Sunday, May 19, 2024
Lenovo

ໃຫ້ຊີວິດໃໝ່ ພ້ອມອາຊີບໃໝ່

ຍິງສາວທີ່ຕົກ​ເປັນ​ເຫຍື່ອ​ຂອງ​ການ​ຄ້າ​ມະນຸດ ປຽບກັບວ່າ ພວກເຂົາໄດ້ຕົກນະຮົກໄປແລ້ວ ແລະ ເມື່ອໄດ້ຮັບການຊ່ວຍເຫຼືອ ກໍປຽບກັບວ່າ ພວກນາງໄດ້ຮັບຊີວິດໃໝ່ຄືນມາອີກຄັ້ງ. ການຄ້າມະນຸດ ໃນທີ່ນີ້ສ່ວນໃຫຍ່ກໍແມ່ນການຄ້າປະເວນີ ນັ້ນລະ.

ແຕ່ວ່າໄລຍະຜ່ານໆມາ ເມື່ອໄດ້ຮັບການຊ່ວຍເຫຼືອຈາກ “ນະຮົກ” ແລ້ວກັບມາບ້ານເກີດ ຍິງສາວສ່ວນໃຫຍ່ ມັກຈະເປັນຄົນວ່າງງານ ເພາະມັກຈະມີປົມດ້ອຍໃນໂຕເອງ ທີ່ຈະປະກອບອາຊີບຕ່າງໆ. ດັ່ງນັ້ນ ການມີອົງກອນໃດໜຶ່ງ ຫຼື ໂຄງການໃດໜຶ່ງເຂົ້າມາຊ່ວຍເຫຼືອ ຖືເປັນເລື່ອງດີທີ່ສຸດ.

​ໂຄງການ​ບ້ານ​ຈຸດ​ສຸມ ຫຼື Village Focus International (VFI) ກໍ​ເປັນ​ອີກ​ໂຄງການ​ໜຶ່ງ​ ທີ່ໃຫ້ການຊ່ວຍເຫຼືອແກ່ຍິງສາວ ທີ່ຖືກຊ່ວຍມາຈາກການຄ້າມະນຸດ.

ທ່ານນາງ ກອງ​ແສງ ປ່ຽງປັນຍາ

ທ່ານນາງ ກອງ​ແສງ ປ່ຽງປັນຍາ, ຫົວໜ້າ​ແຜນ​ງານ ປົກ​ປ້ອງ ​ແລະ ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ​ເດັກນ້ອຍ ກ່າວວ່າ: ​ໂຄງການນີ້​ເກີດ​ຂຶ້ນ ເມື່ອປີ 2001 ​ຍ້ອນ​ການ​ຮ່ວມ​ມືລະຫວ່າງ​ຄົນ​ລາວ ​ແລະ ​ຕ່າງປະ​ເທດ ທີ່​ເຄີຍມາ​ເຮັດ​ວຽກ​ກ່ຽວ​ກັບ​ການ​ພັດທະນາ ຢູ່ລາວ ​ຮ່ວມ​ກັນມາ​ໄດ້ 10 ກວ່າ​ປີ​ແລ້ວ. ໂຄງການໄດ້​ມີ​ການວາງ​​ແຜນ ໃນ​ການ​ພັດທະນາ​ຢູ່ 3 ດ້ານ​ ​ຄື:  ​ການ​ສຶກສາ, ​ສາທາລະນະ​ສຸກ ​ແລະ​ການ​ສົ່ງ​ເສີມ​ກະສິກຳ​ຍືນ​ຍົງ. ເຂດ​ເປົ້າ​ໝາຍ​ທຳ​ອິດ​ແມ່ນ​ຢູ່ 4 ​ເມືອງ ​ຂອງ​ແຂວງ ສາລະ​ວັນ ຄື: ​ເລົ່າ​ງາມ, ສາລະ​ວັນ, ຕະ​ໂອ້​ຍ ​ແລະ ສະ​ໝ້ວຍ.

