ຖືວ່າເປັນຂ່າວດີ ປະເທດລາວໄດ້ຮັບສິດຜະລິດ ແລະ ຈໍາໜ່າຍຢ່າປິ່ນປົວພະຍາດ ໂຄວິດ-19 Molacovir (ໂມລາໂກເວຍ) ຜະລິດໂດຍບໍລິສັດ ລັດວິສາຫະກິດ ໂຮງງານຜະລິດຢາເລກ 3 ໂດຍຄະນະກໍາມະການອາຫານ ແລະ ຢາ ຂອງ ສະຫະລັດອາເມລິກາ (FAD/Food & Drugs Administration) ໄດ້ອະນຸຍາດໃຫ້ນໍາໃຊ້ຢາ ໂມນນູພິຣາເວຍ ເປັນກໍລະນີສຸກເສີນ ເພື່ອໃຊ້ເປັນຢາຕ້ານໄວຣັສໃນກໍລະນີຕິດເຊື້ອພະຍາດ ໂຄວິດ-19 ທີ່ມີອາການບໍ່ຮ້າຍເເຮງ ໂດຍເລີ່ມຈໍາໜ່າຍມາເເຕ່ວັນທີ 29 ທັນວາ 2021.
ສໍາລັບເງື່ອນໄຂໃນການຮັບຢາມີດັ່ງນີ້
- ຫ້າມໃຊ້ກັບເດັກນ້ອຍ ຫຼື ໄວລຸ້ນທີ່ມີອາຍຸຕໍ່າກວ່າ 18 ປີ
- ຫ້າມນໍາໃຊ້ກັບແມ່ຍີງທີ່ຖືພາ ຫຼື ກໍາລັງລ້ຽງລູກດ້ວຍນົມແມ່
- ຫ້າມໃຊ້ກັບຜູ້ທີ່ເເພ້ຕໍ່ຢານີ້
- ຄວນປືກສາທ່ານໝໍກ່ອນໃຊ້ຢາ
ວິທີການນໍາໃຊ້ຢາ
- ກິນຢານີ້ທັນທີທີ່ຮູ້ວ່າຕິດເຊື້ອ
- ກິນເທື່ອລະ 4 ເມັດ 2 ເທື່ອຕໍ່ມື້
- ຄວນກິນຫ່າງກັນ 12 ຊົ່ວໂມງ
- ກິນຕໍ່ກັນເປັນເວລາ 5 ວັນ
ຜົນຂ້າງຄຽງຫຼັງໄດ້ຮັບຢາ
- ຖອກທ້ອງ
- ປວກຮາກ
- ວິນຫົວ
- ເຈັບຫົວ
- ມີຜື່ນຂື້ນຕາມຜິວໜັງ
ປະຈຸບັນ ຢາໂມລາໂກເວຍ ມີຈັດຈໍາໜ່າຍເເລ້ວ ສໍາລັບໃຜທີ່ຕ້ອງການສາມາດຊື້ໄດ້ແລ້ວຢູ່ຮ້ານຂາຍຢາໃສສະອາດ ຫຼື ຮ້ານຂາຍຢາທົ່ວໄປ ແລະ ໂຮງງານຜະລິດຢາເລກສາມ ເຊິ່ງລາຄາ 400,000 ກີບ/ປ໋ອງ ເເລະ 1ປ໋ອງຈະມີຢູ່ 40 ເມັດ
Hits: 2
