ຜົນການສຶກສາໄລຍະຍາວ ຢືນຢັນວ່າ ໂຄວິດ-19 ສາມາດຖ່າຍທອດເຊື້ອຈາກຄົນສູ່ແມວ ແລະ ຈາກແມວສົ່ງກັບມາຫາຄົນໄດ້ ຫາກມີການສຳພັດໃກ້ຊິດກັບສານຄັດຫຼັ່ງຂອງແມວ, ຈາກລາຍງານອ້າງອີງເຖິງງານວິໄຈ ຂອງມະຫາວິທະຍາໄລສົງຂານະຄະລິນ ທີ່ຕີພິມ ຜ່ານວາລະສານໂລກຕິດຕໍ່ Emerging Infectious Diseases ຂອງສູນວິໄຈຄວບຄຸມໂລກ (ຊີດີຊີ) ທີ່ລະບຸວ່າ ປະເທດໄທໜ້າຈະເປັນປະເທດທຳອິດທີ່ພົບການຕິດເຊື້ອໂຄວິດ-19 ເຊິ່ງຄາດວ່າເປັນການຕິດເຊື້ອຈາກ “ແມວສູ່ຄົນ”
ເຊິ່ງຈາກເຫດການດັ່ງກ່າວ ຈາກແມວສູ່ຄົນ ເປັນເຫດການທີ່ມີແມວອາຍຸ 10 ປີຢູ່ກັບເຈົ້າຂອງ 2 ຄົນ ເຊິ່ງເຈົ້າຂອງກໍເປັນຜູ້ຕິດເຊື້ອໂຄວິດ-19 ດັ່ງນັ້ນສັດຕະວະແພດຈຶ່ງໄດ້ຄິດວ່າ ແມວກໍອາດຕິດເຊື້ອເຊັ່ນກັນ ດັ່ງນັ້ນຈຶ່ງກວດແມວ ເຊິ່ງຜົນພົບວ່າ ຕິດເຊື້ອໂຄວິດ-19
ໃນຂະນະທີ່ກວດນັ້ນເອງ ແມວກໍໄດ້ຈາມອອກມາ ແຕ່ຂະນະນັ້ນຜູ້ກວດກໍ່ໄດ້ໃສ່ຜ້າອັດປາກຢ່າງແໜ້ນໜາ, ຫຼັງຈາກນັ້ນ ຜ່ານໄປ 3 ວັນ ສັດຕະວະແພດກໍເລີ່ມມີອາການໄຂ້ ໄອ ຈຶ່ງໄປກວດພົບວ່າມີເຊື້ອໂຄວິດ-19 ພ້ອມເຂົ້າໄປຮັບການີັກສາ ແຕ່ວ່າ ແມວໃນຈະນະຈ້ັນ ບໍ່ມີອາການນໍ້າມູກ ບໍ່ໄອ ແລະ ຍັງກິນອາຫານໄດ້ປົກກະຕິ
ເຊື້ອໂຄວິດ-19 ທີແມວຕິດນັ້ນດປັນສາຍພັນເດວຕາ ເຊິ່ງເປັນຂະນິດດຽວກັບ ກບັ ເຈົ້າຂອງ ແລະ ບໍ່ຄືກັນທີ່ກຳລັງລະບາດໃນຊຸມຊົນ ຈຶ່ງສາມາດສິຫຼຸບໄດ້ ວ່າ ເຫດການດ່ັງກ່າວ ບໍ່ແມ່ນການລະບາດຈາກຊຸມຊົນ ແຕ່ເປັນການລະບາດຈາກຄົນສູ່ແມວ ແລະ ແມວສູ່ຄົນ
ເຖິງຈະພົບວ່າ ມີຄວາມສ່ຽງຕໍ່າໃນການລະບາດຈາກແມວສູ່ຄົນ ຫຼື ຈາກຄົນສຸ່ແມວ ລວມເຖິງສັດເລື້ອງອື່ນໆ ໂດຍສະເພາະສັດລ້ຽງລູກດ້ວຍນໍ້ານົມ ຫາກເຈົ້າຂອງຂອງສັດມີອາການຂອງໂຄວິດ ຄວນຫຼີກລ້ຽງການສຳພັດໃຫ້ຊິດກັບສັດລ້ຽງ ເພາະຈາກການສຶກສາພົບວ່າ ກໍລະນີແມວຕິດເຊື້ອນັ້ນ ບໍ່ພົບອາການໃດໆ ຄາດວ່າເຊື້ອຈະສະແດງອາາມາທາງຂອງເສຍ ເຊິ່ງປົກກະຕິຄົນລ້ຽງສັດກໍຈະບໍ່ໄດ້ໄປສຳພັດ ແຕ່ແນະນຳໃຫ້ເຮັດຄວາມສະອາດລ້າງມືທຸກຄັ້ງ ແລະ ລ້າງດ້ວຍສະບູ ຫຼື ເຈວລ້າງມືທີ່ມີທາດເຫຼົ້າ.
ຂໍ້ມູນຈາກ: THAI PBS NEWS
