ຮູ້ບໍ່ວ່າ ການທີ່ເຮັດໃຫ້ຄອມຊ້າ ຄອມຄ້າງ ແທ້ຈິງແລ້ວສ່ວນໜຶ່ງກໍ່ເກີດຈາກພຶດຕິກຳການນຳໃຊ້ຂອງເຮົານັ້ນເອງ ເຊິ່ງເຮົາອາດຈະບໍ່ຮູ້ໂຕ ແຕ່ຫາກວ່າຢາກປັບປຸງ ຫຼືໃຫ້ໄວຂຶ້ນເຮັດຕາມວິທີນີ້ເລີຍ
1. ຢ່າເປີດ Tap ໄວ້ຫຼາຍໜ້າເກີນໄປ
ຫຼາຍຄົນມັກຈະເປີດໜ້າເວັບໄວ້ຫຼາຍໆໜ້າ ເພື່ອຫາງານ ເບິ່ງໄອເດຍຕ່າງໆ ຫຼືຄຳຄົ້ນຫາທີ່ໜ້າສົນໃຈ, ແຕ່ວ່າການເປີດໄວ້ຫຼາຍໜ້າແບບນັ້ນມັນຈະກິນພື້ນທີ່ເຮັດວຽກຂອງຄອມພິວເຕີເຮົາ ຈົນເຮັດໃຫ້ຄອມຊ້າໄດ້ ຖ້າໃຊ້ງານແລ້ວກໍ່ລອງປິດໜ້າເບິ່ງແນ່ ເພື່ອໃຫ້ຄອມໄວຂຶ້ນ
2. ບໍ່ລົງສ່ວນຂະຫຍາຍໃນ Chrome ຫຼາຍເກີນຄວາມຈຳເປັນ
ສ່ວນຂະຫຍາຍໃດທີ່ວ່າດີກໍ່ຈະມັກໂຫລດມາເກັບໄວ້ ແຕ່ເວລາຜ່ານໄປກໍ່ບໍ່ໄດ້ໃຊ້ງານ, ຮູ້ບໍ່ວ່າ ສ່ວນຂະຫຍາຍ (Extenstion) ເຫຼົ່ານີ້ ຖ້າເຮົາເປີດໄວ້ໂດຍບໍ່ຮູ້ໂຕ ກໍ່ຈະເຮັດໃຫ້ຄອມຊ້າ ລອງລຶບສ່ວນທີ່ເຮົາບໍ່ໃຊ້ລອງເບິ່ງ ແລ້ວເກັບໄວ້ແຕ່ສິ່ງທີ່ເຮົາໃຊ້ເປັນປະຈຳ
3. ຍ້າຍຂໍ້ມູນໄປເກັບໄວ່ບ່ອນອື່ນ
ຢ່າໃສ່ຂໍ້ມູນໃນຊ່ອງ C: ຈົນເຕັມ ເພາະຈະເຮັດໃຫ້ຄອມປະມວນຂໍ້ມູນຊ້າ, ລອງຍ້າຍໄປໃສ່ໃນ Drive ຫຼື Cloud ເກັບໄວ້ສະເພາະທີ່ໂຕຈຳເປັນ ກໍ່ສາມາດຊ່ວຍໄດ້
4. ຢ່າເປີດໂປຣແກຣມພ້ອມກັນຫຼາຍອັນ
ໃຜມັກເອົາຄອມໄປໃຊ້ເຮັດວຽກຫຼາຍຢ່າງພ້ອມກັນເຊັ່ນ: ເປີດບາວເຊີ້, ເບິ່ງໜັງ, ຫລິ້ນເກມ ຫຼືເຮັດວຽກໄປພ້ອມ ສິ່ງເຫຼົ່ານີ້ລ້ວນແຕ່ພື້ນທີ່ໃນການເຮັດວຽກຂອງເຄື່ອງຄອມເຮົາ ຖ້າຫາກສະເປັກຄອມແຮງຮັບໄດ້ກໍ່ບໍ່ເປັນຫຍັງ ແຕ່ວ່າຖ້າສະເປັກເຮົາຕໍ່າ ມັນກໍ່ຈະເຮັດໃຫ້ຄອມເຮົາຊ້າໄດ້
5. ຢ່າເກັບຂີ້ເຫຍື້ອໄວ້ຈົນເຕັມ
File ທີ່ເຮົາລຶບລົງຖັງຂີ້ເຫຍື້ອໄປແລ້ວກໍ່ບໍ່ສາມາດເກີດປະໂຫຍດໄດ້ ບາງເທື່ອກໍ່ອາດຈະເກີດໂທດຊໍ້າ, ລອງລຶບ File ທີ່ເຮົາບໍ່ໃຊ້ແລ້ວ ແລະຈັດລຽງໃຫ້ເປັນລະບຽບ ເພື່ອທີ່ຈະຊ່ວຍໃຫ້ຄອມພິວເຕີບໍ່ຄ້າງ
6. ຄວນເປີດ FireWall ຢູ່ຕະຫຼອດ
ໄວຣັດເປັນບັນຫາຫຼັກໆທີ່ເຮັດໃຫ້ຄອມເຮົາຄ້າງໄດ້ ບາງເທື່ອເຮົາກໍ່ບໍ່ຮູ້ໂຕວ່າໄວຣັດມາແຕ່ໄສ ຢູ່ດີໆກໍ່ມາປ່ວນຄອມເຮົາ, ສະນັ້ນແລ້ວເຮົາຄວນເປີດການປ້ອງກັນໄວຣັດໄວ້ຢູ່ຕະຫຼອດ ເພື່ອປ້ອງກັນບໍ່ໃຫ້ເຮົານຳໄວຣັດເຂົ້າມາ ແຕ່ຖ້າມີມັນກໍ່ຈະແຈ້ງເຕືອນໃຫ້ເຮົາຮູ້ວ່າໂຕໃດແມ່ນໄວຣັດ ຈຶ່ງຈັດການໄດ້ທັນເວລາ
6 ສິ່ງເຫຼົ່ານີ້ອາດຈະເປັນປະໂຫຍດບໍ່ໜ້ອຍກໍ່ຫຼາຍ ສາມາດລອງເຮັດຕາມວິທີທີ່ເຮົາແນະນຳໄດ້ເລີຍ ຄອມຂອງເຈົ້າອາດຈະໄວຂຶ້ນກ່ອນທີ່ຜ່ານມາ