ປະຈຳວັນທີ 22 ມັງກອນ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ອັດຕະປື ຈະສູ້ຊົນໃຫ້ລວມຍອດຜະລິຕະພັນພາຍໃນເພີ່ມຂື້ນສະເລ່ຍ 7,5-8% ຕໍ່ປີ
ໃນໄລຍະ 5 ປີ ນັບແຕ່ປີ 2021-2025, ແຂວງອັດຕະປື ຈະສູ້ຊົນເຮັດໃຫ້ລວມຍອດຜະລິດຕະພັນພາຍໃນ ຫຼື GDP ເພີ່ມຂຶ້ນສະເລ່ຍ 7,5-8% ຕໍ່ປີ, ດ້ວຍການສ້າງມູນຄ່າເພີ່ມ ໃຫ້ໄດ້ 4.201,86 ຕື້ກີບ, ຄາດຄະເນພົນລະເມືອງ ມີ 177.819 ຄົນ
ສະເລ່ຍລວມ ຍອດຜະລິດຕະພັນພາຍໃນຕໍ່ຫົວຄົນ ປະມານ 23,62 ລ້ານກີບ ຫລື ເທົ່າກັບ 2.698 ໂດລາສະຫະລັດ/ ຄົນ, ອັດຕາແລກປ່ຽນ 8.758 ກີບ/1ໂດລາ, ທຽບໃສ່ປີ 2020 ເພີ່ມຂຶ້ນ 687 ໂດລາ...ອ່ານຕໍ່
ຍົກລະດັບຄວາມຮູ້ວຽກງານສະກັດກັ້ນ ແລະ ປ້ອງກັັນຕ້ານການຄ້າມະນຸດ
ການຝຶກອົບຮົມໃນຄັ້ງນີ້, ນັກສຳມະນາກອນ ໄດ້ຮັບຟັງການເຜີຍແຜ່ສະພາບການພວກກຸ່ມຄົນບໍ່ດີຈຳນວນໜຶ່ງ ຍັງສືບຕໍ່ເຄື່ອນໄຫວບໍ່ດີ ແລະ ກະທຳຜິດກົດໝາຍບ້ານເມືອງ ໂດຍສະເພາະແມ່ນຂະບວນການຄ້າມະນຸດ ທີ່ເກີດຂຶ້ນໃນແຂວງຕ່າງໆຂອງປະເທດ
ລັດຖະບານ ກໍໄດ້ໃຫ້ຄວາມສຳຄັນ ແລະ ເອົາໃຈໃສ່ຢ່າງຕັ້ງໜ້າຊຸກຍູ້ ແລະ ສະໜັບສະໜູນໂຄສະນາວຽກງານຕ້ານການຄ້າມະນຸດ ທີ່ເກີດຂຶ້ນຢູ່ບັນດາແຂວງ ທີ່ມີຊາຍແດນຕິດຈອດກັບປະເທດໃກ້ຄຽງ, ເພື່ອສ້າງຄວາມເຂົ້າໃຈໃຫ້ ສັງຄົມ, ປະຊາຊົນລາວບັນດາເຜົ່າ, ເຂດຫ່າງໄກສອກຫຼີກ…ອ່ານຕໍ່
ໄຊຍະບູລີ ພ້ອມເປີດເສັ້ນທາງທ່ອງທ່ຽວສີຂຽວປະມານກາງປີ 2022
ອໍານາດການປົກຄອງ ແຂວງໄຊຍະບູລີ ກຽມເປີດເສັ້ນທາງທ່ອງທ່ຽວສີຂຽວ ໃນໄລຍະເດືອນເມສາ-ມິຖຸນາ ປີ 2022 ຕາມທິດຂອງລັດຖະບານ ເພື່ຶອສ້າງລາຍໄດ້ຈາກການທ່ອງທ່ຽວໃຫ້ປະຊາຊົນຊາວແຂວງໄຊຍະບູລີ ແລະ ນັກທຸລະກິດຜູ້ປະກອບການດ້ານຕ່າງໆ ພາຍໃນແຂວງ
ແຂວງໄຊຍະບູລີ ແມ່ນໄດ້ກໍານົດເຂດ ແລະ ເສັ້ນທາງທ່ອງທ່ຽວສີຂຽວ ໃນໄລຍະເດືອນເມສາ-ມິຖຸນາ, ໂດຍກໍານົດເອົາເມືອງໄຊຍະບູລີ ກໍານົດເສັ້ນທາງ ຫຼວງພະບາງ–ໄຊຍະບູລີ ແລະ ນະຄອນຫຼວງ–ໄຊຍະບູລີ, ທ່ຽວຊົມແຫຼ່ງທ່ອງທ່ຽວແມ່ນສູນອະນຸລັກຊ້າງອ່າງນໍ້າຕຽນ, ສູນອະນຸລັກ ແລະ ຂະຫຍາຍພັນຊ້າງພູແຄນ ແລະ ມູນນິທິອະນຸລັກສັດ ແລະ ສິ່ງແວດລ້ອມລາວ…ອ່ານຕໍ່