ຂ່າວເດັ່ນ ສຳນັກຂ່າວມີເດຍລາວ

ປະຈຳວັນທີ 9 ຕຸລາ 2021 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:

ພະແນກກະສິກໍາ ແລະ ປ່າໄມ້ແຂວງລົງກວດກາ ໂຄງການຟື້ນຟູລະບົບຊົນລະປະທານ ເມືອງຫຼວງນໍ້າທາ

ໂຄງການຊົນລະປະທານນໍ້າທາ 3 ຕັ້ງຢູ່ເມືອງຫຼວງນໍ້າທາ ແຂວງຫຼວງນໍ້າທາ ຫ່າງຈາກເທດສະບານແຂວງໄປທາງທິດຕາເວັນອອກປະມານ 3 ກິໂລແມັດ ໂຄງການດັ່ງກ່າວປະກອບດ້ວຍ 3 ຫົວງານຍ່ອຍຄື: ຫົວງານນໍ້າທາ 3 ,ຫົວງານນໍ້າດີ 1 ແລະ ຫົວງານນໍ້າດີ 2 ທັງ 3 ຫົວງານມີເນື້ອທີ່ທັງໝົດ 859 ເຮັກຕາ ເປັນນາເຟືອງ

ມີບ້ານທີ່ໄດ້ຮັບຜົນປະໂຫຍດທັງໝົດມີ 11 ບ້ານຄື: ບ້ານ ທົ່ງໄຈ້ໃຕ້,ບ້ານ ທົ່ງໄຈ້ເໜືອ,ບ້ານ ປ່າປົວະ,ບ້ານ ທົ່ງດີ,ບ້ານ ນໍ້າທຸງ,ບ້ານ ປຸ່ງ, ບ້ານ ດອນສໍາພັນ, ບ້ານ ຫົວຂົວ, ບ້ານ ທົ່ງອົ້ມ, ບ້ານ ວຽງໃຕ້ ແລະ ບ້ານ ວຽງເໜືອ…ອ່ານຕໍ່

ສາລະວັນ ທາບທາມຮ່າງກົດໝາຍ ຈຳນວນ 4 ສະບັບ

ສະພາປະຊາຊົນແຂວງ ໄດ້ຈັດກອງປະຊຸມທາງໄກ ຜ່ານລະບົບ Video conferenceເພື່ອທາບທາມຮ່າງກົດໝາຍຈໍານວນ 4 ສະບັບ, ໂດຍການເປັນປະທານຂອງ ທ່ານ ນາງ ສຸນໄຖ ໄຊຍະແສງ ຮອງປະທານສະພາປະຊາຊົນແຂວງ

ຮ່າງກົດໝາຍ 4 ສະບັບ, ເຊີ່ງແມ່ນມະຕິຂອງຄະນະປະຈໍາສະພາແຫ່ງຊາດ ເປັນຕົ້ນ: ມະຕິວ່າດ້ວຍການປະເມີນ ການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງທີ່ສະພາແຫ່ງຊາດເລືອກຕັ້ງ ແລະຮັບຮອງເອົາການແຕ່ງຕັ້ງ (ສະບັບປັບປຸງ) ມີ 6 ໝວດ ແລະ 18 ມາດຕາ, ຮ່າງມະຕິວ່າດ້ວຍການປະເມີນຕໍ່ຄວາມຮັບຜິດຊອບຂອງບຸກຄະລາກອນທີ່ລາຍງານ, ຊີ້ແຈງ ແລະຕອບຄຳຊັກຖາມໃນກອງປະຊຸມສະພາແຫ່ງຊາດ( ສະບັບປັບປຸງ) 5 ໝວດ, 16 ມາດຕາ…ອ່ານຕໍ່

ຄຳມ່ວນ ເຂົ້າມາຮັບການບໍລິການສັກວັກຊິນທັງໝົດຈຳນວນ 310.740 ໂດສ

ທ່ານ ປອ. ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດພະຍາດໂຄວິດ-19 ຂັ້ນແຂວງ ໄດ້ລົງຕິດຕາມການສັກວັກຊິນ ຢູ່ບັນດາຈຸດຕ່າງໆໃນເຂດເທສະບານແຂວງ

