Saturday, July 20, 2024
Lenovo

ອາຊີບເສີມ ທີ່ທຸກຄົນເຮັດໄດ້ ຫຼັງຈາກເຮັດວຽກປະຈຳ.

ຢູ່ໃນສັງຄົມຍຸກເສດຖະກິດແບບນີ້ ເຊື່ອວ່າຫຼາຍຄົນຄົງບໍ່ຢາກເຮັດວຽກໃດວຽກໜຶ່ງ ຫຼື ມີລາຍໄດ້ພຽງຊ່ອງທາງດຽວ ຄົນທີມີວຽກຫຼັກຢູ່ແລ້ວ ກໍຫາວຽກເສີມເພື່ອເພີ່ມລາຍຮັບ ແລະ ຫຼຸດຜ່ອນລາຍຈ່າຍລົງ ດັ່ງການໃຫ້ສຳພາດຂອງພະນັກງານທີ່ຫາລາຍໄດ້ຫຼາຍກວ່າຊ່ອງທາງດຽວ.

ນາງ ກິ່ງມາລາ ພະນັກງານຫ້ອງການນ້ຳປະປາ ກໍເປັນຜູ້ໜຶ່ງທີ່ມີພາລະການໃຊ້ຈ່າຍຫຼາຍບໍ່ວ່າຈະເປັນລາຍຈ່າຍພາຍໃນຄອບຄົວ ແລະສ່ວນຕົວ ກໍຕົກເປັນເງິນຫຼາຍລ້ານຕໍ່ເດືອນຢູ່ ສ່ຳເງິນເດືອນປົກກະຕິກະບໍ່ພໍກິນ ຈຶ່ງຫາເວລາວ່າງຈາກການເລີກວຽກ ແລະ ເສົາອາທິດເພື່ອຫາເງິນເພີ່ມ ເຊິ່ງການລໍຖ້າແຕ່ເງິນເດືອນນັ້ນບໍ່ກຸ້ມກິນ. ກີ່ງໄດ້ເຮັດອາຊີບເສີມ ທັງຂາຍເຄື່ອງອອນລາຍ ເປັນປະເພດເຄື່ອງນຸ່ງ ແລະເຄື່ອງໃຊ້ ເອົາເວລາວ່າງຫຼືເວລາກາງຄືນໂພດເຄື່ອງ ເພາະຢູ່ຫ້ອງການບໍ່ໃຫ້ໂພດໃນໂມງເຮັດວຽກ ແລະ ສົ່ງເຄື່ອງໃຫ້ລູກຄ້າຫຼັງເລີກວຽກ, ຂາຍເລກອາທິດລະ 3 ມື້ ຈັນ, ພຸດ ແລະສຸກຂາຍຕອນແລງ ແລະ ເກັບເງິນຄ່ານ້ຳກໍເກັບຕອນແລງຫຼັງເລີກວຽກ ກັບເກັບວັນເສົາວັນທິດມື້ພັກທາງລັດຖະການ.

ນາງ ສອນນະພາ ກໍເປັນອີກຄົນທີ່ເຮັດອາຊີບເປັນຄູສອນແລ້ວຍັງຫາລາຍໄດ້ເສີມຈາກການສອນເພີ່ມໃຫ້ນັກຮຽນໃນວັນເສົາອາທິດ  ແລະ ຍັງໂພດຂາຍເຄື່ອງອ່ອນລາຍໃນເວລາພັກຜ່ອນນຳອີກ ການຂາຍເຄື່ອງອ່ອນລາຍຖືເປັນວິທີທີ່ດີທີສຸດສຳລັບການຫາລາຍໄດ້ເສີມຢູ່ໃນປັດຈຸບັນນີ້ ເພາະມັນປະຢັດເວລາ ແລະ ສະດວກສະບາຍ.

ສ່ວນ ສາວຫຼ້າ ສາວຕຳຫຼວດ ກໍໃຊ້ເວລາວ່າງຕອນເລີກວຽກລ້ຽງເປັດ, ລ້ຽງໄກ່, ໝູ, ກົບ ແລະ ປາດຸກ ເພື່ອຫຼຸດຜ່ອນການຊື້ຈາກຜູ້ອື່ນ ແລະ ລ້ຽງໃຫຍ່ມາກໍສາມາດນຳອອກຂາຍເພື່ອຫາລາຍໄດ້ເພີ່ມ ຫຼັງຈາກຂາຍໂຕເກົ່າໝົດກະສາມາດເອົາໂຕໃໝ່ມາລົງແທນແບບນີ້ເລື້ອຍໆ. ນອກຈາກນີ້ຊ່ວງທີ່ຜ່ານມາຫຼ້າຍັງເຮັດເຂົ້າໜົມເກືອຂາຍໃນວັນເສົາ-ອາທິດ ໃນຊ່ວງທີ່ວ່າງວຽກນຳອີກ.

ແລ້ວທ່ານເດ່ ມີວິທີການຫາລາຍໄດ້ເສີມແບບໃດ? ສາມາດເອົາປະສົບການຕົວຈິງຂອງເຈົ້າມາແບ່ງປັນ ຫຼື ບອກຕໍ່ໃຫ້ກັບຄົນທີ່ກຳລັງຊອກຫາລາຍໄດ້ ນອກເໜືອຈາກວຽກປະຈຳກັນນຳເດີ ເພື່ອເປັນກຳລັງໃຈ ແລະ ແຮງພັກດັນໃຫ້ກັບຄົນທີ່ຫາລາຍໄດ້ໃຫ້ຫຼາຍກວ່າ 1 ຊ່ອງທາງ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.