ອາຫານເປັນພິດ ເກີດຈາກການກິນອາຫານ ຫຼື ນ້ຳ ທີ່ປົນເປື້ອນເຊື້ອໂຣກເຂົ້າໄປໃນຮ່າງກາຍ ເຊິ່ງອາດພົບຫຼາຍຂຶ້ນໃນຊ່ວງລະດູຮ້ອນ ໂດຍອາການເບື້ອຕົ້ນຈະມີອາການປຸ້ນທ້ອງ, ປວດຮາກ ແລະ ເກີດອາການຖອກທ້ອງຖ່າຍແຫຼວຕາມມາ.
ເຮົາຄວນສັງເກດອາການໂຕເອງ ຖ້າມີອາການ 1-2 ຂໍ້ຕໍ່ໄປນີ້ ໃຫ້ສົງໄສໄວ້ກ່ອນວ່າ ເປັນໂຮກອາຫານເປັນພິດ ຊະນິດຮຸນແຮງ.
- ປວດຮາກຮຸນແຮງ ຫຼື ຖ່າຍຫຼາຍຜິດປົກກະຕິ (ຫຼາຍກວ່າ 8-10 ຄັ້ງຕໍ່ມື້).
- ມີອາການໄຂ້.
- ມີອາການຊຶມ, ບໍ່ມີແຮງ, ອ່ອນເພຍ, ຕີນ-ມື ເຢັນ.
- ຍ່ຽວໜ້ອຍ ແລະ ມີສີເຂັ້ມ ຫຼື ບໍ່ຍ່ຽວເກີນ 6 ຊົ່ວໂມງ.
- ຖ້າເປັນເດັກນ້ອຍ ອາດມີອາການປາກແຫ້ງ ແລະ ຮ້ອງໄຫ້ແບບບໍ່ມີນ້ຳຕາ.
ອາຫານທີ່ສ່ຽງຕໍ່ການເກີດໂຣກອາຫານເປັນພິດ ມີ:
- ອາຫານ ສຸກໆ ດິບໆ ຫຼື ຜ່ານຄວາມຮ້ອວນບໍ່ພຽງພໍ.
- ອາຫານທີ່ມີຣົດຈັດ, ເຜັດຈັດ, ສົ້ມຈັດ ຫຼື ເຄັມຈັດ.
- ອາຫານໝັກດອງ, ອາຫານກະປ໋ອງ ທີ່ພົບວ່າມີຮອຍຮົ່ວ ຫຼື ມີຂີ້ໝ້ຽງຈັບຢູ່ກະປ໋ອງ.
- ອາຫານທີ່ຜະລິດ ຫຼື ປຸງບໍ່ສະອາດພຽງພໍ ເຊັ່ນ: ໃຊ້ຂຽງຊອຍຊີ້ນສົດ ກັບຜັກລວກຮ່ວມກັນ.
- ອາຫານທີ່ມີແມງວັນຕອມ.
- ອາຫານທີ່ປຸງສຸກຕັ້ງແຕ່ເຊົ້າ ໂດຍທີ່ບໍ່ໄດ້ອຸ່ນໃຫ້ຮ້ອນຄືນ.
- ອາຫານທີ່ມີກະທິເປັນສ່ວນຜະສົມ ແລ້ວປະໄວ້ດົນຫຼາຍຊົ່ວໂມງ.
- ນ້ຳກ້ອນ ທີ່ຜະລິດບໍ່ໄດ້ມາດຕະຖານ.
ວິທີເບິ່ງແຍງໂຕເອງ ເມື່ອມີອາການ ອາຫານເປັນພິດ
- ປົກກະຕິແລ້ວ ການເກີດໂຣກອາຫານເປັນພິດ ຈະເຊົາໄດ້ເອງພາຍໃນ 24-48 ຊົ່ວໂມງ ໂດຍໃຫ້ປິ່ນປົວຕາມອາການຄື: ຮັບປະທານເກືອແຮ່ທົດແທນ ແລະ ຢາແກ້ອາການປຸ້ນທ້ອງປວດຮາກ.
- ຫຼີກຫຼ່ຽງການຮັບປະທານອາຫານປະເພດ ນົມ, ໝາກໄມ້, ອາຫານຣົດຈັດ, ອາຫານສຸກໆ ດິບໆ ແລະ ອາຫານໝັກດອງ.
- ພັກຜ່ອນໃຫ້ຫຼາຍຂຶ້ນ, ດື່ມນ້ຳຫຼາຍໆ, ຫຼຸດການເຮັດກິດຈະກຳໜັກໆ ເຊັ່ນ ອອກກຳລັງກາຍ, ເຮັກວຽກບ້ານໜັກໆ ແລະ ອື່ນໆ.
- ບໍ່ຈຳເປັນຕ້ອງກິນຢາບຳລຸງ ຖ້າຫາກອາການບໍ່ດີຂຶ້ນໃຫ້ຟ້າວໄປພົບແພດຈະເປັນການດີກວ່າ.
ທີ່ມາ: https://bit.ly/3rTqRSi
Hits: 9