​ໃນປີ 2003 ໄດ້​ສ້າງ​​ໂຄງການ​ຂຶ້ນ​ມາ​ອີກ 2 ​ໂຄງການ​ ຄື: ​ໂຄງການປົກ​ປ້ອງ ​ແລະ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ​ເດັກນ້ອຍ ​ແລະ ​ໂຄງການ​ທີ່​ດິນ ​ແລະ ຊຸມ​ຊົນ. ​ໂຄງການ​ປົກ​ປ້ອງ ​ແລະ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ​ເດັກນ້ອຍ​ ເກີດ​ຂຶ້ນໄດ້ ກໍ​ຍ້ອນ​ວ່າ: ​ໃນ​ປີ 2002 ​ໄດ້​ມີ​ການ​ລົງ​ສຳ​ຫຼວດ ກ່ຽວ​ກັບ​ການ​ໄປ​ເຮັດ​ວຽກ​ຢູ່​ທີ່​ປະ​ເທດ​ເພື່ອນ​ບ້ານ ຂອງ​ເດັກນ້ອຍ​ແມ່ຍິງ​ໃນ​ເຂດ​ຫ່າງ​ໄກ​ສອກຫຼີກ ຊຶ່ງ​ເຫັນ​ໄດ້​ວ່າ ​ພວກ​ເຂົາ​ມີ​ຄວາມ​ສ່ຽງ ​ໃນ​ການ​ຕົກ​ເປັນ​ເຫຍື່ອການ​ຄ້າ​ມະນຸດ​ສູງ.

ຕົກ​ມາ​ປີ 2008 ພວກ​ເຮົາ​ໄດ້​ທຶນ​ຈາກ​ອົງການດາ​ດາ​ຊອງ ​ເນ​ເທີ​ແລນ ​ເພີ່ມ​ຂຶ້ນ ​​​ແລະ ​ໄດ້​ສ້າງ​ສູນ​ຝຶກ​ອົບຮົມ​ວິຊາ​ຊີບ ​ໃຫ້​ແກ່​ເດັກນ້ອຍ​ແມ່ຍິງຜູ້​ດ້ອຍ​ໂອກາດ ​ແລະຜູ້ທີ່​ຕົກ​ເປັນ​ເຫຍື່ອ​ຈາກ​ການ​ຄ້າ​ມະນຸດ ​ທີ່​ເມືອງ ປາກ​ເຊ ​ແຂວງ ຈຳປາ​ສັກ.

ທ່ານນາງ ກອງ​ແສງ ກ່າວວ່າ: ຊ່ອງ​ທາງ​ທີ່​ເດັກນ້ອຍ ຈະ​ໄດ້​ເຂົ້າ​ມາ​ທີ່​ສູນ ​ແມ່ນ​ມີ​ຫຼາຍ​ຊ່ອງ​ທາງ ​ເຊັ່ນ ​ເດັກນ້ອຍ​ທີ່​ຕົກ​ເປັນ​ເຫຍື່ອ​ການ​ຄ້າ​ມະນຸດ ​ທີ່​ກັບ​ມາ​ແບບ​ເປັນ​ທາງ​ການ ​ໂດຍ​ຜ່ານ​ການ​ຮ່ວມ​ມື​ຂໍ້​ຕົກລົງບົດ​ບັນທຶກ​ຊ່ວຍ​ຈຳ ​ລະຫວ່າງ ສປປ ລາວ ​ແລະ ປະ​ເທດ​ເພື່ອນ​ບ້ານ ​ທີ່​ໄດ້​ເຂົ້າ​ໄປ​ຊ່ວຍ​​ເຫຼືອເດັກນ້ອຍ ທີ່​ຖືກ​ຂົ່ມ​ເຫັງຈາກ​ການ​ຄ້າ​ມະນຸດ ຊຶ່ງ​ແມ່ນ​ກະຊວງ​ແຮງ​ງານ ແລະສະຫວັດດີການສັງຄົມ ​ເປັນ​ຜູ້​ຮັບ​ເອົາ. ອີກ​ກໍລະນີ​ໜຶ່ງ ​ແມ່ນ​​ການປຸກລະດົມ​​ແຮງ​ງານ​ເຄື່ອນ​ຍ້າຍ ທີ່​ຖືກ​ຕຳຫຼວດ​ຈັບ​ໄດ້ ຕັ້ງແຕ່ຕອນທີ່​ເຂົາເຈົ້າ​ຍັງ​ບໍ່​​ໄດ້​ຕົກ​ເປັນ​ເຫຍື່ອ​ການ​ຄ້າ​ມະນຸດ.

