ດອກອັນຊັນ ເປັນອີກໜຶ່ງດອກໄມ້ ທີ່ມີຄຸນປະໂຫຍດຫຼາກຫຼາຍ ສ່ວນຫຼາຍຈະນໍາດອກອັນຊັນ ມາປຸງເເຕ່ງເປັນອາຫານປະເພດຂອງຫວານເຊັ່ນ: ບົວລອຍ, ເຂົ້າປາດ, ເເລະ ເຮັດເປັນສີອາຫານປະເພດຕ່າງໆໄດ້ ນອກຈາກສາມາດນໍາມາເປັນອາຫານເເລ້ວ ຄົນສ່ວນຫຼາຍຍັງນິຍົມໃຊ້ດອກອັນຊັນໃນການປູກຂົນຄິວ, ປູກໜວດ ເປັນຕົ້ນ.
ຫຼາຍຄົນອາດຈະເຄີຍຮູ້ຈັກດອກອັນຊັນມາເເດ່ແລ້ວ ແຕ່ອາດຈະຍັງບໍ່ຮູ້ວ່າ ມັນມີປະໂຫຍດ ແລະ ສັບພະຄຸນແນວໃດແດ່ ເຊິ່ງມື້ນີ້ເຮົາຈະມາເເນະນໍາໃຫ້ຮູ້ຈັກ.
ຮາກຂອງຕົ້ນອັນຊັນ: ສາມາດນໍາມາປຸງເປັນຢາຂັບຖ່າຍ ແລະ ຢາລະບາຍໄດ້ດີ, ແກ້ອາການເຈັບແຂ້ວ ແລະ ເຮັດໃຫ້ແຂ້ວແຂງແຮງ ໂດຍການເອົາຮາກຂອງຕົ້ນອັນຊັນມາຖູທີ່ແຂ້ວ, ຊ່ວຍເພີ່ມປະສິດທິພາບໃນການເບີ່ງເຫັນໄດ້ດີຂື້ນ ໂດຍການເອົາຮາກຂອງຕົ້ນດອກອັນຊັນໄປຝົນໄສ່ກັບນໍ້າສະອາດ ແລ້ວກອງໃຫ້ສະອາດ ເອົາມາຢອດຕາ.
ໃບອັນຊັນ: ຊ່ວຍເປັນຢາຂັບຖ່າຍໃຫ້ສະດວກດີ, ຊ່ວຍບຳລຸງສາຍຕາ ແລະ ແກ້ອາການຕາປຽກໄດ້;
ດອກອັນຊັນ: ຊ່ວຍເສີມສ້າງພູມຕ້ານທານໃຫ້ຮ່າງກາຍ ແລະ ເພີ່ມພະລັງເຮັດໃຫ້ຮ່າງກາຍມີຄວາມແຂງແຮງຂື້ນ, ມີສານຕ້ານອະນຸມູນອິດສະຫຼະໃນດອກອັນຊັນ ສາມາດຊ່ວຍໃນເລື່ອງຂອງຜິວພັນບໍ່ຫ້ຽວຍານ ແລະ ຮອຍຫ້ຽວຕາມໄບໜ້າ.
ນໍ້າຈາກດອກອັນຊັນ: ຊ່ວຍບໍາລຸງສະໝອງ, ຊ່ວຍລົດຄວາມສ່ຽງຂອງການເກີດໂລກຫົວໃຈ ແລະ ພາວະຫຼອດເລືອດຫົວໃຈຕີບ, ຊ່ວຍລົດຄວາມສ່ຽງການເກີດໂລກມະເຮັງ, ຊ່ວຍລົດລະດັບນໍ້າຕານໃນເລືອດໃນຜູ້ປ່ວຍທີ່ເປັນໂລກເບົາຫວານ.
ຊ່ວຍຂັບລ້າງສານພິດ ແລະ ຂັບຂອງເສຍອອກຈາກຮ່າງກາຍ, ຊ່ວຍແກ້ອາການເປັນບວມຂອງຮ່າງກາຍ, ຊ່ວຍປ້ອງກັນ ແລະ ບັນເທົາອາການມືນຊາຕາມນີ້ວມືນີ້ວຕີນ, ຊ່ວຍບຳລຸງຮາກເສັ້ນຜົມ ແລະ ເຮັດໃຫ້ເສັ້ນຜົມດົກມັນເງົາງາມ.
ວິທີການປຸງນໍ້າດື່ມສະໝຸນໄພດອກອັນຊັນ:
1 ວີທີການງ່າຍໆ ແມ່ນເອົາດອກອັນຊັນສົດ ຫຼື ດອກແຫ້ງມາໄສ່ນໍ້າຮ້ອນດື່ມຕາມສະບາຍສະຕາຍຂອງໄຜມັນ,
2 ສ່ວນປະກອບການປຸງແຕ່ງນໍ້າດອກອັນຊັນລັກສະນະລວມມີ: ດອກອັນຊັນໜືາງກໍາມື, ຕົ້ນເຕີຍຫອມໜື່ງຕົ້ນນ້ອຍ, ນໍ້າເຜີ້ງສົດທຳມະຊາດໜື່ງບ່ວງແກວ, ເກືອຢິບໜື່ງ, ນໍ້າຕານພໍປະມານ ແລະ ໝາກນາວໜື່ງ
ໜ່ວຍ,
3 ນຳດອກອັນຊັນ ແລະ ເຕີຍຫອມມາຕົ້ມພ້ອມກັນໃນນໍ້າຈົນຟົດເດືອດປະມານ 15 ນາທີ ແລ້ວປົງລົງ, ຕອງເອົາພຽງແຕ່ນໍ້າ ແລ້ວໄສ່ສ່ວນປະກອບຕ່າງໆທີ່ກ່າວມາຕາມຂ້າງເທີງຕາມລົດຊາດທີ່ຕົນມັກ ແລ້ວສາມາດເປັນເຄື່ອງດື່ມເຢັນໆດ້ວຍນໍ້າກ້ອນໄດ້ທັນທີໄດ້ທຸກສະພາບການທຸກງານ.
ດອກອັນຊັນ ນອກຈາກຈະມີປະໂຫຍກ ແລະ ສັບພະຄຸນທີ່ກ່າວມາຂ້າງເທີງແລ້ວ ຍັງສາມາດນໍາມາເປັນຢາສະຜົມໄດ້ອີກດ້ວຍ ໂດຍນໍາເອົາດອກອັນຊັນສົດໆ ມາຄັ້ນເອົາແຕ່ນໍ້າ ເເລ້ວນໍາມາໝັກຜົມໄວ້ ປະມານ 15-30 ນາທີ ຈະຊ່ວຍບໍາລຸງຜົມເຮັດໃຫ້ຜົມດໍາ, ເງົາງາມ ແລະ ມີສຸຂະພາບດີ.
ຂໍ້ມູນຈາກ:https://shopee.co.th/blog/butterfly-pea-health-benefits/
Hits: 1
