ຂ່າວເດັ່ນ! ໜັງມືພິມວຽງຈັນທາຍ

ຂໍຂອບໃຈນຳຜູ້ສະໜັບສະໜູນ

ປະຈຳວັນທີ 14 ພຶດສະພາ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:

ບັນຫານໍ້າມັນບໍ່ໄດ້ວິກິດ ແຕ່ເກີດຈາກການແຕກຕື່ນຂອງປະຊາຊົນ

ທ່ານ ຈັນທອນ ສິດທິໄຊ ປະທານ ບໍລິສັດ ປີໂຕຣລ້ຽມເທຣດດິ້ງ ລາວ ມະຫາຊົນ ໄດ້ເວົ້າເຖິງສະພາບຂາດແຄນນ້ຳມັນຢູ່ລາວ, ຕົວຈິງແລ້ວບໍ່ໄດ້ເຖິງຂັ້ນວິກິດ, ມັນອາດເກີດຈາກການແຕກຕື່ນຂອງປະຊາຊົນຫຼາຍກ່ວາ ຈື່ງພາກັນຫຼັ່ງໄຫຼໄປໃສ່ນ້ຳມັນຕາມປ້ຳຕ່າງໆໃນປະລິມານຫຼາຍ ຊຶ່ງບາງຄົນກໍເອົາກະຕຸກໄປໃສ່ເອົາເພື່ອກັກຕຸນ ຫຼື ຂາຍຕໍ່.

ປັດຈຸບັນກໍໄດ້ຮ່ວມກັບລັດຖະບານໄດ້ອອກມາແກ້ໄຂປັນຫາຫຼາຍດ້ານ ໂດຍໄດ້ເຮັດວຽກຮ່ວມກັບທະນາຄານກາງເພື່ອແກ້ໄຂບັນຫາຂາດແຄນເງິນຕາ, ລັດຖະບານເອງກໍ່ໄດ້ມີການປະຊຸມຮ່ວມກັບທະນາຄານພາກທຸລະກິດໃນການສະໜອງເງິນຕາໃຫ້ບໍລິດສັດນຳເຂົ້ານຳ້ມັນອີກດ້ວຍ…ອ່ານຕໍ່

ລາວ ແລະ ຈີນ ຮ່ວມກັນສ້າງຕັ້ງສູນກວດກາມາດຕະຖານໂຍທາທິການ ແລະ ຂົນສົ່ງ

ຂໍຂອບໃຈນຳຜູ້ສະໜັບສະໜູນ

ມະຫາວິທະຍາໄລແຫ່ງຊາດລາວ  ແລະ ມະຫາວິທະຍາໄລຄົມມະນາຄົມພາກຕາເວັນຕົກສຽງໃຕ້ ສປ ຈີນໄດ້ຮ່ວມກັນລົງນາມບົດບັນທຶກ ຄວາມເຂົ້າໃຈໃນຮູບແບບທາງໄກ ວ່າດ້ວຍການຮ່ວມມືສ້າງຕັ້ງສູນກວດກາ, ຢັ້ງຢືນມາດຕະຖານໂຍທາທິການ ແລະ ການຂົນສົ່ງ (Logistics)

ເພື່ອຮັບໃຊ້ວຽກງານກວດກາຄຸນນະພາບ ແລະ ຕິດຕາມໂຄງການຂະໜາດໃຫຍ່ ຕາມເສັ້ນທາງໜຶ່ງແລວໜຶ່ງເສັ້ນທາງ ຫຼື ໂຄງການອື່ນໆ…ອ່ານຕໍ່

ບໍ່ແກ້ວ ເປີດເສັ້ນທາງທ່ອງທ່ຽວສີຂຽວ ຕ້ອນຮັບນັກທ່ອງທ່ຽວ

ອໍານາດການປົກຄອງແຂວງບໍ່ແກ້ວໄດ້ເປີດເສັ້ນທາງທ່ອງທ່ຽວສີຂຽວ ເມື່ອວັນທີ 8 ພຶດສະພາ ທີ່ຜ່ານມານີ້ ເພື່ອຕ້ອນຮັບນັກທ່ອງທ່ຽວພາຍຫຼັງທີ່ລັດຖະບານໄດ້ມີການເປີດດ່ານສາກົນທຸກດ່ານໃນຂອບເຂດທົ່ວປະເທດ

ການເປີດເສັ້ນທາງທ່ອງທ່ຽວສີຂຽວນີ້ແມ່ນໄດ້ເປີດທົດລອງຢູ່ເມືອງຫ້ວຍຊາຍເປັນແຫ່ງທໍາອິດ, ເປັນການປະຕິບັດຕາມແຜນການຟື້ນຟູການທ່ອງທ່ຽວຂອງ ສ ປປ ລາວ, ແຜນການເປີດປະເທດເພື່ອຮອງຮັບນັກທ່ອງທ່ຽວຕ່າງປະເທດ ຕິດພັນກັບແຜນການຕ່າງໆ ຂອງໂຄງການລາວເຊບ, ເພື່ອຮອງຮັບນັກທ່ອງທ່ຽວຕ່າງປະເທດທີ່ຈະເຂົ້າມາທ່ອງທ່ຽວຢູ່ ສ ປປ ລາວ ບົນພື້ນຖານຮູບແບບການທ່ອງທ່ຽວເຂດຂຽວ…ອ່ານຕໍ່