ໂທລະສັບມືຖື (Smart Phone) ຫຼືຄອມພິວເຕີຕ່າງໆ ມີລະບົບປະຕິບັດການທີ່ຄວບຄຸມການເຮັດວຽກຂອງໂຕເຄື່ອງ ແລະຮູບແບບຂອງການໃຊ້ງານຕ່າງໆ ຫຼາຍຄົນເຄີຍຮູ້ບໍ່ວ່າເປັນຫຍັງຈຶ່ງຕ້ອງມີການອັບເດດໂຕເຄື່ອງ ຫຼືລະບົບປະຕິບັດການ ແລະເປັນຫຍັງເຮົາຈຶ່່ງຕ້ອງອັບເດດ ເຮົາຈະມາຍົກໃຫ້ເຫັນຂໍ້ດີຂອງການອັບເດດລະບົບປະຕິບັດການຕ່າງໆ
ໄດ້ລູກຫຼິ້ນໃຫມ່
ຄົນສ່ວນຫຼາຍມັກລໍຖ້າການອັບເດດທີ່ມາໃຫມ່ ເພາະຈະມີລູກຫຼິ້ນໃຫມ່ໆເຂົ້າມາທີ່ໜ້າສົນໃຈແລະງ່າຍດາຍຕໍ່ການໃຊ້ງານເຂົ້າມາ ແລະຍັງສາມາດເອົາໄປອວດໝູ່ໄດ້ອີກ
ເສີມລະບົບຄວາມປອດໄພ
ການອັບເດດລະບົບປະຕິບັດການ ມັກຈະມາພ້ອມລະບົບການຮັກສາຄວາມປອດໄພ ທີ່ເສີມແລະປັບປຸງປ້ອງກັນ Hacker ຫຼືຜູ້ບໍ່ຫວັງດີໄດ້ທີ່ຈະມາລັກເອົາຂໍ້ມູນຂອງເຮົາ ການອັບເດດຖືວ່າເປັນທາງເລືອກທີ່ດີທີ່ສຸດ ເພື່ອເສີມລະບົບປ້ອງກັນໃຫ້ດີຂຶ້ນ
ອັບເດດແລ້ວມີແນວລົມນຳໝູ່
ບາງກໍລະນີ ຖ້າບໍ່ເປັນລຸ້ນດຽວກັນກໍ່ບໍ່ມີລູກຫຼິ້ນໃຫມ່ໆຄືກັບໝູ່ ເຊິ່ງອາດຈະເຮັດໃຫ້ເຮົບໍ່ສາມາດແບ່ງປັນ ຫຼືອັບເດດເຂໍ້ດີຂໍ້ເສຍຕ່າງໆນຳໝູ່ໄດ້
ເຮັດໃຫ້ເຄື່ອງໄວຂຶ້ນ (ບາງກໍລະນີ)
ເມື່ອມີການອັບເດດບາງກໍລະນີ ສຳລັບ Android ມັກຈະເຮັດໃຫ້ເຄື່ອງນັ້ນໄວຂຶ້ນ ເພາະນັກພັດທະນາອາດຈະໃສ່ລຸກຫຼິ້ນລົງໄປເຊັ່ນ ລົດຄວາມລະອຽດຂອງໜ້າຈໍ ເຊິ່ງຈະເຮັດໃຫ້ການປະມວນຜົນໄວຂຶ້ນ ແລະຍັງຊ່ວຍປະຢັດພະລັງງານອີກດ້ວຍ
ໂທລະສັບບໍ່ຕົກລຸ້ນ
ສຳລັບການອັບເດດ ກໍ່ຖືເປັນຕໍ່ອາຍຸການໃຊ້ງານແລະສາມາດໃຊ້ໄດ້ຕໍ່ໄປ ໂດຍທີ່ເຮົາບໍ່ຕ້ອງມາຊື້ເຄື່ອງໃຫມ່ ເພາະການອັບເດດລະບົບປະຕິບັດການໃຫ້ທີ່ມາໃຫມ່ລ້າສຸດ ກໍ່ເຮັດໃຫ້ໂທລະສັບມືຖືທັນສະໄໝຢູ່ແລ້ວ
ຫຼາຍຄົນຄົງຈະເຫັນຈຸດດີຂອງການອັບເດດລະບົບປະຕິບັດການແລ້ວ ເຊິ່ງບໍ່ແມ່ນວ່າທຸກເຄື່ອງຈະສາມາດອັບເດດໄດ້ ຕ້ອງມີການແຈ້ງເຕືອນຈາກລະບົບ ຫຼືເຮົາສາມາດກວດສອບເບິ່ງວ່າລະບົບປະຕິການໃນໂທລະສັບ ຫຼື ຄອມພິວເຕີທີ່ເຮົາໃຊ້ນັ້ນ ສາມາດອັບເດດໄດ້ເຖິງລະດັບໃດ