​ “ເມື່ອເຂົ້າມາຢູ່ສູນ ພວກເຂົາຈະ​ໄດ້​ຮັບ​ການ​ປົວ​ແປງ​ທາງ​ດ້ານ​ຈິດ​ໃຈ, ໄດ້ຮຽນ​ວິຊາ​ຊີບ​ຕ່າງໆ​ ​ເພື່ອ​ນຳ​ເອົາ​ໄປ​ປະກອບອາ​ຊີບໂດຍ​ບໍ່​ໄດ້​ເສຍ​ຄ່າ​ໃຊ້​ຈ່າຍ​ຫຍັງ​,” ທ່ານນາງ ກອງ​ແສງ ກ່າວ.

​ວິຊາ​ຊີບ ​ທີ່​ໄດ້​ສອນ​ໃນສູນດັ່ງກ່າວ ກໍລວມມີ: ​ຕັດຫຍິບ, ​ຕຳ່ຫູກ, ເສີມ​ສວຍ, ການ​ປຸງ​ແຕ່ງອາຫານ​, ການ​ແປ​ຮູບ​ອາຫານ​ໃຫ້​ເປັນ​ຜະລິດ​ຕະພັນ, ການ​ປູກຝັງ ​​ແລະລ້ຽງ​ສັດ. ນອກຈາກນີ້ ​ຍັງມີການ​ສອນ​ໃຫ້​ຮູ້​ທັກ​ສະ​ໃນ​ການ​ໃຊ້​ຊີວິດຮ່ວມ​ກັນ​ແນວ​ໃດ, ການ​ຮັກສາ​ສຸຂະພາບ​ ໃນ​ໄວ​ຈະ​ເລີ​ນພັນ, ຮຽນ​ຮູ້​ກ່ຽວ​ກັບ​ຜົນ​ຮ້າຍ​ຂອງ​ໂຣກ​ຕິດ​ຕໍ່​ທາງ​ເພດ​ສຳພັນ ​ແລະ ການ​ພະຍາບານ​ຂັ້ນ​ຕົ້ນ.

​“ແຕ່ວ່າເດັກສ່ວນໃຫຍ່​ທີ່​ເຂົ້າ​ມາ​ສູນ ​ຈະ​ຕ້ອງ​ໄດ້​ຮຽນ​ພາສາ​ລາວ​ຄືນ​ໃໝ່ ​ເພາະ​ເຂົາເຈົ້າມັກຈະ​ອອກ​ໂຮງຮຽນ​ຕັ້ງ​ແຕ່​ ປ3,” ທ່ານນາງ ກອງ​ແສງ ກ່າວເພີ່ມ.

​ຕັ້ງ​ແຕ່​ປີ 2008 ມານີ້ ​ມີ​ຜູ້​ເຂົ້າ​ຮ່ວມ​ຝຶກ​ວິຊາ​ຊີບ ​ຢູ່​ສູນ​ປະມານ 200 ກວ່າ​ຄົນ, ​ອາຍຸສະເລ່ຍແມ່ນຕຳ່ກວ່າ 25 ປີລົງມາ, ທາງ​ສູນ​ ສາມາດ​ຮັບ​ເດັກນ້ອຍ​ເຂົ້າ​ໄດ້ຄັ້ງລະ 35 ຄົນ. ​ປີ​ໜຶ່ງ ​ຈະ​ມີ​ເດັກນ້ອຍ​ເຂົ້າ​ຝຶກ​ວິຊາ​ຊີບ​ຢູ່​ສູນ​ປະມານ 90 ຫາ 100 ຄົນ.

