ສັບພະຄຸນ ຈາກ ຜັກຂະແຍງ ທີ່ທ່ານຄວນຮູ້.

ໂດຍ

6 February 2022

ຂໍຂອບໃຈນຳຜູ້ສະໜັບສະໜູນ

ຜັກຂະແຍງ ເປັນຜັກພື້ນບ້ານຊະນິດໜຶ່ງ ທີ່ເກີດຂຶ້ນເອງຕາມທໍາມະຊາດ ສ່ວນຫຼາຍຈະມັກເກີດຢູ່ຕາມທົ່ງໄຮ່ທົ່ງນາ ສ່ວນຫຼາຍຈະມັກນຳມາປຸງແຕ່ງອາຫານ ເຊັ່ນ: ໃສ່ແກງໜໍ່ໄມ້, ເອາະ, ຕົ້ມ ແລະ ປະເພດແກງອື່ນໆ.

ທ່ານຮູ້ບໍ່ວ່າ ຜັກຂະເເຍງ ທີ່ເຮົານໍາມາໃສ່ ເເກງໜໍ່ໄມ້ ກິນແຕ່ລະຄັ້ງ ມັນມີສັບພະຄຸນເເນວໃດ ເຊິ່ງມື້ນີ້ເຮົາຈະພາທຸກຄົນມາຮູ້ຈັກກັບ ສັບພະຄຸນ ຈາກ ຜັກຂະເເຍງ ນໍາກັນວ່າມີຫຍັງເເດ່?

ຜັກຂະເເຍງ ມີລົດຊາດເຜັດຮ້ອນ ກິ່ນຫອມ ຊ່ວຍເຮັດໃຫ້ຈະເລີນອາຫານ, ຫຼຸດອາການເບື່ອອາຫານ.
ຊ່ວຍປ້ອງກັນ ເສັ້ນເລືອດຕີບຕັນ ແລະ ໄຂ້ຮ້ອນໃນ.
ໃຊ້ເປັນຢາແກ້ໄຂ້, ຫຼຸດໄຂ້ ໂດຍການໃຊ້ຕົ້ນຜັກຂະແຍງສົດໆ ປະມານ 15-30 ຕົ້ນ ນໍາມາຕົ້ມກັບນໍ້າກິນ.
ໃຊ້ເປັນຢາຂັບລົມ ແລະ ເປັນຢາລະບາຍທ້ອງ ໂດຍການໃຊ້ຕົ້ນຜັກຂະແຍງສົດໆ ປະມານ 15-30 ຕົ້ນ ນໍາມາຕົ້ມກັບນໍ້າກິນ.
ຊ່ວຍແກ້ອາການຄັນ, ກາກ ແລະ ຝີ ໂດຍການນໍາເອົາຕົ້ນສົດໆ ຂອງມັນມາຕົ້ມກັບນໍ້າ ແລ້ວໃຊ້ລ້າງບໍລິເວນທີ່ເປັນ ຫຼື ນໍາເອົາມາລ້າງແລ້ວຄັ້ນ ຫຼື ຕໍາເອົານໍ້າຂອງມັນມາທາບ່ອນທີ່ເປັນຝີ.
ຊ່ວຍແກ້ອາການບວມຊໍ້າ ໂດຍນໍາເອົາທັງຕົ້ນມາຕໍາເເລ້ວທາບໍລິເວນທີ່ເປັນ.
ໃຊ້ເປັນຢາແກ້ພິດງູ ສໍາລັບງູພິດທີ່ບໍ່ຮ້າຍແຮງ ໂດຍການໃຊ້ຕົ້ນສົດໆ ປະມານ 15 ຕົ້ນ ນໍາມາຕໍາໃຫ້ລະອຽດ ປະສົມກັບຕົ້ນຟ້າທະລາຍໂຈນ ປະມານ 30 ກຣາມ ນໍາມາປະສົມກັບນໍ້າສົ້ມ ແລ້ວຄັ້ນເອົານໍ້າມັນມາດື່ມ ສ່ວນກາກທີ່ເຫຼືອແມ່ນນໍາມາທາບໍລິເວນບາດແຜ.
ຊ່ວຍແກ້ອາການພິດເບື່ອເມົາ ໂດຍນໍາເອົາຕົ້ນຜັກຂະເເຍງທີ່ຕາກແຫ້ງໄວ້ ມາຕົ້ມກັບນໍ້າເພື່ອດື່ມ ຈະເເກ້ໄດ້.
ຊ່ວຍແກ້ນໍ້ານົມແມ່ລູກອ່ອນ ທີ່ມີຣົດສົ້ມໂດຍການນໍາເອົາຕົ້ນຂອງຜັກຂະແຍງມາຕົ້ມດື່ມນໍ້າຂອງມັນ ຈະຊ່ວຍໄດ້.

ຜັກຂະແຍງ ນອກຈາກຈະນໍາໃຊ້ເປັນອາຫານ ແລະ ສ່ວນປະກອບໃນອາຫານແລ້ວ ມັນຍັງມີສານຕ້ານອະນຸມູນອິດສະຫຼະສູງ ທີ່ມີລິດຕໍ່ຕ້ານເຊວມະເຮັງ ຕ່າງໆໄດ້ ເປັນຢ່າງດີ ຫາມາກິນລອງເບິ່ງເດີທຸກຄົນເພື່ອສຸຂະພາບທີ່ດີຂອງເຮົາເອງ.

ບ່ອນສະແດງໂຄສະນາ