ໃນການໃຊ້ງານສ່ວນໃຫຍ່ ຜູ້ຄົນມັກແຊັດເປັນຂໍ້ຄວາມຫຼາຍກວ່າການເວົ້າລົມກັນ ເຊິ່ງ WhatsApp ໄດ້ເຊື່ອງລູກຫລິ້ນໄວ້ລັບໆ ທີ່ທຸກຄົນອາດບໍ່ຮູ້ ມັນຈະແມ່ນຫຍັງໄປເບິ່ງເລີຍ
ການປ່ຽນຮູບແບບຂອງຕົວອັກສອນ
ເປັນຮູບແບບຂໍ້ຄວາມລຸ້ນທຳອິດທີ່ຖືກນຳໃຊ້ໃນ Windows ປີ 1995 ເຊິ່ງໃນການປ່ຽນຮູບແບບອັກສອນ WhatsApp ບໍ່ໄດ້ແຈ້ງໃຫ້ຮູ້ເຖິງວິທີໃຊ້ ແຕ່ເຮົາຈະມາແນະນຳວິທີໃຊ້ໃຫ້ກັບທຸກຄົນ
ໃນການປ່ຽນຕົວອັກສອນໃຫ້ເພີ່ມຕົວອັກສອນ ( “` ) grave accent ໃສ່ທາງໜ້າ ແລະທາງຫຼັງຂອງປະໂຫຍກທີ່ຈະປ່ຽນຮູບແບບ
ການຈັດຮູບແບບຂໍ້ຄວາມ
ການຈັດຮູບແບບຂໍ້ຄວາມໃຫ້ເປັນໂຕໜັງສືໜາ, ໂຕໜັງສຶອ່ຽງ ຫຼືການຂີດຂ້າໂຕໜັງສື ກໍ່ເປັນເຄັດລັບທີ່ເຊື່ອງຢູ່ແຕ່ຫຼາຍຄົນບໍ່ຮູ້ ໄປເບິ່ງວິທີການພິມກັນເລີຍ
ໂຕໜັງສືໜາ: ຕ້ອງພິມເພີ່ມ ( * ) ທີ່ທາງໜ້າ ແລະທາງທ້າຍຂອງປະໂຫຍກ
ໂຕໜັງສືອ່ຽງ: ຕ້ອງພິມເພີ່ມ ( _ ) ທີ່ທາງໜ້າ ແລະທາງທ້າຍຂອງປະໂຫຍກ
ຂີດຂ້າໂຕໜັງສື: ຕ້ອງພິມເພີ່ມ ( ~ ) ທີ່ທາງໜ້າ ແລະທາງທ້າຍຂອງປະໂຫຍກ
ເນື່ອງຈາກວິທີເຫຼົ່ານີ້ຄົນສ່ວນຫຼາຍບໍ່ຮູ້ຈັກ ລອງນຳໄປໃຊ້ໃນການສົ່ງຂໍ້ຄວາມຄວາມເບິ່ງ ເພື່ອເຮັດໃຫ້ເຮົາຍົກລະດັບໃນການໃຊ້ງານ WhatsApp ໄປອີກລະດັບໜຶ່ງ