Saturday, April 26, 2025
Kbank Laos โอน รับ จ่าย

ມາຮູ້ຈັກກັບ IP ຄ່າມາດຕະຖານໃນການປ້ອງກັນຝຸ່ນ ແລະ ກັນນໍ້າ

IP ຫຍໍ້ມາຈາກ ຄຳວ່າ International Protection Standard ຫຼືວ່າ ຄ່າມາດຕະຖານໃນການປ້ອງກັນຝຸ່ນ ແລະ ນໍ້າ ຂອງເຄື່ອງໃຊ້ໄຟຟ້າ, ກ່ອນຈະໄປຫຼິ້ນປີໃໝ່ລາວ ຈົນເຮັດໃຫ້ນ້ຳເຂົ້າໂທລະສັບມືຖື ມາທຳຄວາມຮູ້ຈັກຄ່າຂອງ IP ໃຫ້ລະອຽດກ່ອນ ຈຶ່ງຈະສາມາດຮູ້ໄດ້ວ່າ ເຄື່ອງໂທລະສັບທີ່ເຮົົາໃຊ້ຢູ່ນັ້ນ ສາມາດປ້ອງກັນນໍ້າໄດ້ໃນລະດັບໃດ?

ສຳລັບຕົວເລກການປ້ອງກັນ ແມ່ນຈະຂຶ້ນຢູ່ກັບແຕ່ລະດັບເຊັ່ນ IP54, IP65, IP66, IP67, IP68 ເຊິ່ງຕົວເລກທັງສອງໂຕທີ່ຢູ່ດ້ານຫຼັງ IPxy ແມ່ນຄ່າທີ່ບົ່ງບອກເຖິງການປ້ອງກັນຂອງແຂງ ແລະ ການປ້ອງກັນຂອງແຫຼວ.

ລະດັບການປ້ອງກັນຕໍ່ຂອງແຂງ ຫຼື ຝຸ່ນ (X) 7 ລະດັບເຊິ່ງມີລາຍລະອຽດ ດັ່ງນີ້:

  • 0 ປ້ອງກັນບໍ່ໄດ້ເລີຍ
  • 1 ປ້ອງກັນຂອງແຂງຂະໜາດ 50 ມມ ໄດ້
  • 2 ປ້ອງກັນຂອງແຂງຂະໜາດ 12 ມມ ໄດ້
  • 3 ປ້ອງກັນຂອງແຂງຂະໜາດ 2.5 ມມ ໄດ້
  • 4 ປ້ອງກັນຂອງແຂງຂະໜາດ 1 ມມ ໄດ້
  • 5 ປ້ອງກັນຝຸ່ນລະດັບໃນລະດັບໜຶ່ງ
  • 6 ປ້ອງກັນຝຸ່ນລະອອງໄດ້ແບບສົມບູນ

ລະດັບການປ້ອງກັນຕໍ່ຂອງແຫຼວ ຫຼື ນໍ້າ (Y) 9 ລະດັບເຊິ່ງມີລາຍລະອຽດ ດັ່ງນີ້:

  • 0 ນໍ້າເຂົ້າສະບາຍ
  • 1 ສາມາດປ້ອງກັນຢອດນໍ້າໃນແນວຕັ້ງໄດ້ເຊັ່ນ: ຢອດນໍ້າຕົກໃສ່
  • 2 ສາມາດປ້ອງກັນຢອດນໍ້າໃນລວງອ່ຽງໄດ້ 15 ອົງສາ ເຊັ່ນ: ຢອດນໍ້າຈາກຝົນ
  • 3 ສາມາດປ້ອງກັນຢອດນໍ້າໃນລວງອ່ຽງໄດ້ 60 ອົງສາ ເຊັ່ນ: ຝົນຕົກ (ແຕ່ນໍ້າຍັງມີໂອກາດສາມາດເຂົ້າໄດ້)
  • 4 ສາມາດປ້ອງກັນລະອອງນໍ້າ ຈາກທຸກທິດ ເຊັ່ນ: ການສາດນໍ້າໃສ່ (ແຕ່ນໍ້າຍັງມີໂອກາດສາມາດເຂົ້າໄດ້)
  • 5 ສາມາດປ້ອງກັນນໍ້າຈາການຖືກສີດໃສ່ ຈາກຫົວສີດຂະໜາດ 6.3 ມມ
  • 6 ສາມາດປ້ອງກັນນໍ້າຈາການຖືກສີດໃສ່ ຈາກຫົວສີດຂະໜາດ 12.5 ມມ
  • 7 ສາມາດປ້ອງກັນນໍ້າຈາການຈົມນໍ້າໄດ້ເລິກສຸດ 1 ແມັດ ໃນເວລາສູງສຸດ 30 ນາທີ
  • 8 ສາມາດປ້ອງກັນນໍ້າຈາການຈົມນໍ້າໄດ້ເລິກສຸດ 1.5 ແມັດ ໃນເວລາສູງສຸດ 30 ນາທີ ຫຼື ກັນໄດ້ຖາວອນໃນໂທລະສັບບາງລຸ້ນ

