Saturday, April 26, 2025
Kbank Laos โอน รับ จ่าย

ການບໍລິຫານເວລາທີ່ດີ ຄວນເຮັດແນວໃດ?

ຄົນເຮົາທຸກຄົນ ມີເວລາເທົ່າກັນ, ແຕ່ບາງຄົນໃຊ້ເວລາເສຍໄປຖິ້ມໆຊື່ໆ ໂດຍທີ່ບໍ່ເກີດປະໂຫຍດຫຍັງ ແລ້ວກໍບອກວ່າໂຕເອງບໍ່ມີເວລາ; ມື້ນີ້ ອິນໄຊລາວ ມີວິທີ ທີ່ຈະເຮັດໃຫ້ເຈົ້າບໍລິຫານຈັດການເວລາໄດ້ຢ່າງຖືກວິທີ, ມີເວລາໃຫ້ກັບຊີວິດຫຼາຍຂຶ້ນ ແລະ ເຮັດໃຫ້ການໃຊ້ຊີວິດງ່າຍຂຶ້ນນຳອີກ.

ພາບປະກອບ

ເຮົາຄວນບໍລິຫານເວລາແບບໃດໃຫ້ເໝາະສົມ.

  • ຕື່ນນອນແຕ່ເຊົ້າ.

 ແນ່ນອນວ່າເມື່ອເຮົາຕື່ນນອນແຕ່ເຊົ້າ ເຮົາຈະມີເວລາເຮັດວຽກຫຼາຍກວ່າຄົນອື່ນ ມີເວລາວາງແຜນຊີວິດຫຼາຍຂຶ້ນ ແຕ່ຈະຕື່ນເຊົ້າພຽງໃດ ກໍຂຶ້ນຢູ່ກັບການຈັດເວລາຂອງແຕ່ລະຄົນ ນອກຈາກນີ້, ການຕື່ນເຊົ້າຍັງເຮັດໃຫ້ເຮົາສາມາດຈັດການຊີວິດສ່ວນຕົວ ຢ່າງມີຄຸນນະພາບ ບໍ່ວ່າຈະເປັນການໄດ້ກິນເຂົ້າເຊົ້າ, ການເດີນທາງໄປວຽກແບບສະບາຍສະບາຍ ຫຼື ການອອກກຳລັງກາຍ ເປັນຕົ້ນ.

  • ຈັດຕາຕະລາງເວລາ.

ລອງຄິດເບິ່ງວ່າໃນໜຶ່ງມື້ເຈົ້າຈະຕ້ອງເຮັດຫຍັງແດ່ ແລ້ວຂຽນກິດຈະກຳຕ່າງໆທີ່ເຮົາຈະເຮັດລົງໄປໃນແຕ່ລະຊ່ວງເວລາ ໂດຍຈັດວຽກທີ່ຕ້ອງໃຊ້ຄວາມຄິດສ້າງສັນໄວ້ໃນຍາມເຊົ້າ ແລະ ວາງວຽກອື່ນໆ ໄວ້ຊ່ວງຕອນສວາຍ ກໍຈະຊ່ວຍໃຫ້ເຈົ້າສາມາດຈັດການເລື່ອງລາວຕ່າງໆ ໄດ້ງ່າຍຂຶ້ນ ອີກທັງຍັງບໍ່ເຮັດໃຫ້ເຈົ້າພາດທຸກວຽກສຳຄັນ ຄ້າຍໆຄືການຈັດຕາຕະລາງຮຽນນັ້ນແຫຼະ.

  • ຈັດອັນດັບຄວາມສຳຄັນ.

ເມື່ອເຮົາມີລາຍການທີ່ຕ້ອງເຮັດຢູ່ໃນມືແລ້ວ ສິ່ງທີ່ຕ້ອງເຮັດຕໍ່ໄປກໍຄື ນຳລາຍການເຫຼົ່ານັ້ນມາຈັດລຽງຕາມຄວາມສຳຄັນຈາກຫຼາຍໄປຫານ້ອຍ ແລະ ມີວຽກໃດທີ່ຕ້ອງເຮັດຕໍ່ເນື່ອງເພື່ອເຮັດໃຫ້ຕົວເຈົ້າເອງຮູ້ວ່າ ແຕ່ລະວຽກຕ້ອງໃຊ້ເວລາໜ້ອຍຫຼາຍປານໃດ ແລະ ຄວນຈະທຸ້ມແຮງໃຫ້ກັບວຽກນັ້ນສ່ຳໃດ.

  • ເຮັດວຽກທີ່ຍາກກ່ອນ.

ບາງຄົນມັກຈະເຮັດວຽກງ່າຍກ່ອນເຮັດວຽກຍາກ ເພາະວຽກງ່າຍອາດຈະໃຊ້ເວລາໜ້ອຍ ແລະ ບໍ່ຕ້ອງໃຊ້ຄວາມຄິດຫຍັງຫຼາຍ, ແຕ່ໃນຄວາມເປັນຈິງແລ້ວ ເຈົ້າຄວນຈະເຮັດວຽກຍາກໃຫ້ແລ້ວກ່ອນ ເພາະຫຼັງຈາກວຽກນັ້ນຈົບລົງເຈົ້າກໍຈະຮູ້ສຶກຜ່ອນຄາຍສະບາຍໃຈ ເຮັດໃຫ້ມີເຫື່ອແຮງເຮັດວຽກຫຼາຍຂຶ້ນ.

