ສະໄໝນີ້ ຄົນໃນເມືອງສ່ວນໃຫຍ່ໃຊ້ເວລາໄປກັບການນັ່ງຢູ່ຕໍ່ໜ້າຈໍ ຄອມພິວເຕີ ເພື່ອເຮັດວຽກ ຫຼື ການຫຼິ້ນເກມ ເຊິ່ງການໃຊ້ຊີວິດແບບນີ້ ເປັນເວລາດົນໆ ຈະເປັນສາເຫດເຮັດໃຫ້ເກີດອາການອິດເມື່ອຍ ໂດຍສະເພາະບໍລິເວນຄໍ, ບ່າ ແລະ ຫຼັງ ເນື່ອງຈາກ ບໍ່ມີການເຄື່ອນໄຫວ ຫຼື ບໍ່ມີການຍ້າຍບ່ອນນັ່ງ ຈຶ່ງເຮັດໃຫ້ເລືອດໄຫຼວຽນບໍ່ຄ່ອຍດີ.
ດຣ. ວັນທະນະ ຊະລາຍົນເດຊະ ໄດ້ແນະນໍາທ່າອອກກໍາລັງກາຍ ຍືດກ້າມຊີ້ນສຳລັບຄົນທີ່ຕ້ອງການນັ່ງເຮັດວຽກກັບ ຄອມພິວເຕີ ໄວ້ໃນເວັບໄຊຂອງ ຄະນະກາຍະພາບບຳບັດ ມະຫາວິທະຍາໄລ ມະຫິດົນ, ປະເທດໄທ ໄວ້ດັ່ງນີ້:
ທ່າທີ 1: ນັ່ງໃຫ້ຫຼັງຊື່ໆ ຫງ່ຽງຄໍໄປດ້ານໃດດ້ານໜຶ່ງຊ້າໆ ຈົນກວ່າຈະຮູ້ສຶກວ່າ ບໍລິເວນບ່າທັງສອງດ້ານຊື່ ແລ້ວຢຸດໄວ້ 10 ວິນາທີ, ກ້າມຊີ້ນທັງສອງເບື້ອງຈະຕຶງຂຶ້ນ ແລ້ວກໍຄ່ອຍໆຜ່ອນຄາຍລົງເທື່ອລະໜ້ອຍ. ຈາກນັ້ນ ໃຫ້ຫງ່ຽງເພີ່ມອີກໜ້ອຍໜຶ່ງ ຈົນຮູ້ສຶກວ່າ ຕຶງຄືເກົ່າ ແລ້ວຄ້າງໄວ້ອີກ 10 ວິນາທີ ກ່ອນທີ່ຈະຫງ່ຽງຄໍກັບຄືນສູ່ທ່າເລີ່ມຕົ້ນ.
ທ່າທີ 2: ນັ່ງເຮັດໃຫ້ຫຼັງຊື່ໆ ຈາກນັ້ນໃຫ້ຫງ່ຽງຫົວໄປດ້ານໃດດ້ານໜຶ່ງຊ້າໆ ເມື່ອເລີ່ມຮູ້ສຶກວ່າ ບ່າ ຫຼື ຄໍຕຶງຂຶ້ນແລ້ວ ໃຫ້ຢຸດຄ້າງໄວ້ 10 ວິນາທີ ແລະເມື່ອຮູ້ສຶກວ່າກ້າມຊີ້ນຫາຍຕຶງໃຫ້ຫງ່ຽງຫົວໄປດ້ານເກົ່າ ພ້ອມທັງເຮັດແບບເກົ່າເພີ່ມຂຶ້ນອີກ ຈົນກວ່າຈະຮູ້ສຶກຕຶງແລ້ວຄ້າງໄວ້ 10 ວິນາທີ ກ່ອນທີ່ຈະຫງ່ຽງກັບມາໃນທ່າຊື່. ເວລາປະຕິບັດທ່ານີ້ ເມື່ອຮູູ້ສຶກວິນຫົວ ໃຫ້ພັກ 5 ນາທີ ກ່ອນທີ່ຈະເຮັດທ່າເກົ່າອີກ, ຖ້າຍັງມີອາການແບບເກົ່າ ໃຫ້ໄປປຶກສາແພດ.