ຈາກຄ່າຕົວເລກທີ່ເຮົາເຫັນກໍສາມາດຮູ້ໄດ້ເລີຍວ່າ ຄ່າຂອງ IP ແຕ່ລະລະດັບນັ້ນມີຄວາມສາມາດໃນລະດັບໃດແນ່ ເຊິ່ງຄ່າຄວາມສາມາດທີ່ກັນນໍ້າໄດ້ດີທີ່ສຸດກໍໜ້າຈະເປັນ IP67 ແລະ IP68 ຖ້າຕໍ່າກວ່ານັ້ນໂອກາດທີ່ຈະນໍ້າເຂົ້າແມ່ນມີສູງ.

ສຸດທ້າຍແລ້ວ ຖ້າເຮົາຮູ້ຄ່າເຫຼົ່ານີ້ໄວ້ກ່ອນທີ່ຈະໄປຫຼິ້ນ ບຸນປີໃໝ່ລາວ ຫຼື ສົງການ ເຮົາກໍຈະຮູ້ວ່າໂທລະສັບເຮົາກັນຝຸ່ນ ແລະ ນໍ້າໄດ້ໃນລະດັບໃດ, ແຕ່ທາງທີ່ດີທີ່ສຸດແມ່ນບໍ່ຄວນໃຫ້ໂທລະສັບຖືກນໍ້າ ເຖິງຈະເປັນລຸ້ນທີ່ມີຄ່າ IP ສູງໆກໍຕາມ.

More from author

Related posts

Latest posts

ພຣະເຈົ້າແສນແຊ່!ພຣະພຸດທະຮູບອົງສັກສິດຂອງແຂວງບໍ່ແກ້ວ

ພຣະເຈົ້າແສນແຊ່ ທີ່ປະດິດສະຖານໄວ້ທີ່ ວັດສີບຸນເຮືອງ, ເມືອງຕົ້ນເຜິ້ງ, ແຂວງບໍ່ແກ້ວ ເ້ປັນອີກໜຶ່ງພຣະພຸດທຸຮູບອົງສັກສິດ ທີ່ປະຊາຊົນຊາວແຂວງບໍ່ແແກ້ວໃຫ້ຄວາມເຄົາລົບນັບຖື.

ວັດວິຊຸນນະຣາດ (ພຣະທາດໝາກໂມ) ນະຄອນຫຼວງພຣະບາງ

#ວັດວິຊຸນ ເປັນວັດທີ່ເກົ່າແກ່ໃນຫຼວງພະບາງ ສ້າງຕັ້ງຂຶ້ນໃນປີ 1512 ໃນສະໄໝຂອງ ເຈົ້າຊີວິດວິຊຸນນະລາດ (1501-1520) ໂຄງຫຼັງຄາມີສອງຊັ້ນ, ເປັນຊົງສິລະປະແບບຊາວພວນ, ມີ 12 ເສົາ, ລວງສູງ 30 ແມັດ. ໃນຂອບເຂດວັດວິຊຸນມີສະຖາປັດຕິຍະກໍາທີ່ລະອຽດອ່ອນທີ່ຊົງຄຸນຄ່າ ແລະ ງົດງາມ.

Vietjet ເປີດ​ຖ້ຽວ​ບິນ​ໄປ​ເກາະ​ໂກນ​ດ່າວ, ສະ​ເໜີ​ທາງ​ເລືອກ​ທີ່ຫຼາກຫຼາຍ​ ​ໃນການ​ທ່ອງ​ທ່ຽວ​ຫວຽດນາມ​ໃນ​ລະດູ​ຮ້ອນ​ນີ້

(ນະຄອນຫຼວງວຽງຈັນ, ວັນທີ 23 ເມສາ 2025) – Vietjet ເປີດຕົວ 2 ເສັ້ນທາງໂດຍກົງໃໝ່ເຊື່ອມຕໍ່ຮ່າໂນ້ຍ ແລະ ນະຄອນໂຮ່ຈີມິນ ກັບເກາະໂກນດ່າວ ເກາະທີ່ມີທຳມະຊາດສວຍງາມຂອງປະເທດຫວຽດນາມ, ການເປີດຕົວເສັ້ນທາງໃໝ່ນີ້ຈະຊ່ວຍປັບປຸງການເຊື່ອມຕໍ່ພາຍໃນຂອງສາຍການບິນ ​ແລະ ສະໜອງ​ຄວາມ​ສະດວກ​ໃຫ້​ນັກ​ທ່ອງ​ທ່ຽວ​ເຂົ້າ​ເຖິງ​ສະຖານທີ່ສຳຄັນດ້ານ​ປະຫວັດສາດ ​ແລະ ຈຸດໝາຍປາຍທາງອັນສັກສິດ​ຂອງ​ຫວຽດນາມ.