ປະຈຸບັນແຂວງຄຳມ່ວນ ໄດ້ຮັບວັກຊິນ ທັງໝົດຈຳນວນ 310.740 ໂດສ. ໃນນັ້ນວັກຊິນປະເພດ ຊີໂນຟາມ 167.400 ໂດສ, ອັດຕາເຊນີກາ 75.120 ໂດສ ແລະ ຈອນສັນ ແອນ ຈອນສັນ 68.200 ໂດສ ເຊິ່ງໄດ້ບໍລິການສັກວັກຊິນໃຫ້ແກ່ປະຊາຊົນໄດ້ແລ້ວໃນ ເຂັມທີ 01 ຈຳນວນ 183.019 ຄົນ ເທົ່າກັບ 41,6%…ອ່ານຕໍ່

ອົງການປົກຄອງແຂວງຈໍາປາສັກ ມອບເຄື່ອງອຸປະໂພກ-ບໍລິໂພກໃຫ້ແກ່ເຈົ້າໜ້າທີ່ 3 ດ່ານຈຸດກວດກາ

ອົງການປົກຄອງແຂວງຈໍາປາສັກຮ່ວມກັບການນຳຂອງສອງເມືອງມອບ ເຄື່ອງອຸປະໂພກ-ບໍລິໂພກໃຫ້ແກ່ເຈົ້າໜ້າທີ່3ດ່ານຈຸດກວດກາເຂົ້າອອກລະຫວ່າງເມືອງຕໍ່ເມືອງແລະບ້ານຕໍ່ບ້ານ ຄື : ຈຸດດ່ານກວດກາເຂົ້າອອກລະຫວ່າງເມືອງບາຈຽງຈະເລີນສຸກກັບເມືອງປະທຸມພອນ(ຫຼັກ14 ໃຕ້), ດ່ານກວດກາເຂົ້າອອກບ້ານຕໍ່ບ້ານ(ຫຼັກ10)ບ້ານລົ່ມສັກເໜືອ,ຈຸດດ່ານກວດກາເຂົ້າອອກເມືອງບາຈຽງຈະເລີນສຸກກັບເມືອງປາກຊ່ອງ (ຫຼັກ10ໜອງນໍ້າຂາວ)

ສໍາລັບເຄື່ອງທີ່ນໍາມາມອບຄັ້ງນີ້ມີ ນໍ້າດື່ມ,ໝີໄວໆ,ໄຂ່ໄກ່,ຜ້າອັດປາກ,ເຈວລ້າງມືແລະອື່ນໆເພື່ອສ້າງຂັວນກຳລັງໃຈຕໍ່ກັບອ້າຍນ້ອງກຳລັງປ້ອງກັນຊາດ-ປ້ອງກັນຄວາມສະຫງົບສືບຕໍ່ຈັດຕັ້ງປະຕິບັດໃນການປ້ອງກັນ…ອ່ານຕໍ່

ການເກັບກ່ຽວເຂົ້ານາປີຂອງຊາວນາເມືອງອາດສະພອນ ແຂວງສະຫວັນນະເຂດ

ປະຈຸບັນປະຊາຊົນບ້ານຕ່າງໆໃນທົ່ວເມືອງ ແມ່ນໄດ້ເລີ່ມລົງມືເກັບກ່ຽວເຂົ້ານາດໍ ມາແຕ່ທ້າຍເດືອນກັນຍາ ເປັນຕົ້ນມາ ແລະ ຮອດປະຈຸບັນສາມາດເກັບກ່ຽວເຂົ້ານາປີ ໄດ້ແລ້ວ 1.855 ເຮັກຕາ, ເທົ່າກັບ 9,83% ຂອງເນື້ອທີ່ປູກເຂົ້ານາປີທັງໝົດ 18.300 ເຮັກຕາໃນນັ້ນມີເນື້ອທີ່ເຂົ້ານາດໍທັງໝົດແມ່ນ 2.600 ເຮັກຕາ, ສາມາດເກັບກ່ຽວສຳເລັດແລ້ວເທົ່າກັບ 71,34% ແລະ ສາມາດເກັບກູ້ພືດລະດູຝົນໄດ້ແລ້ວ 1.452 ກ່ວາເຮັກຕາ

