ວິທີງ່າຍໆ ໃນການບໍລິຫານສະໝອງຊີກຂວາ (ການໃຊ້ຈິນຕະນາການ, ຄວາມຮູ້ສຶກ) ແລະຊີກຊ້າຍ (ການໃຊ້ເຫດຜົນ) ກໍຄື ໃຫ້ຝຶກຂີດຂຽນອັນໃດກໍໄດ້ ໂດຍໃຊ້ທັງມືຂ້າງທີ່ຖະໜັດ ແລະບໍ່ຖະໜັດ ແລ້ວສະໝອງຈະປະສານງານກັນໄດ້ດີ. ຕໍ່ໄປຄືເຕັກນິກເລັກໆນ້ອຍໃນການຝຶກສະໝອງໃຫ້ຄິດເກັ່ງ.
- ຄິດແລ້ວເຮັດ: ການລົງມືເຮັດເປັນຜົນໄດ້ຮັບຂອງການຄິດ, ຖ້າຄິດແລ້ວເຮັດຢ່າງຕໍ່ເນື່ອງ ຈະເຮັດໃຫ້ສະໝອງໄດ້ຈື່ຈຳວິທີການ ທີ່ເປັນຮູບປະທຳ ຈາກລົງມືເຮັດ, ສາມາດຫາແນວທາງພັດທະນາ ຂະບວນການຄິດ ແລະການເຮັດຂອງຕົວເອງໃຫ້ດີຂຶ້ນຕໍ່ໄປໄດ້.
- ລອງເຮັດໃນສິ່ງທີ່ບໍ່ເຄີຍເຮັດ: ຫຼັງຈາກເຮັດສິ່ງໃດນຶ່ງ ຈົນຊຳນານແລ້ວ ລອງອອກໄປເຮັດໃນສິ່ງທີ່ບໍ່ເຄີຍເຮັດແດ່ ເພື່ອເປີດມູມມອງ ແລະຝຶກສະໝອງ ໃຫ້ໄດ້ຮຽນຮູ້ທັກສະໃໝ່ໆ.
- ບໍລິຫານສະໝອງ 2 ຊີກ: ຕາມປົກກະຕິແລ້ວ ສະໝອງຊີກຊ້າຍ ແລະ ຊີກຂວາ ຊຶ່ງມີໜ້າທີ່ຕ່າງກັນ ຈະເຮັດວຽກປະສານເຊື່ອມໂຍງກັນ ໂດຍອັດຕະໂນມັດ. ສະນັ້ນ ການຝຶກບໍລິຫານສະໝອງທັງຂ້າງເລື້ອຍໆ ຈະຊ່ວຍໃຫ້ສະໝອງເຮັດວຽກຮ່ວມກັນໄດ້ຢ່າງມີປະສິດທິພາບຫຼາຍຂຶ້ນ, ຜົນທີ່ໄດ້ຮັບຈາກການຄິດຈຶ່ງມີຄຸນນະພາບຫຼາຍຂຶ້ນອີກ.
