Wednesday, July 17, 2024
Lenovo

foodpanda ໄດ້ເປີດໂຕ pandamart ຫຼື ຮ້ານສະດວກຊື້ອອນລາຍ ສາຂາທຳອິດຂອງ ປະເທດລາວ

foodpanda ໄດ້ເປີດໂຕ pandamart ຫຼື ຮ້ານສະດວກຊື້ອອນລາຍ ສາຂາທຳອິດຂອງ ປະເທດລາວ ທີ່ນະຄອນຫຼວງວຽງຈັນ ເພື່ອສົ່ງຕໍ່ເຄື່ອງໃຊ້ສອຍ ແລະ ເຄື່ອງໃຊ້ປະຈຳວັນທີ່ຫຼາກຫຼາຍໃຫ້ກັບລູກຄ້າ ຮອດປາຍທາງ ພາຍໃນ 25 ນາທີ.

pandamart ແມ່ນຮ້ານສະດວກຊື້ອອນລາຍ ທີ່ເນັ້ນສະເພາະການບໍລິການສົ່ງຢ່າງດຽວ ເຊິ່ງແຕກຕ່າງຈາກຮ້ານສະດວກຊື້ອື່ນໆ ດ້ວຍເທັກໂນໂລຢີທີ່ທັນສະໄໝ ແລະ ການນໍາໃຊ້ລະບົບທີ່ຊານສະຫຼາດໃນການຄຳນວນສະຖານທີ່ ໄລຍະທາງ ແລະ ເປັນຮ້ານສະດວກຊື້ອອນລາຍທີ່ທາງ foodpanda ບໍລິຫານເຄື່ອງໃນສາງເອງ, ດ້ວຍການຈັດວາງທີ່ເປັນລະບົບລະບຽບ ງ່າຍຕໍ່ກັບການຊອກຫາ ແລະ ຈັດແຈງອໍເດີ້ຂອງລູກຄ້າທີ່ປະຢັດເວລາ ເພື່ອນຳສົ່ງຕໍ່ໃຫ້ກັບລູກຄ້າ ພາຍໃນ 25 ນາທີ. ສິນຄ້າທີ່ວາງຈຳໜ່າຍໃນ pandamart ປະກອບມີ ເຄື່ອງໃຊ້ສອຍພາຍໃນເຮືອນ ແລະ ເຄື່ອງອຸປະໂພກບໍລິໂພກທົ່ວໄປຂອງຍີ່ຫໍ້ດັງທັງພາຍໃນ ແລະ ຕ່າງປະເທດເຊັ່ນ: Unilever, Beerlao, Lays, ບ້ານບ້ານ, ນໍ້າກ້ອນທ້າວໂບ້, ເຄື່ອງໃຊ້ຂອງແມ່ ແລະ ເດັກ ແລະ ອື່ນໆ.

ຈາກການແຜ່ລະບາດຂອງພະຍາດໂຄວິດ-19 ໃນໂລກ ເຮັດໃຫ້ຜູ້ຄົນປ່ຽນແປງພຶດຕິກຳໃນການຈັບຈ່າຍຊື້ອາຫານ, ເຄື່ອງໃຊ້ສອຍ ແລະ ເຄື່ອງໃຊ້ປະຈຳວັນອື່ນໆ, ເຊິ່ງ pandamart ກໍ່ເປັນອີກບໍລິການໜຶ່ງທີ່ foodpanda ສ້າງຂຶ້ນມາເພື່ອຕອບສະໜອງການປ່ຽນແປງໃໝ່ຂອງຜູ້ບໍລິໂພກ ໃຫ້ເຂົ້າເຖີງຄວາມສະດວກສະບາຍ ແລະ ໂຕເລືອກທີ່ຫຼາກຫຼາຍ ໃນການຈັບຈ່າຍຊື້ເຄື່ອງຂອງໃຊ້. 

ເພື່ອເປັນການຕອບສະໜອງຄວາມຕ້ອງການຂອງຜູ້ຊົມໃຊ້ໃນຍຸກທີ່ແຂ່ງກັບເວລາ, foodpanda ໄດ້ລົງທຶນໃນການສ້າງການບໍລິການ q-commerce ຫຼື quick commerce. ນອກຈາກການບໍລິການຫຼັກ ຄືການສົ່ງອາຫານແລ້ວ, foodpanda ຍັງໄດ້ເລັ່ງການຂະຫຍາຍ pandamart ແລະ foodpanda shops ໃນການຮ່ວມມືກັບຮ້ານຄ້າລາຍຍ່ອຍ ເພື່ອເຮັດໃຫ້ຜູ້ຊົມໃຊ້ເຂົ້າເຖີງຄວາມສະດວກສະບາຍ, ໄວ ແລະ ຄວາມຫຼາກຫຼາຍ

‘’ ໃນປີ 2021 ນີ້, ຈະໄດ້ມີການຂະຫຍາຍ ແລະ ເພີ່ມສາຂາຂອງ pandamart ໃຫ້ໄດ້ 4 ຈຸດໃຫ່ຍໆ ເພື່ອຮັບປະກັນວ່າຜູ້ຊົມໃຊ້ໃນເຂດຕ່າງໆຂອງນະຄອນຫຼວງວຽງຈັນສາມາດເຂົ້າເຖີງໄດ້ ແລະ ພາຍໃນປີ 2022  ທາງບໍລິສັດມີແຜນ ຂະຫຍາຍ pandamart ໄປບັນດາແຂວງໃຫ່ຍໆ ທັງໃຫ່ຍ ເພື່ອເປັນການສ້າງຄວາມສະດວກສະບາຍ ແລະ ເພີ່ມຄວາມຫຼາກຫຼາຍໃຫ້ກັບຄົນທ້ອງຖິ່ນໄດ້ເຂົ້າເຖີງທີ່ສຳຄັນ, ແມ່ນເປັນການສ້າງອາຊີບໃຫ້ກັບຄົນທ້ອງຖິ່ນ ‘’, ທ່ານ ທັນຍາລັດ ຈະເລີນສຸກ, ຜູ້ອຳນວຍການບໍລິສັດ ເດລີເວີຣີ ຮີໂຣລາວ ຈຳກັດຜູ້ດຽວ ຫຼື foodpanda ໄດ້ກ່າວໃນງານເປີດໂຕ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.