ການນອນໃຫ້ພຽງພໍເປັນເລື່ອງທີ່ຈໍາເປັນຫຼາຍ ແລະດີຕໍ່ສຸຂະພາບ ແຕ່ຫຼາຍຄົນຍັງມັກນອນເດີກ ອາດຈະຍ້ອນເຮັດວຽກ ຫຼື ຫຼີ່ນໂທລະສັບ ເຊິ່ງການນອນເດີກຈະສົ່ງຜົນເສຍຕໍ່ຮ່າງກາຍເຮົາມີດັ່ງນີ້
1 ສ່ຽງຕໍ່ການເປັນໂລກຫົວໃຈ
ການນອນພັກຜ່ອນບໍ່ພຽງພໍ ຈະເຮັດໃຫ້ລະບົບຫົວໃຈເຮັດວຽກໜັກຂື້ນ ແລະ ບໍ່ໄດ້ຮັບການພັກຜ່ອນຢ່າງພຽງພໍ ຈື່ງເຮັດໃຫ້ມີຄວາມສ່ຽງຕໍ່ການເປັນໂລກຫົວໃຈ
2 ລະບົບພູມຄຸ້ມກັນຕໍ່າລົງ
ຍິ່ງພັກຜ່ອນບໍ່ພຽງພໍ ກໍຍິ່ງເຮັດໃຫ້ພູມຄຸ້ມກັນຕໍ່າລົງ ສ່ຽງຕໍ່ການເປັນຫວັດໄດ້ງ່າຍ ແລະ ຍັງມີຄວາມສ່ຽງຕໍ່ການເປັນໂລກມະເຮັງ ຄວາມດັນອີກດ້ວຍ
3 ສາຍຕາບໍ່ຄ່ອຍດີ
ການນອນເດີກເລື້ອຍໆ ຈະເຮັດໃຫ້ສາຍຕາມົວ ເຮັດໃຫ້ເບິ່ງບໍ່ຄ່ອຍເຫັນພາບຕ່າງໆ
4 ສື່ສານບໍ່ຮູ້ເລື່ອງ
ເພາະການນອນເດີກ ເຮັດໃຫ້ສະໝອງບໍ່ໄດ້ພັກຜ່ອນຢ່າງພຽງພໍ ຈື່ງເຮັດໃຫ້ລະບົບການເຮັດວຽກຂອງປະສາດເຮັດວຽກໄດ້ຊ້າລົງກ່ອນເກົ່າ
5 ເຮັດໃຫ້ໜ້າໂຊມ ແລະ ຜິວແຫ້ງ
ການນອນບໍ່ພຽງພໍເຮັດໃຫ້ການເຮັດວຽກຂອງຮໍໂມນຕ່າງໆໃນຮ່າງກາຍບໍ່ມີເວລາໃນການຟື້ນຟູສະພາບຜິວ ຍີ່ງນອນເດີກເທົ່າໃດຜິວຍີ່ງຫ້ຽວເເຫ້ງ ແລະ ຜິວໜ້າໂຊມ
6ຕັດສິນໃຈໄດ້ຊ້າລົງ
ເພາະລະບົບປະສາດບໍ່ໄດ້ຮັບການພັກຜ່ອນຢ່າງພຽງພໍ ເຮັດໃຫ້ເຮົາບໍ່ທີສະມາທິ ບໍ່ສາມາດຕັດສິນໃຈໄດ້ ແລະ ຕັດສິນໃຈໄດ້ຊ້າລົງ ບາງຄັ້ງອາດຈະຕັດສິນໃຈຜິດພາດໄປໄດ້
7 ຂຸມຕາດໍາ
ການນອນເດີກເປັນປະຈໍາເຮັດໃຫ້ຂຸມຕາດໍາໄດ້ງ່າຍຂື້ນ
8 ສິວຂື້ນງ່າຍ
ການພັກຜ່ອນບໍ່ພຽງພໍຈາກການນອນເດີກ ເຮັດໃຫ້ຮ່າງກາຍບໍ່ສາມາດໝຸນວຽນຮໍໂມນຕ່າງໆໃນຮ່າງກາຍໄດ້ດີ ເຮັດໃຫ້ສິວເກີດຂື້ນໄດ້ງ່າຍ
9 ນໍາໜັກເພີ່ມຂື້ນ
ການນອນເດີກ ເຮັດໃຫ້ລະບົບເຜົາຜານ ແລະ ການເຮັດວຽກຂອງກະເພາະອາຫານ ບໍ່ສາມາດເຮັດວຽກໄດ້ປົກກະຕິອາດຈະເຮັດໃຫ້ອ້ວນໄດ້ງ່າຍ
10 ອາລົມບໍ່ປົກກະຕິ
ການພັກຜ່ອນບໍ່ພຽງພໍ ເຮັດໃຫ້ຮໍໂມນ ແລະ ລະບົບການເຮັດວຽກຂອງສະໝອງບໍ່ສາມາດຟື້ນໂຕໄດ້ຢ່າງເຕັມທີ່ ຈື່ງເປັນສາເຫດທີ່ເຮັດໃຫ້ເກີດມີອາລົມຄຽດ ເເລະ ອາລົມບໍ່ຄ່ອຍປົກກະຕິ
ເມື່ອຮູ້ຂໍ້ເສຍຂອງການນອນເດີກເເລ້ວ ໃຜທີ່ບໍ່ຢາກມີບັນຫາໃນເລື່ອງຂອງສຸຂະພາບ ກໍຄວນທີ່ຈະນອນພັກຜ່ອນໃຫ້ພຽງພໍ ເພື່ອສຸຂະພາບທີ່ດີຂອງເຮົາເອງ
Hits: 2