ເມື່ອຖາມວ່າ ຜູ້ທີ່ຮຽນຈົບອອກໄປ ທາງສູນໄດ້ມີການຕິດຕາມຄືແນວໃດ?

ທ່ານນາງ ກອງ​ແສງ ຕອບວ່າ: ​ທາງ​ສູນ​​ໄດ້​ມີ​ການ​ຕິດຕາມ​ທຸກໆ 1 ຫາ 3 ​ເດືອນ ​ຈົນ​ຄົບ 2 ປີ ​ເນື່ອງ​ຈາກ​ວ່າ ​ຖ້າເຂົາເຈົ້າ​ບໍ່​ສາມາດ​ລ້ຽງ​ຊີບ​​ໂຕ​ເອງ​ໄດ້ ​ແລະຢາກ​ກັບ​ມາ​ຝຶກ​ວິຊາ​ຊີບ​ອີກ ​ພວກ​ເຮົາ​ກໍຈະ​ຮັບ. ແຕ່ວ່າ​ສ່ວນ​ໃຫຍ່ແລ້ວ ເມື່ອ​ຈົບ​ອອກ​ໄປ​ແມ່ນ​ໄດ້​ປະສົບ​ຜົນສຳ​ເລັດ​ເກືອບ 70%.

“ໃນໂອກາດນີ້ ຂ້າພະເຈົ້າ ຢາກ​ສະ​ເໜີ​ໃຫ້​ທາງ​ພາກ​ລັດ​ ​ແລະ​ເອກະ​ຊົນ ຊ່ວຍ​​​ການກວດ​ລ້າງ​ນາຍ​ໜ້າ ​ທີ່​ໄປ​ຕົວະ​ຍົວະ​ເດັກນ້ອຍ​ໄປ​ຂາຍ ​ເພາະ​ຍັງ​ມີ​ເດັກນ້ອຍອີກ​ຫຼາຍຄົນ​ທີ່​ຍັງ​ຕົກ​ເປັນ​ເຫຍື່ອ​ກຸ່ມ​ຄົນ​ເຫຼົ່າ​ນີ້ ​ແລະ ຍັງ​ບໍ່​ທັນ​ໄດ້​ຮັບ​ການ​ຊ່ວຍ​ເຫຼືອ​ອອກ​ມາ​ເທື່ອ,” ທ່ານ​ນາງ ກອງ​ແສງ ກ່າວ.

ຍິງສາວທີ່ຕົກ​ເປັນ​ເຫຍື່ອ​ຂອງ​ການ​ຄ້າ​ມະນຸດ ປຽບກັບວ່າ ພວກເຂົາໄດ້ຕົກນະຮົກໄປແລ້ວ ແລະ ເມື່ອໄດ້ຮັບການຊ່ວຍເຫຼືອ ກໍປຽບກັບວ່າ ພວກນາງໄດ້ຮັບຊີວິດໃໝ່ຄືນມາອີກຄັ້ງ. ການຄ້າມະນຸດ ໃນທີ່ນີ້ສ່ວນໃຫຍ່ກໍແມ່ນການຄ້າປະເວນີ ນັ້ນລະ.

ແຕ່ວ່າໄລຍະຜ່ານໆມາ ເມື່ອໄດ້ຮັບການຊ່ວຍເຫຼືອຈາກ “ນະຮົກ” ແລ້ວກັບມາບ້ານເກີດ ຍິງສາວສ່ວນໃຫຍ່ ມັກຈະເປັນຄົນວ່າງງານ ເພາະມັກຈະມີປົມດ້ອຍໃນໂຕເອງ ທີ່ຈະປະກອບອາຊີບຕ່າງໆ. ດັ່ງນັ້ນ ການມີອົງກອນໃດໜຶ່ງ ຫຼື ໂຄງການໃດໜຶ່ງເຂົ້າມາຊ່ວຍເຫຼືອ ຖືເປັນເລື່ອງດີທີ່ສຸດ.

