ປະຈຳວັນທີ 19 ກຸມພາ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ປກສ ເມືອງ ຫາດຊາຍຟອງ ຈັບຕົວຜູ້ກະທຳຜິດໄດ້ ໃນຂໍ້ຫາໄປເລາະງັດວັດ
ປກສ ເມືອງ ຫາດຊາຍຟອງ ນະຄອນຫຼວງວຽງຈັນ ຈັບຕົວຜູ້ກະທຳຜິດ ເມື່ອມໍ່ໆມານີ້ໃນຂໍ້ຫາລັກຊັບໂດຍການໄປເລາະງັດວັດ ຫຼື ຕູ້ບໍລິຈາກຢູ່ໃນວັດຊຶ່ງໃຊ້ລົດຈັກເປັນພາຫະນະໃນການເລາະກໍ່ເຫດ ແລະ ພວກກຽ່ວໄດ້ພາກັນກໍ່ເຫດດັ່ງກ່າວມາແລ້ວລວມ 4 ຄັ້ງໄດ້ເງິນຫຼາຍກວ່າ 23 ລ້ານກີບ
ຜ່ານການສືບສວນ-ສອບສວນ ຂອງເຈົ້າໜ້າທີ່, ທັງ 2 ຄົນໄດ້ໃຫ້ການຮັບສາລະພາບວ່າ: ພວກຕົນໄດ້ກໍ່ເຫດລັກຊັບຢູ່ຕາມວັດຕ່າງໆມາແລ້ວລວມ 4 ຄັ້ງ…ອ່ານຕໍ່
ລາວ ຈະສົ່ງນັກກິລາດອກປີກໄກ່ ຮ່ວມແຂ່ງຂັນ 4 ລາຍການໃຫຍ່ທີ່ຕ່າງປະເທດ
ສະຫະພັນກິລາດອກປີກໄກ່ແຫ່ງຊາດລາວ ຈະສົ່ງນັກກິລາທີມຊາດດອກປີກໄກ່ ຈຳນວນ 26 ຄົນ ປະກອບມີ ຮຸ່ນທົ່ວໄປ 13 ຄົນ (ຍິງ 2 ຄົນ) ແລະ ຮຸ່ນເຍົາວະຊົນຊາຍ 13 ຄົນ ເຂົ້າຮ່ວມແຂ່ງຂັນ 4 ລາຍການໃຫຍ່ ທີ່ຕ່າງປະເທດ
ໂດຍໃນເບື້ອງຕົ້ນກໍຈະມີ ງານມະຫະກຳກິລາຊີເກມຄັ້ງທີ 31 ທີ່ສສ ຫວຽດນາມ ຈະຈັດຂຶ້ນໃນເດືອນພຶດສະພາ 2022, ງານມະຫະກຳກິລາມະຫາວິທະຍາໄລອາຊຽນທີ່ປະເທດໄທ ຈະຈັດຂຶ້ນໃນເດືອນກໍລະກົດ 2022, ງານມະຫະກຳກິລາເອຊຽນເກມ ທີ່ ສປ ຈີນ ຈະຈັດຂຶ້ນໃນເດືອນກັນຍາ 2022 ແລະ ງານແຂ່ງຂັນກິລາດອກປີກໄກ່ ຮຸ່ນເຍົາວະຊົນອາຊີ ທີ່ ສປ ຈີນ ຈະຈັດຂຶ້ນໃນເດືອນທັນວາ 2022…ອ່ານຕໍ່
ລັດຖະບານ ລາວ ແລະ ອົງການ UNFPA ລົງນາມແຜນດຳເນີນງານ ສຸມໃສ່ 4 ຂົງເຂດບູລິມະສິດ
ລັດຖະບານ ສປປ ລາວ ແລະ ອົງການສະຫະປະຊາຊາດກອງທຶນສຳລັບປະຊາກອນ (UNFPA) ໄດ້ລົງນາມແຜນວຽກ (CPAP) ສໍາລັບແຜນດຳເນີນງານຮອບວຽນໃໝ່ (2022-2026) ສຸມໃສ່ 4 ຂົງເຂດບູລິມະສິດ ເພື່ອເນັ້ນໃສ່ປະກອບສ່ວນເຂົ້າໃນການບັນລຸເປົ້າໝາຍການເຂົ້າເຖິງສຸຂະພາບທາງເພດ ແລະ ສຸຂະພາບຈະເລີນພັນ ແລະ ສິດທິດ້ານຈະເລີນພັນ
ເຊິ່ງໃນນັ້ນປະກອບມິ ແຜນວຽກສຸຂະພາບທາງເພດ, ສຸຂະພາບຈະເລີນພັນ ແລະ ສິດທິ, ໄວໜຸ່ມ ແລະ ເຍົາວະຊົນ, ຄວາມສະເໝີພາບລະຫວ່າງຍິງ-ຊາຍ ແລະ ການສ້າງຄວາມອາດສາມາດໃຫ້ແມ່ຍິງ, ຂໍ້ມູນ ແລະ ການປ່ຽນແປງດ້ານປະຊາກອນ…ອ່ານຕໍ່
