Monday, July 15, 2024
Lenovo

ທຸກອາຊີບ ມີຄ່າສະເໝີ

ຄົນເຮົາທຸກຄົນ ຕ່າງກໍຢາກມີວຽກເຮັດງານທຳທີ່ດີ ແລະ ມີຄວາມໝັ້ນຄົງ ແຕ່ບໍ່ແມ່ນວ່າທຸກຄົນຈະເລືອກໄດ້ເພາະຕົ້ນທືນຂອງແຕ່ລະຄົນບໍ່ຄືກັນ, ແຕ່ບໍ່ວ່າຈະເປັນອາຊີບໃດ ກໍມີຄ່າສະເໝີ. ເຊັ່ນດຽວກັນກັບ ອາຊີພະນັກງານອະນະໄມ ເຊິ່ງເປັນອີກອາຊີບໜຶ່ງ ທີ່ບໍ່ໄດ້ດ້ອຍຄ່າກວ່າອາຊີບອື່ນໆເລີຍ ເພາະເປັນອາຊີບທີ່ສຸດຈະລິດ ແລະ ເປັນອາຊີບທີ່ສ້າງຄວາມສະອາດຈົບງາມໃຫ້ກັບບ້ານເມືອງ ໂດຍສະເພາະແມ່ນ ຖະໜົນຫົນທາງ.

ຈາກການສຳພາດຂອງ ແມ່ສົມຈັນ ພະນັກງານອານະໄມ ເສັ້ນທາງແຕ່ ດົງໂດກ ຫາ ໄຟແດງ ຫໍປະຊຸມແຫ່ງຊາດ ກັບທີມຂ່າວ ອິນໄຊລາວ ວ່າ ແມ່ສົມຈັນ ອາຍຸ 59 ປີ ເປັນພະນັກງານອານະໄມໄດ້ 10 ເດືອນແລ້ວ ເພີ່ນເລີ່ມເຮັດວຽກນີ້ແຕ່ເດືອນ 7 ປີ 2021, ທຸກໆ ມື້ແມ່ສົມຈັນຈະຕື່ນມາເຮັດວຽກແຕ່ 4 ໂມງເຊົ້າ ຈົນເຖິງ 8-9 ໂມງເຊົ້າ ຈື່ງແລ້ວວຽກ, ການມາເຮັດວຽກຂອງເພິ່ນແມ່ນໄດ້ຂີ່ລົດມານຳຜົວ ເພາະຜົວເປັນຍາມຢູ່ທະນາຄານແຖວດົງໂດກ ຍ້ອນຄວາມທຸກຍາກ, ຄວາມຮູ້ບໍ່ສູງ ຈຶ່ງຕ້ອງມາເຮັດອາຊີບນີ້ ຖ້າບໍ່ເຮັດມີແຕ່ຖ້າລູກກັບຜົວເຮັດກໍບໍ່ກຸ້ມກິນ ຕອນມີແຮງເຮັດໄດ້ກະຢາກເຮັດເພື່ອແບ່ງເບົາພາລະຊ່ວຍຄອບຄົວ.

ການເຮັດອາຊີບນີ້ ກໍບໍ່ໄດ້ເຫຼືອບ່າກວ່າແຮງຫຼາຍ ແຕ່ມັນກໍເມື່ອຍຕາມທຳມະດາ ແລະ ລຳບາກເວລາຝົນຕົກ ປັດສະອາດແລ້ວແຕ່ກໍຍັງເປື້ອນຄືເກົ່າ, ສິ່ງທີ່ມີຄວາມພູມໃຈໃນການເຮັດອາຊີບນີ້ ແມ່ນເຮັດໃຫ້ຖະໜົນຫົນທາງສະອາດງາມ, ຄົນທຽວທາງກາຍໄປ-ກາຍມາ ໄດ້ເຫັນແລ້ວກໍສະບາຍຕາ.

