ຕົ້ນຫຍ້າຝຮັ່ງ ຫຼື ມີຊື່ເອີ້ນທາງ ວິທະຍາສາດ ວ່າ Chromolaena odorata ແຕ່ບາງທ້ອງຖິ່ນໃນ ລາວ ອາດຈະເອີ້ນຊື່ເເຕກຕ່າງກັນ ເຊັ່ນ: ຕົ້ນຫຍ້າສໍາແຮ້ງ, ຕົ້ນຫຍ້າຂິວ ຫຼື ຕົ້ນຫຍ້າຄັນຊ້າງ. ເຊິ່ງເປັນສະໝຸນໄພພື້ນບ້ານຊະນິດໜຶ່ງ ທີ່ເກີດຂຶ້ນເອງຕາມທໍາມະຊາດ ສ່ວນຫຼາຍມັກຈະເກີດຂຶ້ນຕາມປ່າຕາມດົງ ເເຖວເຂດຊົນນະບົດ ຄົນສ່ວນໃຫຍ່ຈະນິຍົມໃຊ້ ໃບຫຍ້າຝຣັ່ງ ນີ້ເປັນສະໝຸນໄພຫ້າມເລືອດ (ຢຸດເລືອດ) ໃນເວລາທີ່ເປັນບາດເເຜ.
ຕົ້ນຫຍ້າຝຣັ່ງ ນອກຈາກຈະມີປະໂຫຍດຊ່ວຍຫ້າມເລືອດແລ້ວ ມັນຍັງມີສັບພະຄຸນຫຼາຍຢ່າງ ດັ່ງນີ້:
- “ດອກ” ຂອງຕົ້ນຫຍ້າຝຣັ່ງ ມີສັບພະຄຸນຊ່ວຍຊູກໍາລັງ, ແກ້ອາການອອນເພຍ, ຊ່ວຍບໍາລຸງຫົວໃຈ, ຊ່ວຍເເກ້ໄຂ້, ໃຊ້ເປັນຢາແກ້ຮ້ອນໃນ.
- “ຮາກ” ຊ່ວຍປິ່ນປົວອາການໄຂ້ປ່າ, ແກ້ໂຣກກະເພາະໄດ້ ໂດຍການນໍາເອົາ ຮາກ ຂອງຕົ້ນຫຍ້າຝຣັ່ງ ມາປະສົມກັບ ຮາກໝາກນາວ ແລະ ຮາກຢານາງ ມາຕົ້ມເປັນນໍ້າດື່ມກິນ ຈະຊ່ວຍໄດ້ດີ.
- “ລຳຕົ້ນ” ໃຊ້ເປັນຢາແກ້ເຈັບທ້ອງ, ອາການຍຶ່ງທ້ອງ, ຊ່ວຍແກ້ອາການບວມ.
- “ທຸກສ່ວນຂອງຕົ້ນ” ເມື່ອນຳມາຜະສົມເຂົ້າກັນ ໃຊ້ເປັນຢາແກ້ບາດແຜທີ່ຕິດເຊື້ອ ຈາກເຫຼັກ, ສັງກະສີ ຫຼື ວັດຖຸອື່ນໆ ບາດ.
- “ໃບ” ຊ່ວຍແກ້ພິດນໍ້າເຫຼືອງ, ຊ່ວຍຖອນຜິດແກ້ອັກເສບ, ແກ້ລິດສີດວງທະວານ, ຊ່ວຍປ້ອງກັນການເກີດຮອຍແຜເປັນ, ປິ່ນປົົວບາດແຜທີ່ເປື່ອຍ.
ນອກຈາກນີ້ “ໃບ” ຂອງຕົ້ນຫຍ້າຝຣັ່ງ ຍັງຊ່ວຍໃນການຫ້າມເລືອດ ໂດຍການນໍາເອົາໃບມາຕໍາ ຫຼື ຫຍໍ້າໃຫ້ໝຸ່ນ ແລ້ວນໍາມາທາບໍລິເວນບາດແຜ ກໍຈະຊ່ວຍຫ້າມເລືອດໄດ້ ເນື່ອງຈາກວ່າ ມີສານສໍາຄັນຫຼາຍຢ່າງທີ່ມີລິດ ເຮັດໃຫ້ເສັ້ນເລືອດຫົດຕົວ ແລະ ຊ່ວຍກະຕຸ້ນສານທີ່ເຮັດໃຫ້ເລືອດເເຂງຕົວໄດ້ໄວ້ຂຶ້ນ.
ຫຍ້າຝຣັ່ງ ນອກຈາກຈະມີສັບພະຄຸນທີ່ກ່າວມາຂ້າງເທິງເເລ້ວ ຕົ້ນຫຍ້າຝຣັ່ງ ຍັງມີປະໂຫຍດຊ່ວຍແກ້ຜົມຫງອກ, ເຮັດໃຫ້ຜົມດໍາ, ດົກ ໂດຍການນໍາເອົາໃບມາຕໍາໃຫ້ໝຸ່ນແລ້ວນໍາມາໝັກຜົມເປັນປະຈໍາ ອາທິດລະ 3-4 ຄັ້ງ ຈະຊ່ວຍເຮັດໃຫ້ຜົມດົກ ແລະ ດໍາຂຶ້ນ.
ຂໍ້ມູນຈາກ:https://medthai.com
https://medthai.com/%E0%B8%AA%E0%B8%B2%E0%B8%9A%E0%B9%80%E0%B8%AA%E0%B8%B7%E0%B8%AD/
Hits: 0
