍາ ແລະ ປ່າໄມ້ ເປັນບຸລິມະສິດອັນດັບໜຶ່ງ ເຂົ້າການພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ ໃຫ້ນັບມື້ດີຂື້ນເທື່ອລະກ້າວ…ອ່ານຕໍ່
