“ແມງຂີ້ສູດ” ເປັນແມງໄມ້ຊະນິດໜຶ່ງທີ່ຄ້າຍຄືກັບເຜິ້ງ ແຕ່ບໍ່ມີເຫຼັກໄນ, ມັກຕອມເກສອນດອກ ໄມ້, ມັກເຮັດຮັງຢູ່ພື້ນດິນ, ຕາມຮູຂອງຕົ້ນໄມ້ ແລະ ສິ່ງຕ່າງໆທີ່ເປັນຮູ, ຮັງຂອງ ແມງຂີ້ສູດ ມີລັກ ສະນະຄືຂີ້ເຜິ້ງ, ໜຽວ ແລະ ມັນ; ຄົນບູຮານມີຄວາມເຊື່ອກັນວ່າ ເປັນສິ່ງທີ່ຊອກຫາຍາກ, ສັກ ສິດ ເພາະມີບັນດາຄູບາອາຈານທັງຫຼາຍ ນຳເອົາຮັງ ແມງຂີ້ສູດ ມາເຮັດມາສ້າງເປັນ ວັດຖຸມຸງຄຸນ ຕ່າງໆ ເມື່ອສ້າງ ແລະ ລົງພິທີແລ້ວ ຈຶ່ງເອົາຮັງຂີ້ສູດອັດຮູ.
ນອກນັ້ນ, ຮັງຂີ້ສູດ ຍັງເປັນຢາແນວທີ່ດີ ທີ່ໃຊ້ຢາເຮືອ (ອັດບ່ອນຮົ່ວເຮືອ) ເພື່ອບໍ່ໃຫ້ນ້ຳເຂົ້າເຮືອ ແລະ ຍັງໃຊ້ເຂົ້າໃນການເຊື່ອມຈອດພາຊະນະສານໄມ້ໄຜ່ ເຊັ່ນ ຄຸຕັກນ້ຳ ເປັນຕົ້ນ…
ສຳລັບ ແມງຂີ້ສູດ ແລ້ວ ເຖິງວ່າມັນຈະໂຕນ້ອຍ ແຕ່ມີຄຸນຄ່າມະຫາສານຕໍ່ສິ່ງແວດລ້ອມ, ອີກທັງ ຍັງເປັນຕົວສຳຄັນໃນການສ້າງວັດຕະຈັກຂອງການປະສົມເກສອນໃຫ້ກັບພືດພັນຕ່າງໆ ເພື່ອຂະ ຫຍາຍພັນ ແລະ ສ້າງຄວາມອຸດົມສົມບູນໃຫ້ກັບທຳມະຊາດ ເພື່ອໃຫ້ມະນຸດ ແລະ ສັດສາວ່າສິ່ງ ຕ່າງໆ ໃນໂລກແຫ່ງນີ້ໄດ້ເພິ່ງພາອາໄສ.
ທີ່ມາ: Art and Culture Lao
