Monday, July 15, 2024
Lenovo

7 ປັດໄຈ ເພື່ອໃຫ້ຄອບຄົວມີຄວາມສຸກ

ຄອບຄົວຈະໝັ້ນຄົງ ແລະ ເປັນສຸກບໍ່ແມ່ນເລື່ອງງ່າຍ ຍ້ອນສະພາບເສດຖະກິດ,​ ສັງຄົມ ທີ່ແຂ່ງຂັນກັນທັງດ້ານວັດຖຸນິຍົມ ຈົນຂາດການໃສ່ໃຈທາງດ້ານຈິດໃຈ. ນອກຈາກຄວາມຮັກ ຄວາມຜູກພັນ ທີ່ຈະຊ່ວຍໃຫ້ຄອບຄົວຢູ່ດີ ມີຄວາມສຸກນັ້ນ, ຍັງມີອີກຫຼາຍປັດໄຈ ທີ່ຈະຊ່ວຍໃຫ້ຄອບຄົວຢູ່ລອດໄດ້ ໃນສັງຄົມແຫ່ງການແຂ່ງຂັນກັນ ຊຶ່ງມັກຈະມີ 7 ປັດໄຈ ດັ່ງຕໍ່ນີ້:

  1. ຄົນໃນຄອບຄົວຕ້ອງສາມາດຮັບມື ແລະ ຈັດການກັບບັນຫາຕ່າງໆ ທີ່ຜ່ານເຂົ້າມາໃນຊີວິດ, ຕ້ອງຕັ້ງສະຕິໃຫ້ໝັ້ນຄົງກ່ອນ ຈຶ່ງຈະຮັບມືກັບບັນຫາໄດ້.
  2. ທຸກຄົນຕ້ອງຄຳນຶງເຖິງຄວາມຮູ້ສຶກຂອງກັນ ແລະກັນ, ນອກຈາກການເຮັດວຽກແລ້ວ ຄົນໃນຄອບຄົວຕ້ອງຮູ້ຈັກແບ່ງເວລາ, ສົນໃຈກັບຄວາມຮູ້ສຶກຄວາມຕ້ອງການຂອງຄົນໃນຄອບຄົວນຳອີກ ເພາະໃນເວລາທີ່ຄອບຄົວເດືອດຮ້ອນ ຫຼືຍາກລຳບາກ, ຄອບຄົວຖືເປັນກຳລັງໃຈສຳຄັນ.
  3. ໃຊ້ເວລາຮ່ວມກັນ ບໍ່ວ່າຈະເກີດບັນຫາໃດກໍຕາມ ຄົນໃນຄອບຄົວໃຊ້ເວລານຳກັນໃນການແກ້ໄຂບັນຫານັ້ນ ເຮັດໃຫ້ຮູ້ສຶກວ່າເພິ່ງພາອາໄສກັນໄດ້,​ ຄົນໃນຄອບຄົວກໍຈະບໍ່ສະແຫວງຫາຄວາມສຸກຢູ່ບ່ອນອື່ນ ຊຶ່ງເກີດເປັນຄວາມເຂົ້າໃຈຊຶ່ງກັນ ແລະກັນ.
  4. ຄອບຄົວຕ້ອງມີລະບຽບແບບແຜນ ເມື່ອມີບັນຫາກໍມີຫຼັກການ ຫຼືຄວາມຮັບຜິດຊອບທີ່ເຮັດໃຫ້ຄອບຄົວຍັງເຮັດໜ້າທີ່ຕໍ່ໄປໄດ້.
  5. ຄອບຄົວມີທີ່ເພິ່ງທາງໃຈ ໂດຍສະເພາະການປະຕິບັດຕາມຫຼັກສາສະໜາ, ເມື່ອເກີດບັນຫາກໍຈະມີສະຕິ ຊຶ່ງຖືເປັນຕົ້ນທຶນທີ່ມີຄ່າສຳລັບການເບິ່ງແຍງຈິດໃຈຍາມຄົນໃນຄອບຄົວເດືອດຮ້ອນ.
  6. ມີວິທີສື່ສານໂອ້ລົມກັນຢ່າງຊັດເຈນ, ກົງໄປກົງມາ ບໍ່ເວົ້າຊ່ອນເງື່ອນງຳ ຫຼືປິດບັງກັນ, ຄົນໃນຄອບຄົວຕ້ອງຮັບຟັງຄວາມຄິດເຫັນ, ຄວາມຮູ້ສຶກຊຶ່ງກັນ ແລະກັນ, ເຮັດໃຫ້ການຢູ່ຮ່ວມກັນໃນຄອບຄົວເປັນໄປດ້ວຍຄວາມສະບາຍໃຈ.
  7. ຮັກສາຄວາມຜູກພັນກັບຄອບຄົວເກົ່າ, ໝັ່ນຫາເວລາໄປມາຫາສູ່ກັນ ຫຼື ພົບປະສັງສັນຕິດຕາມຂ່າວຄາວ,​ ຊ່ວຍເຫຼືອຊຶ່ງກັນ ແລະກັນ. ນອກຈາກຈະເຮັດໃຫ້ມີຄວາມສຸກສະໜຸກສະໜານແລ້ວ ການຊ່ວຍເຫຼືອຄົນອື່ນເຮັດໃຫ້ຄວາມຄິດກວ້າງຂຶ້ນ, ​ບໍ່ຄິດແຕ່ເລື່ອງຂອງຄອບຄົວໂຕເອງ ແລະເຮັດໃຫ້ມີບ່ອນເພິ່ງພາອາໄສເມື່ອມີບັນຫາ ຫຼືຄວາມເດືອດຮ້ອນ.

ສະຖາບັນຄອບຄົວຈະແຂງແຮງນັ້ນ ຕ້ອງອາໄສປັດໄຈຫຼັກຄື ຢູ່ຮ່ວມກັນດ້ວຍຄວາມຮັກ ຄວາມຜູກພັນເອື້ອເຟື້ອ, ຊ່ວຍເຫຼືອເຊິ່ງກັນ ແລະກັນ, ສິ່ງເລັກໆນ້ອຍໆ ເຫຼົ່ານີ້ປຽບດັ່ງນຳ້ທິບບຳລຸງໃຈ ໃຫ້ຮູ້ສຶກສະຫງົບຮົ່ມເຢັນ ແລະເມື່ອດົນໄປກໍສະສົມກາຍເປັນຄວາມຮູ້ສຶກໝັ້ນຄົງ, ປອດໄພ, ສຸກກາຍສະບາຍໃຈ, ທຸກຄົນມີຄວາມສຸກ ແລະຄອບຄົວກໍຈະຂຶ້ນຊື່ວ່າ ເປັນຄອບຄົວແຫ່ງຄວາມສຸກຄືກັນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),