​ໂຄງການ​ບ້ານ​ຈຸດ​ສຸມ ຫຼື Village Focus International (VFI) ກໍ​ເປັນ​ອີກ​ໂຄງການ​ໜຶ່ງ​ ທີ່ໃຫ້ການຊ່ວຍເຫຼືອແກ່ຍິງສາວ ທີ່ຖືກຊ່ວຍມາຈາກການຄ້າມະນຸດ.

ທ່ານນາງ ກອງ​ແສງ ປ່ຽງປັນຍາ

ທ່ານນາງ ກອງ​ແສງ ປ່ຽງປັນຍາ, ຫົວໜ້າ​ແຜນ​ງານ ປົກ​ປ້ອງ ​ແລະ ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ​ເດັກນ້ອຍ ກ່າວວ່າ: ​ໂຄງການນີ້​ເກີດ​ຂຶ້ນ ເມື່ອປີ 2001 ​ຍ້ອນ​ການ​ຮ່ວມ​ມືລະຫວ່າງ​ຄົນ​ລາວ ​ແລະ ​ຕ່າງປະ​ເທດ ທີ່​ເຄີຍມາ​ເຮັດ​ວຽກ​ກ່ຽວ​ກັບ​ການ​ພັດທະນາ ຢູ່ລາວ ​ຮ່ວມ​ກັນມາ​ໄດ້ 10 ກວ່າ​ປີ​ແລ້ວ. ໂຄງການໄດ້​ມີ​ການວາງ​​ແຜນ ໃນ​ການ​ພັດທະນາ​ຢູ່ 3 ດ້ານ​ ​ຄື:  ​ການ​ສຶກສາ, ​ສາທາລະນະ​ສຸກ ​ແລະ​ການ​ສົ່ງ​ເສີມ​ກະສິກຳ​ຍືນ​ຍົງ. ເຂດ​ເປົ້າ​ໝາຍ​ທຳ​ອິດ​ແມ່ນ​ຢູ່ 4 ​ເມືອງ ​ຂອງ​ແຂວງ ສາລະ​ວັນ ຄື: ​ເລົ່າ​ງາມ, ສາລະ​ວັນ, ຕະ​ໂອ້​ຍ ​ແລະ ສະ​ໝ້ວຍ.

​ໃນປີ 2003 ໄດ້​ສ້າງ​​ໂຄງການ​ຂຶ້ນ​ມາ​ອີກ 2 ​ໂຄງການ​ ຄື: ​ໂຄງການປົກ​ປ້ອງ ​ແລະ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ​ເດັກນ້ອຍ ​ແລະ ​ໂຄງການ​ທີ່​ດິນ ​ແລະ ຊຸມ​ຊົນ. ​ໂຄງການ​ປົກ​ປ້ອງ ​ແລະ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ​ເດັກນ້ອຍ​ ເກີດ​ຂຶ້ນໄດ້ ກໍ​ຍ້ອນ​ວ່າ: ​ໃນ​ປີ 2002 ​ໄດ້​ມີ​ການ​ລົງ​ສຳ​ຫຼວດ ກ່ຽວ​ກັບ​ການ​ໄປ​ເຮັດ​ວຽກ​ຢູ່​ທີ່​ປະ​ເທດ​ເພື່ອນ​ບ້ານ ຂອງ​ເດັກນ້ອຍ​ແມ່ຍິງ​ໃນ​ເຂດ​ຫ່າງ​ໄກ​ສອກຫຼີກ ຊຶ່ງ​ເຫັນ​ໄດ້​ວ່າ ​ພວກ​ເຂົາ​ມີ​ຄວາມ​ສ່ຽງ ​ໃນ​ການ​ຕົກ​ເປັນ​ເຫຍື່ອການ​ຄ້າ​ມະນຸດ​ສູງ.

