Monday, April 21, 2025

ປີໃໝ່ລາວປີນີ້ ມີໃຜກັບໄປຢາມບ້ານແດ່? 

ໃນທຸກໆປີ ເມື່ອໃກ້ຈະຮອດເທດສະການ ບຸນປີໃໝ່ລາວ ຫຼາຍຄົນທີ່ມາຈາກຕ່າງແຂວງ ຕ່າງກໍພາກັນເດີນທາງກັບບ້ານເພື່ອໄປຢາມພໍ່ແມ່ພີ່ນ້ອງ ເພື່ອຫຼິ້ນບຸນປີໃໝ່ຢູ່ທີ່ບ້ານເກີດ, ແຕ່ສຳລັບປີນີ້ກໍເຂົ້າປີທີ 3 ແລ້ວ ທີ່ມ່ີການແຜ່ລະບາດຂອງພະຍາດ ໂຄວິດ-19 ເຊິ່ງບາງຄົນເລືອກທີ່ຈະບໍ່ກັບບ້ານຍ້ອນຂໍ້ຫຍຸ້ງຍາກຕ່າງໆ ບໍ່ວ່າຈະເປັນຄ່າໃຊ້ຈ່າຍໃນການເດີນທາງ, ຊື້ເຄື່ອງຝາກເຄື່ອງຕ້ອນ ແລະ ອື່ນໆ. ແຕ່ກໍມີສ່ວນຫຼາຍທີ່ເລືອກເດີນທາງກັບບ້ານເພື່ອໄປສະຫຼອງປີໃໝ່ກັບຄອບຄົວ. 

ພາບປະກອບ

ນາງ ນົກ ຈາກເມືອງ ຫົວເມືອງ, ແຂວງ ຫົວພັນ, ມາເຮັດວຽກຢູ່ ນະຄອນຫຼວງ ວຽງຈັນ ເປັນເວລາ 3 ປີແລ້ວ. ໃນຊ່ວງສົງການປີໃໝ່ລາວ ຂອງທຸກໆປີ ນົກ ຈະກັບບ້ານເພື່ອໄປຫຼິ້ນສົງການກັບຄອບຄົວ ແລະ ໝູ່ຄູ່ ກັບໄປເຮັດຂວັນປີໃໝ່, ໄປສົມມາພໍ່ແມ່, ໄປຫຼິ້ນສ້າງສັນກັບໝູ່ຄູ່ພີ່ນ້ອງ ແລະ ປີນີ້ກໍເຊັ່ນດຽວກັນ. 

ນາງ ນົກ

ສ່ວນນາງ ໄມຄຳ ເປັນຄົນເມືອງ ຄຳ, ແຂວງ ຊຽງຂວາງ, ມາເຮັດວຽກຢູ່ ນະຄອນຫຼວງ ໄມຄຳ ມາອາໄສຢູ່ ນະຄອນຫຼວງ ວຽງຈັນ ໄດ້ 4 ປີແລ້ວ ພາຍຫຼັງທີ່ສຶກສາຈົບຈາກ ມະຫາວິທະຍາໄລ. ນ້ອງຈະກັບບ້ານທຸກໆ ປີໃໝ່ເພື່ອໄປຢາມພໍ່ແມ່ ເຖິງວ່າປີນີ້ຈະມີຂໍ້ຫຍຸ້ງຍາກຫຼາຍອັນແຕ່ກໍຕ້ອງໄດ້ກັບ ເພາະໄທເຮືອນບໍ່ມີໃຜກັບ ນ້ອງຈຶ່ງໄດ້ກັບໄປຢູ່ນຳພໍ່ແມ່ ອີກຢ່າງ ຫຼິ້ນສົງການຢູ່ ວຽງຈັນ ນີ້ກໍບໍ່ມ່ວນຄືຫຼິ້ນຢູ່ບ້ານເຮົາ. 

ສຳລັບ ນາງ ແອ໋, ຈາກ ແຂວງຫົວພັນ ມາເຮັດວຽກຢູ່ນະຄອນຫຼວງ ລາວຫາມາໄດ້ເດືອນປານ ແຕ່ບຸນປີໃໝ່ລາວປີນີ້ ກໍຈະກັບບ້າຄືກັນຍ້ອນຄິດຮອດພໍ່ແມ່ ແລະ ບ້ານເກີດ, ກັບໄປຫຼິ້ນ ໄປພັກຜ່ອນຫຼັງຈາກທີ່ເຮັດວຽກມາຫຼາຍ ແລ້ວຈຶ່ງກັບມາສູ້ກັບວຽກງານຕໍ່ຢູ່ ນະຄອນຫຼວງ ວຽງຈັນ. 

ແລ້ວທ່ານເດ້ ເລືອກທີ່ຈະສະຫຼອງ ບຸນປີໃໝ່ລາວ ຢູ່ໃນ ນະຄອນຫຼວງ ວຽງຈັນ ຫຼື ກັບບ້ານໄປຢາມພໍ່ແມ່, ພີ່ນ້ອງ ແລະ ຄອບຄົວ ຢູ່ທີ່ຕ່າງແຂວງ.  

ບໍ່ວ່າຈະສະຫຼອງປີໃໝ່ລາວຢູ່ໃສກໍຕາມກໍຈົ່ງມີສະຕິ ແລະ ປະຕິບັດຕາມມາດຕະການທີ່ທາງຄະນະສະເພາະກິດໄດ້ແຈ້ງການຢ່າງເຂັ້ມງວດ ເພື່ອຄວາມປອດໄພຂອງທຸກຄົນ. 

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.