ທ່າທີ 3: ນັ່ງໃຫ້ຫຼັງຊື່ໆ ຍົກບ່າໄຫຼ່ໃຫ້ສູງຂຶ້ນເທົ່າທີ່ຈະສູງໄດ້ ຄ້າງໄວ້ 5 ວິນາທີ ແລ້ວເອົາບ່າໄຫຼ່ລົງ ຈະຮູ້ສຶກວ່າກ້າມຊີ້ນບໍລິເວນບ່າຜ່ອນຄາຍ ແລ້ວໃຫ້ເຮັດຄືເກົ່າ 3-5 ຄັ້ງ.
ທ່າທີ 4: ຢຽດແຂນຂວາອອກໄປທາງໜ້າ ຫັນຝາມືອອກນອກຕົນໂຕ ຈາກນັ້ນເອົາມືຊ້າຍຍູ້ເອົານິ້ວມືຂວາ ໃຫ້ໂຄ້ງເຂົ້າມາຫາລຳໂຕ ເພື່ອເຮັດໃຫ້ຂໍ້ສອກທາງໃນຕຶງຂຶ້ນ ໃຫ້ຄ້າງໄວ້ 10 ວິນາທີ ແລ້ວລອງເຮັດອີກ.
ທ່າທີ 5: ເປັນການນວດຝາມືຊ້າຍ ດວຍນີ້ວໂປ້ຂວາ ໂດຍການເນັ້ນລົົງໄປຊື່ໆເທິງຝາມື ແລ້ວໝຸນນີ້ວໂປ້ ເປັນວົງມົນ 3 ຮອບ ຈາກນັ້ນເລື່ອນນີ້ວໂປ້ໄປບ່ອນຈຸດອື່ນໆເທິງຝາມືມຊ້າຍຈົນທົ່ວຝາມື ແລ້ວໃຫ້ສະຫຼັບການເຮັດທ່າເກົ່ານີ້ໄປເຮັດອີກເບື້ອງໜຶ່ງແບບວິທີດຽວກັນ ແຕ່ຄວນລະວັງຢ່າໃຫ້ກາຍເປັນການຖູເອົາເດັດຂາດ.
ທ່າທີ 6: ໃຊ້ມືຂວາດຶງນິ້ວໂປ້ຊ້າຍເຂົ້າຫາໂຕ ຈົນຮູ້ສຶກວ່າບໍລິເວນອົ້ງມື ແລະຂໍ້ນິ້ວໂປ້ຕຶງຂຶ້ນ ຄ້າງໄວ້ 5 ວິນາທີ ກ່ອນທີ່ຈະເຊົາແລ້ວໄປເຮັດອີກໃນເບື້ອງໜຶ່ງ.
ທ່າທີ 7: ເປັນການບໍລິຫານທັງ 2 ມືພ້ອມດຽວກັນ ໂດຍເລີ່ມຈາກການມືໃຫ້ແໜ້ນທີ່ສຸດ ຄ້າງໄວ້ 5 ວິນາທີ ແລ້ວຄ່ອຍມາຍອອກຈາກກາງນີ້ວມື ຄ້າງໄວ້ອີກ 5 ວິນາທີ ກ່ອນທີ່ຈະມາຍຝາມືອອກ ກັບມາຢູ່ໃນທ່າປົກກະຕິ. ຈາກນັ້ນ ໃຫ້ເຮັດແບບເກົ່າອີກ 2-3 ເທື່ອ ຈະເປັນການຜ່ອນຄາຍບໍລິເວນນີ້ວມື ແລະ ຝາມື.
Hits: 7