ຕົກ​ມາ​ປີ 2008 ພວກ​ເຮົາ​ໄດ້​ທຶນ​ຈາກ​ອົງການດາ​ດາ​ຊອງ ​ເນ​ເທີ​ແລນ ​ເພີ່ມ​ຂຶ້ນ ​​​ແລະ ​ໄດ້​ສ້າງ​ສູນ​ຝຶກ​ອົບຮົມ​ວິຊາ​ຊີບ ​ໃຫ້​ແກ່​ເດັກນ້ອຍ​ແມ່ຍິງຜູ້​ດ້ອຍ​ໂອກາດ ​ແລະຜູ້ທີ່​ຕົກ​ເປັນ​ເຫຍື່ອ​ຈາກ​ການ​ຄ້າ​ມະນຸດ ​ທີ່​ເມືອງ ປາກ​ເຊ ​ແຂວງ ຈຳປາ​ສັກ.

ທ່ານນາງ ກອງ​ແສງ ກ່າວວ່າ: ຊ່ອງ​ທາງ​ທີ່​ເດັກນ້ອຍ ຈະ​ໄດ້​ເຂົ້າ​ມາ​ທີ່​ສູນ ​ແມ່ນ​ມີ​ຫຼາຍ​ຊ່ອງ​ທາງ ​ເຊັ່ນ ​ເດັກນ້ອຍ​ທີ່​ຕົກ​ເປັນ​ເຫຍື່ອ​ການ​ຄ້າ​ມະນຸດ ​ທີ່​ກັບ​ມາ​ແບບ​ເປັນ​ທາງ​ການ ​ໂດຍ​ຜ່ານ​ການ​ຮ່ວມ​ມື​ຂໍ້​ຕົກລົງບົດ​ບັນທຶກ​ຊ່ວຍ​ຈຳ ​ລະຫວ່າງ ສປປ ລາວ ​ແລະ ປະ​ເທດ​ເພື່ອນ​ບ້ານ ​ທີ່​ໄດ້​ເຂົ້າ​ໄປ​ຊ່ວຍ​​ເຫຼືອເດັກນ້ອຍ ທີ່​ຖືກ​ຂົ່ມ​ເຫັງຈາກ​ການ​ຄ້າ​ມະນຸດ ຊຶ່ງ​ແມ່ນ​ກະຊວງ​ແຮງ​ງານ ແລະສະຫວັດດີການສັງຄົມ ​ເປັນ​ຜູ້​ຮັບ​ເອົາ. ອີກ​ກໍລະນີ​ໜຶ່ງ ​ແມ່ນ​​ການປຸກລະດົມ​​ແຮງ​ງານ​ເຄື່ອນ​ຍ້າຍ ທີ່​ຖືກ​ຕຳຫຼວດ​ຈັບ​ໄດ້ ຕັ້ງແຕ່ຕອນທີ່​ເຂົາເຈົ້າ​ຍັງ​ບໍ່​​ໄດ້​ຕົກ​ເປັນ​ເຫຍື່ອ​ການ​ຄ້າ​ມະນຸດ.

​ “ເມື່ອເຂົ້າມາຢູ່ສູນ ພວກເຂົາຈະ​ໄດ້​ຮັບ​ການ​ປົວ​ແປງ​ທາງ​ດ້ານ​ຈິດ​ໃຈ, ໄດ້ຮຽນ​ວິຊາ​ຊີບ​ຕ່າງໆ​ ​ເພື່ອ​ນຳ​ເອົາ​ໄປ​ປະກອບອາ​ຊີບໂດຍ​ບໍ່​ໄດ້​ເສຍ​ຄ່າ​ໃຊ້​ຈ່າຍ​ຫຍັງ​,” ທ່ານນາງ ກອງ​ແສງ ກ່າວ.