  • ໃຫ້ເວລາກັບສິ່ງທີ່ຮັກ.

ການແບ່ງເວລາໃຫ້ກັບສີ່ງທີ່ເຈົ້າຮັກ ຖືໄດ້ວ່າມີຄວາມສຳຄັນເຊັ່ນດຽວກັນ ເພາະສິ່ງຕ່າງໆ ເຫຼົ່ານີ້ ຈະຊ່ວຍໃຫ້ຊີວິດຂອງເຈົ້າມີຄຸນຄ່າ ແລະ ເຈົ້າຈະຮູ້ວ່າຊີວິດຂອງເຈົ້າມີຄວາມໝາຍຫຼາຍເທົ່າໃດ.

  • ຊ່ວງເວລາແຫ່ງການອອກກຳລັງກາຍ

ຫຼາຍຄົນມັກຈະອ້າງວ່າບໍ່ມີເວລາອອກກໍາລັງກາຍໃນແຕ່ລະມື້ ແຕ່ຖ້າເຈົ້າແບ່ງເວລາພຽງ 30 ນາທີ ມາອອກກໍາລັງກາຍເລັກນ້ອຍ ເພື່ອໃຫ້ຕົນເອງມີສຸຂະພາບດີ ໂດຍໃຊ້ໄລຍະເວລາບໍ່ດົນ.

ແນວໃດກໍຕາມ ການທີ່ເຮົາມັກຈົ່ມວ່າ ບໍ່ມີເວລາ ສາເຫດສ່ວນໜຶ່ງອາດເກີດມາຈາກການບໍລິຫານເວລາແບບຜິດໆ ຈຶ່ງເຮັດໃຫ້ການໃຊ້ຊີວິດວຸ້ນວາຍ ແລະ ເຮັດວຽກໄດ້ແບບບໍ່ໄດ້ຄຸນນະພາບເທົ່າທີຄວນ.

More from author

Related posts

Latest posts

ພຣະເຈົ້າແສນແຊ່!ພຣະພຸດທະຮູບອົງສັກສິດຂອງແຂວງບໍ່ແກ້ວ

ພຣະເຈົ້າແສນແຊ່ ທີ່ປະດິດສະຖານໄວ້ທີ່ ວັດສີບຸນເຮືອງ, ເມືອງຕົ້ນເຜິ້ງ, ແຂວງບໍ່ແກ້ວ ເ້ປັນອີກໜຶ່ງພຣະພຸດທຸຮູບອົງສັກສິດ ທີ່ປະຊາຊົນຊາວແຂວງບໍ່ແແກ້ວໃຫ້ຄວາມເຄົາລົບນັບຖື.

ວັດວິຊຸນນະຣາດ (ພຣະທາດໝາກໂມ) ນະຄອນຫຼວງພຣະບາງ

#ວັດວິຊຸນ ເປັນວັດທີ່ເກົ່າແກ່ໃນຫຼວງພະບາງ ສ້າງຕັ້ງຂຶ້ນໃນປີ 1512 ໃນສະໄໝຂອງ ເຈົ້າຊີວິດວິຊຸນນະລາດ (1501-1520) ໂຄງຫຼັງຄາມີສອງຊັ້ນ, ເປັນຊົງສິລະປະແບບຊາວພວນ, ມີ 12 ເສົາ, ລວງສູງ 30 ແມັດ. ໃນຂອບເຂດວັດວິຊຸນມີສະຖາປັດຕິຍະກໍາທີ່ລະອຽດອ່ອນທີ່ຊົງຄຸນຄ່າ ແລະ ງົດງາມ.

Vietjet ເປີດ​ຖ້ຽວ​ບິນ​ໄປ​ເກາະ​ໂກນ​ດ່າວ, ສະ​ເໜີ​ທາງ​ເລືອກ​ທີ່ຫຼາກຫຼາຍ​ ​ໃນການ​ທ່ອງ​ທ່ຽວ​ຫວຽດນາມ​ໃນ​ລະດູ​ຮ້ອນ​ນີ້

(ນະຄອນຫຼວງວຽງຈັນ, ວັນທີ 23 ເມສາ 2025) – Vietjet ເປີດຕົວ 2 ເສັ້ນທາງໂດຍກົງໃໝ່ເຊື່ອມຕໍ່ຮ່າໂນ້ຍ ແລະ ນະຄອນໂຮ່ຈີມິນ ກັບເກາະໂກນດ່າວ ເກາະທີ່ມີທຳມະຊາດສວຍງາມຂອງປະເທດຫວຽດນາມ, ການເປີດຕົວເສັ້ນທາງໃໝ່ນີ້ຈະຊ່ວຍປັບປຸງການເຊື່ອມຕໍ່ພາຍໃນຂອງສາຍການບິນ ​ແລະ ສະໜອງ​ຄວາມ​ສະດວກ​ໃຫ້​ນັກ​ທ່ອງ​ທ່ຽວ​ເຂົ້າ​ເຖິງ​ສະຖານທີ່ສຳຄັນດ້ານ​ປະຫວັດສາດ ​ແລະ ຈຸດໝາຍປາຍທາງອັນສັກສິດ​ຂອງ​ຫວຽດນາມ.