ສຳລັບພະນັກງານທີ່ເຮັດວຽກນຳກັນມີທັງໝົດ 32 ຄົນ ຈະມີລົດຮັບສົ່ງແຕ່ລະມື້ 6 ໂມງຕ້ອງໄດ້ໄປປ້ຳໂປ້ຢູ່ຫ້ອງການແລ້ວ ລົດຈຶ່ງສົ່ງລົງແຕ່ລະຈຸດຕາມເຂດຂອງໃຜມັນ ແຕ່ຫາກໃຜທີ່ຢາກເອົາລົດມາເອງກໍໄດ້ ແລ້ວແຕ່ຄວາມສະດວກ.

ແມ່ສົມຈັນ ຍັງໄດ້ເວົ້າອີກວ່າ ຖ້າຮ່າງກາຍຍັງໄຫວກະຍັງຢາກເຮັດອາຊີບນີ້ຢູ່ ເຮັດຊ່ວຍລູກສາວ 2 ຄົນ ຜູ້ໜຶ່ງກໍອານາໄມທາງຄືກັນຢູ່ເສັ້ນແຄມຂອງ, ອີກຜູ້ໜຶ່ງເປັນແມ່ບ້ານໃຫ້ຕ່າງປະເທດ. ແຕ່ຖ້າເຖົ້າແລ້ວເຮັດບໍ່ໄດ້ກໍຕ້ອງໄດ້ເຊົາ ເຮັດຕອນຍັງມີແຮງເພື່ອຢາກແບ່ງເບົາພາລະລູກ ແລະ ຍັງມີຫຼານໃຫ້ລ້ຽງນຳອີກ. ການເຮັດອາຊີບນີ້ ເຖິງວ່າລາຍຮັບຈະບໍ່ຫຼາຍ ແຕ່ກໍເຮັດໃຫ້ຄອບຄົວພໍກຸ້ມຢູ່ກຸ້ມກິນ ບາງເດືອນບໍ່ມີພາລະຫຼາຍ ຫຼື ຖ້າບໍ່ເຈັບເປັນ ກໍຍັງມີເຫຼືອພໍເກັບເລັກນ້ອຍ.

ສ່ວນວັນກຳມະກອນທີ່ຜ່ານມາ ເພິ່ນກໍມີມື້ພັກໃຫ້ 2 ມື້ ແລະ ແຕ່ລະອາທິດຈະພັກໃຫ້ວັນເສົາ ຫຼື ກໍລະນີ້ເຈັບປ່ວຍເຮົາກໍສາມາດຂໍລາພັກນຳທາງຫ້ອງການໄດ້. ມີຊ່ວງໜຶ່ງຫຼານຂອງ ແມ່ສົມຈັນ ຕິດໂຄວິດ ເຂົາເຈົ້າກໍໃຫ້ພັກ 15 ມື້ແຕ່ຕ້ອງລາຍງານຫ້ອງການກ່ອນ, ອີກອັນໜຶ່ງທີ່ດີ ຄືເວລາເຮົາພັກແລ້ວເພີ່ນບໍ່ໄດ້ຕັດເງິນເຮົາ ແລະ ຕັ້ງແຕ່ເພິ່ນເຮັດວຽກມາ 10 ເດືອນ ເພິ່ນກໍຍັງບໍ່ເຄີຍລາພັກ, ບໍ່ເຄີຍຂາດວຽກເລີຍ.

ສະນັ້ນ, ເຮົາທຸກຄົນບໍ່ວ່າຈະເຮັດອາຊີບໃດ ກໍບໍ່ຄວນດູຖູກອາຊີບກັນ ເພາະທຸກໆ ອາຊີບ ທີ່ແຕ່ລະຄົນເຮັດກໍມີເປົ້າໝາຍອັນດຽວກັນໝົດ ເພື່ອແລກກັບເງິນຈາກແຮງງານທີ່ເຮົາເຮັດ ແລະ ເພື່ອຄວາມຢູ່ລອດຂອງແຕ່ລະຄົນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),