​ວິຊາ​ຊີບ ​ທີ່​ໄດ້​ສອນ​ໃນສູນດັ່ງກ່າວ ກໍລວມມີ: ​ຕັດຫຍິບ, ​ຕຳ່ຫູກ, ເສີມ​ສວຍ, ການ​ປຸງ​ແຕ່ງອາຫານ​, ການ​ແປ​ຮູບ​ອາຫານ​ໃຫ້​ເປັນ​ຜະລິດ​ຕະພັນ, ການ​ປູກຝັງ ​​ແລະລ້ຽງ​ສັດ. ນອກຈາກນີ້ ​ຍັງມີການ​ສອນ​ໃຫ້​ຮູ້​ທັກ​ສະ​ໃນ​ການ​ໃຊ້​ຊີວິດຮ່ວມ​ກັນ​ແນວ​ໃດ, ການ​ຮັກສາ​ສຸຂະພາບ​ ໃນ​ໄວ​ຈະ​ເລີ​ນພັນ, ຮຽນ​ຮູ້​ກ່ຽວ​ກັບ​ຜົນ​ຮ້າຍ​ຂອງ​ໂຣກ​ຕິດ​ຕໍ່​ທາງ​ເພດ​ສຳພັນ ​ແລະ ການ​ພະຍາບານ​ຂັ້ນ​ຕົ້ນ.

​“ແຕ່ວ່າເດັກສ່ວນໃຫຍ່​ທີ່​ເຂົ້າ​ມາ​ສູນ ​ຈະ​ຕ້ອງ​ໄດ້​ຮຽນ​ພາສາ​ລາວ​ຄືນ​ໃໝ່ ​ເພາະ​ເຂົາເຈົ້າມັກຈະ​ອອກ​ໂຮງຮຽນ​ຕັ້ງ​ແຕ່​ ປ3,” ທ່ານນາງ ກອງ​ແສງ ກ່າວເພີ່ມ.

​ຕັ້ງ​ແຕ່​ປີ 2008 ມານີ້ ​ມີ​ຜູ້​ເຂົ້າ​ຮ່ວມ​ຝຶກ​ວິຊາ​ຊີບ ​ຢູ່​ສູນ​ປະມານ 200 ກວ່າ​ຄົນ, ​ອາຍຸສະເລ່ຍແມ່ນຕຳ່ກວ່າ 25 ປີລົງມາ, ທາງ​ສູນ​ ສາມາດ​ຮັບ​ເດັກນ້ອຍ​ເຂົ້າ​ໄດ້ຄັ້ງລະ 35 ຄົນ. ​ປີ​ໜຶ່ງ ​ຈະ​ມີ​ເດັກນ້ອຍ​ເຂົ້າ​ຝຶກ​ວິຊາ​ຊີບ​ຢູ່​ສູນ​ປະມານ 90 ຫາ 100 ຄົນ.

ເມື່ອຖາມວ່າ ຜູ້ທີ່ຮຽນຈົບອອກໄປ ທາງສູນໄດ້ມີການຕິດຕາມຄືແນວໃດ?

ທ່ານນາງ ກອງ​ແສງ ຕອບວ່າ: ​ທາງ​ສູນ​​ໄດ້​ມີ​ການ​ຕິດຕາມ​ທຸກໆ 1 ຫາ 3 ​ເດືອນ ​ຈົນ​ຄົບ 2 ປີ ​ເນື່ອງ​ຈາກ​ວ່າ ​ຖ້າເຂົາເຈົ້າ​ບໍ່​ສາມາດ​ລ້ຽງ​ຊີບ​​ໂຕ​ເອງ​ໄດ້ ​ແລະຢາກ​ກັບ​ມາ​ຝຶກ​ວິຊາ​ຊີບ​ອີກ ​ພວກ​ເຮົາ​ກໍຈະ​ຮັບ. ແຕ່ວ່າ​ສ່ວນ​ໃຫຍ່ແລ້ວ ເມື່ອ​ຈົບ​ອອກ​ໄປ​ແມ່ນ​ໄດ້​ປະສົບ​ຜົນສຳ​ເລັດ​ເກືອບ 70%.