ໃນເນື້ອທີ່ປູກພືດລະດູຝົນທັງໝົດ 2.640 ເຮັກຕາ, ເທົ່າກັບ 55,01%ຂອງເເນື້ອທີ່, ພືດທີ່ປູກໃນລະດູຝົນມີ: ສາລີ 104,60 ເຮັກຕາ, ໝາກເຜັດ 99,84 ເຮັກຕາ, ໝາກເຫຼັ່ນ 80,40 ເຮັກຕາ, ໝາກແຕງ 95,83 ເຮັກຕາ, ໝາກບວບ 80,75 ເຮັກຕາ, ຜັກຕ່າງໆ 99,40 ເຮກຕາ, ໝາກໂມ 103,50 ເຮັກຕາ…ອ່ານຕໍ່

5 ບັນຫາໃຫ່ຍ 5 ສາເຫດ ຈຳເປັນຕ້ອງແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແຂວງບໍ່ແກ້ວ

 ແຂວງບໍ່ແກ້ວ ໄດ້ປະເຊີນໜ້າກັບສິ່ງທົດສອບທ້າທາຍຫຼາຍດ້ານ ເຊິ່ງໄດ້ຮັບຜົນກະທົບໂດຍທາງກົງ ແລະ ທາງອ້ອມຈາກສະພາບແວດລ້ອມທັງພາຍໃນ ແລະ ພາຍນອກເປັນຕົ້ນແມ່ນ ພື້ນຖານທາງດ້ານເສດຖະກິດ-ການຜະລິດຍັງບໍ່ທັນເຂັ້ມແຂງ ແລະ ຂາດສະພາບຄ່ອງຕົວດ້ານແຫຼ່ງທຶນ

ຄວາມຫຍຸ້ງຍາກດ້ານເສດຖະກິດ-ການເງິນ ສາມາດສະຫຼຸບອອກເປັນ 5 ບັນຫາໃຫ່ຍ ດັ່ງນີ້: ບັນຫາພື້ນຖານເສດຖະກິດບໍ່ເຂັ້ມແຂງ, ເພີ່ງພາຈາກພາຍນອກເປັນສ່ວນໃຫ່ຍ ເຊິ່ງບໍ່ສາມາດສ້າງຖານສະສົມທຶນຮອນພາຍໃນຢ່າງພຽງພໍ-ໝັ້ນຄົງ…ອ່ານຕໍ່

ກະຊວງສຶກສາທິການ ແລະ ກິລາ ເປີດຕົວຖານການການຮຽນ-ການສອນແບບດິຈີຕອນ

ກະຊວງສຶກສາທິການ ແລະ ກິລາ ໄດ້ເປີດຕົວແພລັດຟອມ ການຮຽນ-ການສອນແບບດິຈີຕອນ “ຄັງປັນຍາລາວ” ​ຢ່າງເປັນທາງການ, ເຊິ່ງເປັນແພລັດຟອມ ການຮຽນ-ການສອນແບບດິຈີຕອນອັນທຳອິດຂອງ ສປປ ລາວ, ແພລັດຟອມ ດັ່ງກ່າວໄດ້ຮັບການ​ພັດທະນາຂຶ້ນເພື່ອອຳນວຍຄວາມສະດວກໃຫ້ແກ່ບັນດານັກຮຽນ ແລະ ຄູອາຈານໃນການຮຽນເເລະ ການສອນແບບທາງໄກ​ເພື່ອຮັບປະກັນຄວາມຕໍ່ເນື່ອງຂອງການຮຽນໃນໄລຍະການເເຜ່ລະບາດຂອງພະຍາດ ໂຄວິດ-19 ແລະ ກໍລະນີສຸກເສີນອື່ນໆ

ຄັງປັນຍາລາວ ປະກອບມີສື່ການຮຽນການສອນສໍາລັບຊັ້ນ ປະຖົມສຶກສາປີທີ 1 ເຖີງ ຊັ້ນມັດທະຍົມສຶກສາ ປີທີ 7 ເເລະ ສື່ການຮຽນ-ການສອນການສຶກສາກ່ອນໄວຮຽນ, ພ້ອມທັງບັນດາແຫຼ່ງຂໍ້ມູນກ່ຽວກັບການຮັກສາຄວມປອດໄພຈາກພະຍາດ ໂຄວິດ-19 ເເລະ ຄວາມປອດໄພທາງອອນລາຍ…ອ່ານຕໍ່