ຂໍຂອບໃຈນຳຜູ້ສະໜັບສະໜູນ
ໝາກສີດາ ເປັນໝາກໄມ້ທີ່ສາວໆ ໃນໝູ່ເກາະ ມະຫາສະໝຸດປາຊີຟິກ ນິຍົມໃຊ້ເປັນເຄື່ອງສຳອາງທາຜິວໜ້າ ໂດຍທີ່ນວນຂອງມັນມີ ໂພແທັດຊຽມ, ນຳ້ຕານ ແລະ ກົດອະມີໂນ ທີ່ສາມາດດຶງນຳ້ໃຫ້ຢູ່ໃນຊັ້ນເທິງຂອງຜົວໜ້າ ເຮັດໃຫ້ຜິວພັນຊຸ່ມ ແລະ ນຽນໃສ.
ນອກຈາກນີ້ ໝາກສີດາ ຍັງມີວິຕາມິນສູງ ແລະ ສິ່ງສຳຄັນແມ່ນມີ ວິຕາມິນ B2 ທີ່ຊ່ວຍສ້ອມແຊມ ແລະ ຊ່ວຍໃນການຈະເລີນເຕີບໂຕຂອງຈຸລັງໃຫ້ແຂງແຮງ ແລະ ມີວິຕາມິນ B5 ທີ່ຊ່ວຍປ້ອງກັນຜິວໜ້າ ບໍ່ໃຫ້ຖືກທຳຮ້າຍຈາກ ອະນຸມູນອິດສະຫຼະ.
- ການກຽມສີດາ: ເລືອກໜ່ວຍສົດ ແລະ ບໍ່ສຸກຫຼາຍເກີນໄປ, ລ້າງສີດາໃຫ້ສະອາດ ເອົາສະເພາະສ່ວນທີ່ເປັນນວນ ບໍ່ໃຊ້ແກ່ນ, ຄວນຫັ່ນເປັນຊັ້ນນ້ອຍໆ ກ່ອນປັ່ນ ແລະ ຕ້ອງຕື່ມນຳ້ສະອາດລົງໄປຈຳນວນໜຶ່ງທຸກຄັ້ງໃນການປັ່ນ ເພາະ ສີດາ ມີນຳ້ໜ້ອຍ.
- ວິທີໃຊ້: ນວນສີດາຫັ່ນເປັນຕ່ອນນ້ອຍໆ 1 ຖ້ວຍນ້ອຍ, ນຳ້ 1/2 ຖ້ວຍນຳ້, ນຳ້ເຜິ້ງ 1/4 ຖ້ວຍນ້ອຍ ປັ່ນຈົນເປັນເນື້ອຄີມ ນຳມາພອກໜ້າ ປະໄວ້ 10-20 ນາທີ ແລ້ວລ້າງອອກດ້ວຍນຳ້ສະອາດ.
- ເຮັດແບບນີ້ທຸກມື້ກ່ອນເຂົ້ານອນ ໜ້າຈະສົດໃສ ແລະ ນຽນໃສຂຶ້ນ.
