ອີງຕາມ ບົດບັນທຶກກອງປະຊຸມກະກຽມຄວາມພ້ອມໃນການເປີດ ການຮຽນ-ການສອນ ໃນສົກຮຽນ 2021-2022 ແລະ ການປະຈໍາການຂອງ ພະນັກງານ, ຄູອາຈານ ໃນໄລຍະການແຜ່ລະບາດຂອງພະຍາດ ໂຄວິດ-19 ໃນຊຸມຊົນ ໃນຄັ້ງວັນທີ 5 ມັງກອນ 2022.
ດັ່ງນັ້ນ, ທາງ ມະຫາວິທະຍາໄລແຫ່ງຊາດ ຈຶ່ງອອກແຈ້ງການ ໃນວັນທີ 17 ມັງກອນ 2022 ເຖິງນັກສຶກສາທີ່ພັກຢູ່ຫໍພັກ ຂອງ ມະຫາວິທະຍາໄລ ແຫ່ງຊາດ (ວິທະຍາເຂດດົງໂດກ) ຊາບວ່າ: ການຮັບນັກສຶກສາເຂົ້ານອນຫໍພັກໃນຊ່ວງນີ້ ແມ່ນຈະລົງທະບຽນຮັບສະເພາະແຕ່ນັກສຶກສາປີທີ 1, ເນື່ອງຈາກການແຜ່ລະບາດຂອງເຊື້ອພະຍາດ ໂຄວິດ-19 .
ໃນ ປັດຈຸບັນ ທາງ ມະຫາວິທະຍາໄລ ໄດ້ຈັດ ການຮຽນ-ການສອນ ດ້ວຍຮູບແບບອອນລາຍ ໃຫ້ແກ່ນັກສຶກສານັບແຕ່ ປີ 1 ຫາ ປີສຸດທ້າຍ. ດັ່ງນັ້ນ, ເພື່ອໃຫ້ສອດຄ່ອງກັບແຜນ ການຮຽນ-ການສອນ ການເຂົ້ານອນຢູ່ຫໍພັກ ຂອງນັກສຶກສາ ມຊ ເຊິ່ງມີລາຍລະອຽດດັ່ງລຸ່ມນີ້:
1. ການເປີດຮັບນັກສຶກສາເຂົ້າມາພັກອາໄສຢູ່ຫໍພັກ ຊີເກມ ແລະ ຫໍພັກໃນ ແມ່ນຈະຮັບສະເພາະນັກສຶກສາໃນແຜນປີທີ 1 ແລະ ນັກສຶກສານອກແຜນ ປີ 1 ທີ່ຢູ່ເຂດຫ່າງໄກສອກຫຼີກເທົ່ານັ້ນ.
2. ຮັບນັກສຶກສາ ຜູ້ທີ່ໄດ້ຈ່າຍຄ່າບຳລຸງຫໍພັກໃນໄລຍະທີ່ຜ່ານ ແລ້ວສາມາດກັບເຂົ້າມາພັກອາໄສຢູ່ຫໍພັກໄດ້.
3. ໃຫ້ນັກສຶກສາທີ່ພັກອາໄສຢູ່ຫໍພັກໃນປັດຈຸບັນ (ບໍ່ໄດ້ກັບບ້ານ) ຍັງຄ້າງຈ່າຍຄ່າບໍາລຸງຫໍພັກໃຫ້ຮີບຮ້ອນໄປຈ່າຍໃຫ້ການເງິນ ຫ້ອງການຄຸ້ມຄອງຫໍພັກ.
4. ນັກສຶກສາຫໍພັກ ປີ 2 – ປີ 3 ທີ່ກັບພູມລຳເນົາ ຫຼື ອອກໄປຢູ່ນອກ ແມ່ນຍັງບໍ່ໄດ້ຮັບເຂົ້າມາພັກເຊົາໃນຫໍພັກຈົນກວ່າມີການປ່ຽນແປງ.
5. ສໍາລັບນັກສຶກສາປີທີ 4 ຜູ້ທີ່ຈະລົງເຝິກງານພາກປະຕິບັດຕົວຈິງ ຕ້ອງໃຫ້ລາຍງານຫາຄະນະວິຊາຂອງຕົນເພື່ອເກັບກໍາລາຍຊື່ ມາຊຳລະຄ່າບຳລຸງຫໍພັກ ພ້ອມກວດຫາເຊື້ອ ໂຄວິດ-19 ກ່ອນເຂົ້າມາພັກອາໄສຢູ່ຫໍພັກ.
6. ຖ້ານັກສຶກສາຄົນໃດລັກເຂົ້າມານອນໃນຫໍພັກໂດຍບໍ່ໄດ້ຮັບອະນຸຍາດ ຫາກມີບັນຫາເກີດຂຶ້ນແມ່ນນັກສຶກສາຄົນນັ້ນຕ້ອງເປັນຜູ້ຮັບຜິດຊອບທັງໝົດ ແລະ ຈະຖືກປະຕິບັດຕາມລະບຽບການຂອງຫໍພັກວາງອອກຢ່າງເຂັ້ມງວດ.
ດັ່ງນັ້ນ, ຈຶ່ງແຈ້ງມາຍັງນັກສຶກສາທຸກໆຄົນຮັບຊາບ ແລະ ພ້ອມກັນປະຕິບັດຢ່າງເຂັ້ມງວດ.
ຂໍ້ມູນຈາກ: ຫ້ອງການຄຸ້ມຄອງຫໍພັກນັກສືກສາ ມຊ
Hits: 0