“ໃນໂອກາດນີ້ ຂ້າພະເຈົ້າ ຢາກ​ສະ​ເໜີ​ໃຫ້​ທາງ​ພາກ​ລັດ​ ​ແລະ​ເອກະ​ຊົນ ຊ່ວຍ​​​ການກວດ​ລ້າງ​ນາຍ​ໜ້າ ​ທີ່​ໄປ​ຕົວະ​ຍົວະ​ເດັກນ້ອຍ​ໄປ​ຂາຍ ​ເພາະ​ຍັງ​ມີ​ເດັກນ້ອຍອີກ​ຫຼາຍຄົນ​ທີ່​ຍັງ​ຕົກ​ເປັນ​ເຫຍື່ອ​ກຸ່ມ​ຄົນ​ເຫຼົ່າ​ນີ້ ​ແລະ ຍັງ​ບໍ່​ທັນ​ໄດ້​ຮັບ​ການ​ຊ່ວຍ​ເຫຼືອ​ອອກ​ມາ​ເທື່ອ,” ທ່ານ​ນາງ ກອງ​ແສງ ກ່າວ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ອາຫານທຸກຄາບມີຜົນຕໍ່ການນອນຫຼັບ

ການນອນຫຼັບ ເປັນການພັກຜ່ອນດີທີ່ສຸດສຳລັບຮ່າງກາຍ ເພາະຊ່ວຍເພີ່ມ ແລະຮັກສາປະສິດທິພາບ ການເຮັດວຽກຂອງອະໄວຍະວະຕ່າງໆ ໃຫ້ສົມບູນແຂງແຮງ. ໃນຂະນະດຽວກັນຜົນເສຍຂອງການນອນບໍ່ພຽງພໍ ຈະເຮັດໃຫ້ຈຸລັງຕ່າງໆ ເສື່ອມສະພາບ, ນຳ້ໜັກເພີ່ມ, ບໍ່ສົດຊື່ນ, ອ່ອນເພຍ ແລະອາລົມປ່ຽນແປງງ່າຍ. ໜຶ່ງໃນເຄັດລັບທີ່ເຮັດໃຫ້ທ່ານນອນຫຼັບໄດ້ດີກໍຄື ອາຫານທຸກຄາບທີ່ທ່ານກິນເຂົ້າໄປນັ້ນເອງ.

ເປີດແອ ນອນຫຼັບໃນລົດ “ສ່ຽງເສຍຊີວິດ”

ຖ້າໃຜຮູ້ໂຕວ່າ ໂຕເອງຕ້ອງຂັບລົດໄກໆ ສິ່ງທຳອິດທີ່ຄວນຄຳນຶງ ກໍຄື ການພັກຜ່ອນໃຫ້ພຽງພໍ ເພື່ອໃຫ້ໄດ້ມີສະຕິທີ່ດີ, ບໍ່ຫຼັບໃນ. ຖ້າພັກຜ່ອນມາບໍ່ພຽງພໍ ຮ່າງກາຍຈະອ່ອນເພຍ ຮູ້ສຶກເຫງົານອນຈົນຕ້ອງຢຸດນອນພັກຜ່ອນແຄມທາງ ຊຶ່ງມັນເປັນສິ່ງທີ່ອັນຕະລາຍທີ່ສຸດຂອງການນອນໃນລົດ, ແຕ່ດ້ວຍຄວາມຮັກສະບາຍ ຄົນສ່ວນຫຼາຍຈຶ່ງເລືອກທີ່ຈະເປີດແອລົດປະໄວ້ຂະນະນອນຫຼັບນັ້ນ ຖືເປັນສິ່ງອັນຕະລາຍຕໍ່ຊີວິດ.

ປະໂຫຍດຈາກ “ຜັກຂະ” ຜັກພື້ນບ້ານຂອງລາວ

ຜັກຂະ ຫຼື ຜັກເນົ່າ ເປັນຜັກພື້ນບ້ານຂອງລາວ ປະຊາຊົນຊາວລາວນິຍົມປູກໄວ້ຕາມແຄມຮົ້ວເຮືອນຂອງຕົນເອງ ໂດຍຄຸນລັກສະນະເດັ່ນຂອງ "ຜັກຂະ" ກໍຄື ເປັນພືດຕະກູນຖົ່ວທີ່ມີໜາມແຫຼມຄົມຕາມກິ່ງກ້ານ, ມີກິ່ນຮຸນແຮງ ບາງທ້ອງຖິ່ນເອີ້ນ ຜັກຂະຕາມກິ່ນວ່າ “ຜັກເນົ່າ”.