ປະຈຳວັນທີ 21 ພຶດສະພາ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ລາວ-ອິນເດຍ ຮ່ວມມືກໍ່ສ້າງເຂື່ອນເກັບນ້ຳ-ນ້ຳຊາງ ແລະ ພັດທະນາລະບົບຊົນລະປະທານ
ກະຊວງກະສິກຳ ແລະ ປ່າໄມ້ ອະນຸຍາດໃຫ້ບໍລິສັດຈາກປະເທດອິນເດຍກໍ່ສ້າງເຂື່ອນເກັບນ້ຳ-ນ້ຳຊາງ ແລະ ພັດທະນາລະບົບຊົນລະປະທານ ທີ່ເມືອງແກ່ນທ້າວ ແຂວງໄຊຍະບູລີ
ພິທີເຊັນສັນຍາກໍ່ສ້າງໂຄງການມູນຄ່າ 30.94 ລ້ານໂດລາສະຫະລັດ ຈັດຂື້ນເມື່ອມໍ່ໆມານີ້ຢູ່ນະຄອນຫຼວງວຽງຈັນ ລະຫ່ວາງ ກົມຊົນລະປະທານ ແລະ ບໍລິສັດ ວິໄຈ ກຸມມານ ມີຊ່າ ກໍ່ສ້າງ ປະເທດອີເດຍ…ອ່ານຕໍ່
ແຂວງ ສາລະວັນ ເລັ່ງປັບປຸງ ແລະ ສົ່ງເສີມການທ່ອງທ່ຽວພາຍໃນ
ແຂວງ ສາລະວັນ ກໍາລັງເລັ່ງຟື້ນຟູການທ່ອງທ່ຽວໂດຍເລັ່ງໃສ່ການຊຸກຍູ້, ສົ່ງເສີມຜູ້ປະກອບການລົງທຶນ ພັດທະນາສິ່ງອຳນວຍຄວາມສະດວກຢູ່ແຫຼ່ງທ່ອງທ່ຽວຕ່າງໆ, ປັບປຸງກິດຈະກໍາທ່ອງທ່ຽວໃໝ່ເຊັ່ນ: ການຍ່າງປ່າ, ທ່ອງທ່ຽວແບບອະນຸລັກ, ຜະຈົນໄພ, ຕັ້ງແຄັມ, ຢ້ຽມຢາມຊົນເຜົ່າ
ພ້ອມທັງປັບປຸງອຸທິຍານພູຜາສຸກ, ປາກເສັດ, ຫັດຖະກໍາຕໍ່າແຜ່ນຫ້ວຍຫູນ, ຕາດສູງເຊເສັດ, ແກ້ງຊັນ, ຫໍໄຕປີດົກ, ແກ້ງຄັນຕ່າຍ ແລະ ແຫຼ່ງທ່ອງທ່ຽວອື່ນໆ, ນອກຈາກນັ້ນ ພະແນກ ຖວທ ຍັງສ້າງແຜນເຊື່ອມໂຍງການທ່ອງທ່ຽວລະຫວ່າງແຂວງ ກັບ ຕ່າງແຂວງ ແລະ ປະເທດເພື່ອນບ້ານ ເຊັ່ນ: ປະເທດໄທ ແລະ ສສ ຫວຽດນາມ…ອ່ານຕໍ່
ເຂດພັດທະນາເສດຖະກິດພິເສດ ສາມາດດຶງດູດນັກລົງທຶນໄດ້ແລ້ວກວ່າ 260 ບໍລິສັດ
ເຂດພັດທະນາເສດຖະກິດພິເສດ ບໍ່ເຕ່ນແດນງາມ ເມືອງຫຼວງນ້ຳທາ ແຂວງຫຼວງນ້ຳທາ ສາມາດດຶງດູດການລົງທຶນພາຍໃນ ແລະ ຕ່າງປະເທດ ເຂົ້າມາລົງທຶນແລ້ວ 260 ບໍລິສັດ, ມີທຶນຈົດທະບຽນ 676,7 ຕື້ກວ່າກີບ, ເທົ່າກັບເງິນຢວນ 15 ຕື້ກວ່າຢວນ.
ປັດຈຸບັນ, ເຂດພັດທະນາເສດຖະກິດພິເສດບໍ່ເຕ່ນແດນງາມ ໄດ້ສຳເລັດການບຸກເບີກເນື້ອທີ່ດິນ, ປັບພື້ນທີ່ດິນພູໃຫ້ຮາບພຽງ ເພື່ອຮອງຮັບນັກລົງທຶນທີ່ມີຄວາມສົນໃຈເຂົ້າມາລົງທຶນໄດ້ 1.131 ເຮັກຕາ ແລະ ຈັດແບ່ງການນຳໃຊ້ຕອນດິນ ອອກເປັນ 3 ເຂດ…ອ່ານຕໍ່