ສາເຫດຫຼັກ ແລະ ວິທີປ້ອງກັນ ແບັດໂທລະສັບເສື່ອມ

ຫຼາຍຄົນໜ້າຈະເຄີຍເຮັດໃຫ້ແບັດໂທລະສັບເສື່ອມໂດຍທີ່ບໍ່ຮູ້ໂຕມາກ່ອນ ເຊິ່ງການເຮັດໃຫ້ເເບັດເສື່ອມກໍ່ມີຫຼາຍສາເຫດ ເຊິ່ງເຮົາຈະຍົກໃຫ້ເຫັນເຖິງສາເຫດຫຼັກໆດັ່ງນີ້

ສາເຫດຫຼັກ

  1. ໃຊ້ແບັດຈົນໝົດ: ຖ້າຫາກປ່ອຍໃຫ້ໃຊ້ງານຈົນແບັດໝົດ 0% ຫຼາຍໆຄັ້ງ ຍິ່ງຈະເຮັດໃຫ້ແບັດເສື່ອມໄດ້ໄວ ແລະຈະມີຄວາມຈຸຂອງແບັດເຕີລີໜ້ອຍລົງອິກດ້ວຍ
  2. ໃຊ້ງານຈົນເຄື່ອງຮ້ອນເກີນໄປ: ແນ່ນອນວ່າຖ້າໃຊ້ງານເລື້ອຍໆເຄື່ອງຕ້ອງຮ້ອນຢູ່ແລ້ວ ເຊັ່ນການຫຼິ້ນເກມໜັກໆຕໍ່ເນື່ອງເປັນເວລາຫຼາຍຊົ່ວໂມງ, ເປີດຄວາມສະຫວ່າງໜ້າຈໍສູງສຸດຕິດຕໍ່ກັນດົນຫຼາຍຊົ່ວໂມງ ຫຼືຈະໃຊ້ງານໃນຂະນະທີ່ກຳລັງສາກແບັດຢູ່, ນັ້ນເປັນສິ່ງທີ່ບໍ່ຄວນເຮັດ ເພາະຈະເຮັດໃຫ້ແບັດຄ່ອຍໆເສື່ອມລົງ
  3. ໃຊ້ສາຍສາກປອມ: ປັດຈຸບັນ ມີສາຍສາກປອມວາງຂາຍຫຼາຍຈົນແຍກບໍ່ອອກ ບໍ່ວ່າຢູ່ໃສກໍ່ມີຂາຍ ເຊິ່ງມັນຈະເຮັດໃຫ້ໂທລະສັບເພໄດ້, ສາເຫດຍ້ອນໃນສາຍສາກຂອງແທ້ມີລະບົບໄຟຟ້າທີ່ເປັນພື້ນຖານການຄວບຄຸມໄຟດີກວ່າ ແລະໄດ້ມາດຕະຖານ ເຊິ່ງຖ້າເຮົາໄປຊື້ຂອງປອມໃຊ້ກໍ່ຈະເກີດຄວາມຮ້ອນສະສົມເກີນມາດຕະຖານ ຫຼືອາດລະເບີດໄດ້

ວິທີປ້ອງກັນ

ເມື່ອເຮົາຮຸ້ສາເຫດແລ້ວກໍ່ໃຊ້ວິທີກົງກັນຂ້າມເພື່ອເປັນວິທີປ້ອງກັນເລີຍ

  1. ບໍ່ຄວນໃຊ້ງານຈົນແບັດໝົດ: ແນະນຳໃຫ້ສາກຕອນຍັງເຫຼືອ 30% ຖ້າບໍ່ໄດ້ແທ້ໆກໍ່ຄວນຈະສາກຕາມມາດຕະຖານທີ່ໂທລະສັບເຕືອນວ່າແບັດໜ້ອຍ
  2. ບໍ່ໃຊ້ງານໂທລະສັບຈົນຮ້ອນ: ຖ້າໂທລະສັບອຸນຫະພູມສູງເກີນໄປ ໃຫ້ພັກການໃຊ້ງານເຄື່ອງ ຫຼື ລົດແສງສະຫວ່າງໜ້າຈໍລົງ ແລ້ວຈຶ່ງມາໃຊ້ງານຕອນມັນເຢັນລົງ
  3. ໃຊ້ສາຍສາກທີ່ໄດ້ມາດຕະຖານ: ໃຫ້ເລືອກໃຊ້ສາຍສາກຂອງແທ້ທີ່ເຊື່ອຖືໄດ້ ຫຼືສາຍສາກທີ່ມານຳເຄື່ອງ

ທັງສາເຫດ ແລະ ວິທີປ້ອງກັນ ລອງໄປເຮັດຕາມວິທີນີ້ເບິ່ງອາດຈະຊ່ວຍໃຫ້ຕໍ່ເວລາການໃຊ້ງານໂທລະສັບຂອງທ່ານໄດ້ອີກດົນ

More from author

Related posts

Latest posts

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...

ປະຫວັດຄວາມເປັນມາຂອງ “ບຸນຊ່ວງເຮືອ” ປະເພນີລາວ.

ບຸນຊ່ວງເຮືອ ແມ່ນບຸນປະເພນີ ທີ່ໄດ້ປະຕິບັດສືບທອດກັນມາ ແຕ່ບູຮານນະການຈົນເຖິງທຸກວັນນີ້ ແລະ ເປັນກິດຈະກຳແຂ່ງຂັນກັນທາງນໍ້າທີ່ສອດຄ່ອງກັບວິຖີຊີວິດ, ຄວາມເປັນຢູ່ຂອງຄົນລາວ ແລະ ມັກມີການແຂ່ງຂັນເຮືອຄວບຄູ່ໄປກັບການເຮັດບຸນຊ່ວຍສ້າງບັນຍາກາດ ເຮັດໃຫ້ພາຍໃນງານບຸນມີຄວາມຄຶກຄື້ນມ່ວນຊື່ນຍິ່ງຂຶ້ນ.